MATÌÙT 26:56 - Ala Ane Wene Ket Mene Warogo Wo'ninapike Wene

⁵⁶ it ap Ala ane yogoisìkì lagaukwa mene nen helal wanhukwa a'nogo eperak higit asuagalùk haga'napep o,” ìlùk, yogoisasikomo re, it ap at ane wanhì lagaukwa mene amanogo, at ebe hebùlùk hese motok pùgùlhukwa.

MATÌÙT 26:56 ပူးပေါင်းရင်းမြစ်များ

YOHANET 16:32

Atì'nogo yogoisasikesik he, aike mel yogoisasike: “Hit obogat, pùgùlogo wulakhikamo, an naligat herakhanìlùk hinauakwe lopok pùgùlugun oba oan welago meneat he, yogotak arat asi waga o. Hit atì'nogo pùgùlumo, an nopase neperak logogun atì nen he, naligat logogin lek o, ìlùk eberogoat yogohisìgì,” ìlùk yogoisasikesik,

MATÌÙT 26:31

Tom Saitun oba lagasikesik, at Yesùt en he, “At Ala nen, At ap topa wam serogo welagarek mene atì ebe an nen watenem he, ako omakìma atogorek welagarek mene atì, hese pùgùlugun o, ìlùk isikomo, helal waganogo hesukwama werek atì nen, yogotak hùako yì, hit obogat an herakhanìlùk hese pùgùlugun o.

MATÌÙT 26:54

Telnabi wesusak elok meneat he, telnabilepma re, Ala nen, Atì'nogo haga'lasigin, ìlùk isikomo helal waganek werek a'nogo re, nìkì'nogo eperak higit a'lep akegen. Lek o. Higit asuagalùk atì'nogo yogotì'lek kamo ìgì atì,” ìlùk, yogosikesik he,

2 TIMOTÌÙT 4:16

Apùnì nen ùkùm noba hìlìk, nanema emakum wanhenem, an nen he, “An noba le'maat o,” ìlùk ùkùm noba korikenem, it obogat an nera'lilu aike welagì'legat herakhanìlùk wùlùpa atì hesik, Ala nen ùkùm inoba hìgì'lek logouak, ìlùk sapan ìkì lagi.

LAKSASIKE 1:16

“Nerùgì nagaiya'lak. At Yùrat a'nogo re, nit ninom yabu hano hagatì logouagalùk Yesùt en ayoko hìlìk menhesikomo, nit ninom hano welagosik meneat he, holoat wene Ala Areagùn nen at Yùrat hesik isikomo, at Taùt en helal waganogo hesike mene were'ma, at Yùrat en ap en Yesùt ebe hakhouagalùk wogisek waga atì, haga'lasusak obaat haga'laga o,” ìlùk yogoisasike.

MATÌÙT 26:24

An abat ta'lasi wagagi a'nogo, hagasigin mene helal waganek werek higit hogoat hagasigin meneat he, at ap nebe noasuagalùk yoko legein mene atì nek he, eigo. Motok weagat asigin o. At ap atì ta'la'lep le'ma re, hanoat logoilep mene,” ìlùk yogoisasikomo,

LAKSASIKE 2:23

Mene re, at Ala elu logolìk, a'la nen, Atì'nogo hagasuak o, ìlùk akasike baat, Yesùt ebe hineki ba hesikomo, hit en ap inoabùt weak mene ineki waganogo, at ebe e ba menogo hìlìk watep atì.

MATÌÙT 21:42

Atì'nogo yogosukwama, at Yesùt en he, “Hit en Ala ane yì'nogo helal waganogo hesukwama etage salhì'lek welagep nogo? It en he, It ap tukang o helep mene wùtarek mene nen, o ebe watì logolìk he, Helep yì weak, ìlùk heraksasukwa mene atì obùleat ya'lagama o. Atì'nogo haga'laga atì, ninopase Ala Etagepogot enat hagate o, ìlùk, nineileken hogosik he, Egi! ìlùk hogoratì lago, ìlùk helal waganogo hesukwa mene atì etage salhì lagep lek nogo? Etage salhì lagebat o.