MATÌÙT 26:63 - Ala Ane Wene Ket Mene Warogo Wo'ninapike Wene

⁶³ at Yesùt ane ìgì'lek kamo isikomo re, at ap kain Ala esewerek mene a'nogo nen he, “Ala aput Karìsùt lakhei wesigin isukwa a'nogo, ebe hat halok he, yogonisanok ìlùk, at Ala eluk motok welagarek mene etage hopuk palogo yogohetì o,” ìlùk yogosikomo,

MATÌÙT 26:63 ပူးပေါင်းရင်းမြစ်များ

MATÌÙT 16:16

at Simon Peterùt a'nogo nen he, “Hat hebe re, Karìsùt Ala eluk motok welagarek mene aput, nit telninabuagalùk at en lakhei wesigin ìlùk abok yogonisasike a'nogoat o,” ìlùk yogosike.

MATÌÙT 27:12

it ap Ala esewerek mene inogogì kaintek amanogo mel, inalùgetek amanogo mel inom en, ùkùm Yesùt oba apik hesukwa mene re, at en he, hobuk wene aike oko yogoisìgì'lek kamo isike.

YOHANET 20:31

Atì'nogo meneat he, helal waganek werek yì obogat he, hit en he, Yesùt atì Ala aput, nit apùnì telninabuagalùk wenagasogo lakhei wagaike a'nogo eberogoat, ìlùk hùthìlìk hinetaùken at oba hìpìrethìlìk, at etage palhenem hineluk logouageip ìlùk, helal waganogo hìgì o.

YOHANET 19:9

Atì'nogo ayùk agaikesik, Yesù wolok apotkwe o ùkùm inoba hìgìk, kotìk, egare'ma a'nogo kisikesik, mel yogosike: “Hat hawì ero o koma,” ìlùk yogosike meneat he, at Yesùt en oko ìgì'lek kamo isike.

YOHANET 19:7

it ap Yahuri mene amanogo nen he, mel yogosukwa: “At en ìkì logolìk, An nebe Ala aput, isike atì nen, wene Ala nen ninasuk wasike wene, nit en hagatorek atì higit hogo, at ebe wasusak elogat o. Halok he, wasusak akìkì lago,” ìlùk yogosukwa.

YOHANET 18:37

at Pilatùt en he, “Halok he, hat eberogoat kain hetagepogot he a,” ìlùk ìkì lagaikomo, at Yesùt en he, mel yogosike: “An nebe kain netagepogot hat egen atìat o. Atì hesigat an nen ebe wene abok pak hogo yogoisìkì logoigìlùk nebe kweangma yoma ta'lasi pi wagagi o. Apùnì wene ebe wene atì werekwe asi lagaika mene hùgì inebe lopok an nane inasuk holì'lùgì o,” ìlùk yogotì lagaikomo,

YOHANET 10:36

an nen he, Nebe Ala aput, ìgì atì nen, Ala etage weagate, ìlùk nenahalok ìkì lagep. Ala nenat nayoko hìlìk eberogoat nebe wenagasogo kweangma yoma lakhani wagaike meneat he, atì'nogo nenahalok ìkì lagep.

YOHANET 10:30

Nopase neperak ninebe re, omakeat o,” ìlùk yogoisìkì lagaikomo,

YOHANET 10:24

it ap kaintek Yahuri mene era'lu atogosi wagaukwasik he, mel yogosukwa: “Ninalabut hìrìk werek kolek herakhinanhì lagen yì, ninalabut siok hogo, hùlì nineki kì ba nen yogonisegein. Ala nen Karìsùt ayoko hìlìk lakhei wesigin isike a'nogo, hebe harat halok he, pak hogoat yogonisan o,” ìlùk yogotì lagaukwama,

YOHANET 8:25

Atì'nogo yogoisasikomo, it en he, “Hat hebe sa nogo,” ìlùk oba hinok wokhasukwama, at en he, mel yogoisasike: “Tùlemat atì, hobuk nenahalok yogohisegein.

