MATÌÙT 26:5 - Ala Ane Wene Ket Mene Warogo Wo'ninapike Wene

⁵ Weim abok ìkì logolìk he, mel isukwa: “Pesta hùko isago nikenem atì re, wene wo'larìk elùgùn oba weak asinogo nen he, hakhìgì'lek logopik, o we like halok hakhouok o,” ìlùk weim abok isukwa.

MATÌÙT 26:5 ပူးပေါင်းရင်းမြစ်များ

MATÌÙT 27:24

Atì'nogo yogosukwama, at Pilatùt en he, “It apùnì yoma nen, Wasugunat, ìlùk inane keirogoat ìkì logolìk elùgùn oba weak asiginmoat, an nane tùlemat alemarogo ìkì lagì hìgì,” ìlùk, i hinago aike wanhikesik he, apùnì amanogo ineileken werek kolek eki bakwe horatì logolìk he, mel yogoisasike: “Ap yì amep he, an noba asigin lek o. Hirat hinoba asigin o,” ìlùk, yogoisasikomo,

MATÌÙT 21:26

Nen, Apùnì nen yakùlesukwama pelaginapì lagaike, ìlùk yogosumo re, it apùnì yoma obogat en, Yohanet atì Ala aneat yogonisìkì lagaike, ìlùk egaresi'mo atì re, nit ninayùk,” ìlùk isukwasik,

MAREKÙT 14:27

Atì'nogo Saitun ùkùl oba lagalìk, at Yesùt en he, mel yogoisasike: “At Ala nen, At ap topa wam serogo welagarek mene atì ebe an nen watenem he, ako hese pùgùlugun o, ìlùk isikomo helal waganogo hesukwama werek atì nen, hit obogat an herakhanìlùk hese pùgùlugun o.

MAREKÙT 14:12

Yùrat atì'nogo a'la ebeto kolek he, it apùnì Yahuri mene eken horoti hisuagalùk a'la pelaparek mene a'la pelapì'lek werago nekarek a'nogo mene nùogolùk lilu alebagìk nekarek mene nùogolùk ìkì logolìk, pesta Paskah hesik wam topa wam warogo nasak higit agaike. Hìgìt agaikomo, at Yesùt agoromì ane wanhì lagaukwa mene amanogo oba wagaukwasik he, mel yogosukwa: “Noe. Hat wam topa wam pesta Paskah hesik nanok en he, nit en yì mene tì mene o koma tegelogo hei lasak walok akegen,” ìlùk oba hinok wanhukwa.

MAREKÙT 14:2

Weim abok ìkì logolìk he, mel isukwa: “Pesta hùko isago nikenem wene wo'larìk elugun oba weak asinogo nen he, hakhìgì'lek logopik, o we like halok hakhouok o,” ìlùk weim abok isukwa.

LAKSASIKE 4:28

Mene re, wene atì, hat heki omame werek mene nen, ha'la nen he, Atì'nogo hagasuak, ìlùk akasigin obaat, atì'nogo hagata atì.

YOHANET 18:28

Atì'nogo haga'lùk, sùe ane isikomo hùp siak hogo at Yesùt ap Kayapat were'ma nen, o ùkùm inoba hìgìk, kotìk, egare'ma wolok wagaukwa. Wolok wagaukwasik he, Yesùt enek ouma kelakhesukwasik, “Nit pesta Paskah a'nogo mene nìkì logousa'ma, ninabusak kumo re, nit weak asinogo,” ìlùk he, o ùkùm inoba hìgìk, kotìk, egare'ma atoma kìgì'lek, we, o silimo kamo isukwa.

LUKAT 22:7

Yùrat atì'nogo a'la ebeto kolek, eken horoti hisuagalùk a'la pelaparek mene a'la pelapì'lek mene werago nìkì logolìk, pesta Paskah hesik wam topa wam warogo nasak higit agaike.

LUKAT 20:6

Nen, Apùnì nen yakùlesukwama pelaginapì lagaike, ìlùk umo re, eige! It apùnì obogat en, Yohanet atì Ala aneat yogonisìkì lagaike, ìlùk akagaresi'mo nogo nen he, helep oba ninebe motok tamuk hogo ninoasinogo,” ìlùk isukwasik he,

LAKSASIKE 19:29

Atì'nogo ìkì logolìk, inane sagalhenem, apùnì o kota Epesùt atoma mene humusegat atogosi waga logolìk he, ap o propinsi Maketonia mene inebe pìre, Paùlùt inom nìkì lagaukwa mene, inetage Kayùt ho, Arisitarekùt ho, inebe haksìlìk heleka hùko wagane'ma wogisek kisukwa.

LAKSASIKE 21:38

An na'la nen he, hat ap Mesit mene aike hageat melarìk, ap apùnì inoare mene inebe motok logolegat 4.000 mene wogisek o leimo apùnì le'ma wùlìpike a'nogo hat he a, akìgì mene re, hat lek hììgì,” ìlùk yogosike.