MATÌÙT 26:58 - Ala Ane Wene Ket Mene Warogo Wo'ninapike Wene

⁵⁸ Yesùt atì'nogo wolok laga kolek, at Peterùt a'nogo hobuk inopolik hek-hek laga lagaikesik he, ap kain Kayapat a'nogo awululu kisikesik, “Yesùt nìkì'nogo hagasugun,” ìlùk eileken isagalùk he, at Kayapat agoromì Ala awì wùrìk serogo welagaikarek mene aike inekele'ma hù'lagaike.

MATÌÙT 26:58 ပူးပေါင်းရင်းမြစ်များ

YOHANET 7:32

Atì'nogo ìkì logolìk, it apùnì apik amanogo inane samisamok Yesùt abok ikenem, it ap Parisi mene inasuk holhukwasik he, it ap Ala esewerek inogogì kaintek inom en ap Ala awì wùrìk serogo welagaikarek mene aike nen Yesùt ebe hakhouagalùk wene warisasukwa.

YOHANET 18:25

Atì'nogo lakhei wagaikomo wagaukwama, at Simon etage aike Peterùt egarek a'nogo etu nokale'ma aremnogoat sogoi sakiko metek were'ma, it apùnì nen he, mel yogosukwa: “Hat he, at agoromì ane wìlì'lùgì mene amanogo mene lek nogo? Hat at agoromì meneat o,” ìlùk yogosukwama, at en he, “An lek ù,” ìlùk labelhike.

YOHANET 7:45

Atì'nogo kamo isukwasik werek kolek, it ap Ala awì wùrìk serogo welagaukwa mene nen Yesùt ebe hakhouagalùk wene warisasukwa mene amanogo inapotkwe it ap Ala esewerek mene inogogì kaintek mel, Parisi mene mel, inoba wagaukwama re, mel yogoisasukwa: “Ap a'nogo ebe hakhìlìk ninoba wolok wagì'lek atì, nahalok en kamo egep,” ìlùk yogoisasukwama,

MATÌÙT 5:25

Nen, ap aike heperak weak mene nen hat wokharek ap wene ero pìlìngìtare'ma laganem he, it ap atoma nen hobuk wokharek polisi inoba laganem he, it polisi lak en hobuk wokharek he, ineki hele warogo hisagare'ma lanogo ìlùk, heperak weak mene atì re, ebekwe oan laga logolìk atemat wene sagalogo heanerasusak o.

MATÌÙT 26:3

Atì sat he, it ap Ala esewerek mene inogogì kaintek mene mel, inalùgetek amanogo mel, at ap Ala esewerek mene inoe kain etage Kayapat a'nogo aua atogothìlìk he,

LUKAT 22:54

At Yesùt en atì'nogo yogoisasikomo, it en at ebe hakhesukwasik he, ap Ala esewerek inoe kain mene a'nogo aua wolok laga kolek, at Peterùt a'nogo hobuk inopolik hek hogo lagaike.

YOHANET 19:6

it ap Ala esewerek mene inogogì kaintek mel, it ap Ala awì serogo welagaikarek mene mel, Yesùt ineileken hasukwasik inane hùkorogo sì'lamok-wa'lamok, ìkì logolìk he, “At ebe e ba menhìlìk wa'no o! E ba menhìlìk wa'no o!” ìlùk inane ning hogo yogosukwama, at Pilatùt en he, mel yogoisasike: “An nen, at weak hagate mene aike hìgì motok lek atì nen he, hit hinokawerek hinoba lopok en at ebe waganogo e ba menhìlìk wa'no o,” ìlùk yogoisasikomo,

LAKSASIKE 5:22

Atì'nogo laksasukwama, it a'nogo lagaukwa re, it ap Yesùt en inayoko hìlìk laksasike mene a'nogo ineki hele warek hisagarek oba inebe le'ma. Inebe lek en inapotkwe wagaukwasik he, it ap amanogo mel yogoisasukwa:

LAKSASIKE 5:26

Atì'nogo yogoisìkì lagaikomo re, at ap kain Ala awì serogo welagaike mene a'nogo agoromì inom lagaukwasik he, it ap Yesùt en inayoko hìlìk laksasike mene amanogo wogisek wagaukwa. Mene re, wogisek wesuogolùk ina'la nen he, “Apùnì logolegat en Yesùt agoromì elele waganogo nit helep oba ninoasinogo,” ìlùk inayùk en inane keirogo wogisek wagì'lek. We, lìok hogo wogisek wagaukwa.