YOHANET 6:69

Nit en he, ninoe hat Ala okawerek hesik menhagalìk, eberogoat at en lakhagei wagaikomo ìlùk, hùthagagosik ninetaùken hat hoba hìpìrethogo o,” ìlùk atì'nogo yogosikomo,

YOHANET 1:49

at Nataniel en he, mel yogosike: “Noe. Ala aput nit Isirael mene ninoe kain Hetagepogot harat hììgì o,” ìlùk yogosike.

YOHANET 1:34

at ebe neileken tùkùm hogo hìgìrìk hùthìgì o. Atì'nogo hùthìgìrìk, at atì Ala aput eberogoat o, ìlùk, abok hit pak hogo yogohisìkì lagì yì,” ìlùk yogoisasike.

MAREKÙT 14:61

ane ìgì'legat kamo isike. Kamo isikomo hobuk it ap Ala esewerek mene inoe kain a'nogo nen he, wene aike mel yogosike: “Ala hogoratì lago mene nen aput Karìsùt lakhei wesigin isukwa a'nogo ebe re, harat a?” ìlùk hinok wokhasikeat.

MATÌÙT 27:54

Nen, ap tentara mene inoe kain mene mel, agoromì he'nakìt Yesùt era'lu kagalek welagaukwa mene amanogo mel, lugul langathìgìk, yì hake tì hake haga'lagìk, isike amanogo ineileken hasukwasik inayùk apik arìk he, “Ap yì re, Ala aput eberogoat hìgì o,” ìlùk isukwa.

MATÌÙT 27:43

Etaùken Ala oba hìpìrìk logolìk, An Ala aput o, ìlùk ìkì laga a'nogo re, at Ala nenat teligin akike halok he, telìnìk he,” ìlùk isukwa.

MATÌÙT 27:40

“Wì! Hat en he, mel isigin akìgì: Ala awì wùrìk yì mesalogo hìlìk he, neki pìre ba wùtì logopik aike nen arat katok hogo wusigin, ìlùk isigin a'nogo re, hebe Ala aput halok he, hokawerek hebe e arì ba nen telogo pi me ta!” ìlùk inùkùloak kwanìthìkì logolìk inane sagan wokhìkì lagaukwa.

MATÌÙT 27:14

oko aike motok etenhì'lek kamo isikomo re, at Gubernur a'nogo nen he, “Nayùk e!” ìlùk hogorasike.

1 PETERÙT 2:23

Apùnì nen inane sagan weak wokhiko kolegat, at en oko ane sagan wogisìgì'legat. It en yì aik tì aik hagato kolegat, at en, “An hobuk oko aike hinoasigin,” ìlùk yogoisìkì lagaike legat. At he, “We, Ala nen ùkùm inoba hìgìk, kotìk, higit hogo igin mene werek o,” ìlùk, at eki ba hìlìk, ane oko ìgì'lek kamo ìkì lagaike.

MATÌÙT 4:3

Atì'nogo nele were'ma re, at Ibilit ina'la kagalìk nikerek mene a'nogo oba wìrìk he, “Hat eberogoat Ala aput halok he, helep aroma sùpùrùk horoti mene haga'lasuak en yogosin o,” ìlùk, yogosikomo re,

MATÌÙT 26:62

at ap Ala esewerek mene inoe kain a'nogo melagaikesik he, “It ap yoma wene apik yogohìrì'lùgì yoma, hat en oko aike yogoisegein lek a? Oko yogoisamo re,” ìlùk yogosike meneat he,

2 KORÌTÙT 1:19

At Ala aput Yesùt Karìsùt, an nebe nen yakùlhisìgìk, Silat en yakùlhisìgìk, Timotìùt en yakùlhisìgìk, isugu mene a'nogo oabùt he, “Ì o,” ìlìk en, “Lek o,” ìlùk ikerek lek. Ala nen, “Ì o. Wokhisegein,” ìlùk abok yogonisa hak, Yesùt ebe wo'nisasikomo werek atì.