MATÌÙT 26:39 - Ala Ane Wene Ket Mene Warogo Wo'ninapike Wene

³⁹ at alepma negen horogat lìlìk elokwe sogoum weinarìk he, Ala ayoko hìkì logolìk, mel yogosike: “Nopase! An weaga'nabugun atì telnabusak halok he, telnabino,” ìlùk u hak, “Amusu hinago noagalùk wo'nesugun atì, wokhasak halok he, wokhano. Nen, lek halok he, an na'la akìgì mene atì lek o. We, hat ha'la akegen mene atìat haga'nabino o,” ìlùk sapan isike.

MATÌÙT 26:39 ပူးပေါင်းရင်းမြစ်များ

PILIPI 2:8

At okawerek en etage legethakìlìk, “An noabùt he, nopase nen, Wa'lasuak, ìlùk, akike higit hogoat ane hologo logogin,” ìlùk, ebe e ba menhìlìk wasuagalùgat akasike atì.

MATÌÙT 26:42

sapan ebalep isike hagat, hobuk lagak hogo lagaikesik he, mel isike: “Nopase a! An weaga'nabugun yì re, telnabusak mea halok he, hat ha'la akegen atì higit hogoat haga'lasuak o,” ìlùk, sapan isike.

IBERANI 5:7

At Yesùt ebe kweangma yoma were'ma apùnì nen wasinogo ìlùk, Ala nen elok telusak atì nen he, le aga logolìk, ane hùkorogo Ala etage palogo ayoko hìkì logolìk, opase ane ayùk hogo hologo welagaike atì nen, ane asuk holhike.

YOHANET 5:30

Atì'nogo yogoisasikaik he, wene aike mel yogoisasike: “An naligat na'la nen kagalogo yì mene tì mene hagasusak mea atì nen he, an nen na'la akalùk hagatì lagì lek o. We, at an lakhani wagaike mene a'la akikerek mene hagasigìlùk ìkì lagì atì nen, nopase ane apoligat, apùnì oak tegelogo ùkùm inoba hìgìk, kotìk, ìkì lagì atì, higit hogoat ìkì lagì o,” ìlùk yogoisasike.

YOHANET 14:31

Atì'nogo meneat he, an nopase netaùken hutik welagìrek atì apùnì kweangma mene inelu asuagalùk, an nopase nen nasuk warogo yogoneterek meneat hagatì lagì o,” ìlùk yogoisasikesik he, “Nagoromì. Lùok en mela'ni o,” ìlùk yogoisasike.

YOHANET 18:11

Atì'nogo lakhesikomo, at Yesùt en, mel yogosike: “Peterùt. Hakarok obùlù'mo houa'ma kelakhakan o. Apùnì nen i hinago wogisikenem nekarek atì hak, an nopase nen, Hat yì aik tì aik hagathabugun o, ìlùk yogonesike mene atì higit hogo haga'nabusak mea akegen? Lek o. Haga'nabusagat o,” ìlùk yogosike.

YOHANET 11:41

it en helep a'nogo lekalogo lakhesukwama re, Yesùt eileken pogot oba lìakhìlìk he, mel isike: “Ala nopase. An nane hasuk holhen atì nen he, hai wathapì lagì o.

MATÌÙT 20:22

Atì'nogo yogosikomo, at Yesùt en he, “Hit kìno yogonetep atì re, wene ebe hinokorat logolìk yogonetep o. An yì aik tì aik haga'nabugun atì re, hit atì'nogo hagathinabusak elok akegep?” ìlùk u hak he: “An nagei hinago negein atì re, hit elok nasak akegep?” ìlùk yogoisasikomo, it en he, “Elok nasagat o,” ìlùk yogosukwa.

ABÌKAKAN 19:10

Atì'nogo yogonetì lagama, an nen, at malaikat a'nogo awe a'ma kìlìk neitep awì yagasogo hogorasigìlùk ìgì meneat he, at en yogonetì logolìk: “Hùk. Atì'nogo hogo'nabusak lek o. An nebe re, hat mel, hagaiya'lak mel, ninom higit. Wene Yesùt en yogonisasike mene yogoisìlìk negarek mene atì, at Ala Areagùn nen ina'la kagalogo yogoisikenem yogoisagarek atì, wene ero at Yesùt en yogonisasike atìat o. Halok he, at Ala at hogorasusak o,” ìlùk yogonete.

LAKSASIKE 10:25

Wagaukwasik he, at Peterùt ebe ouma kigìlùk ikenem, at Korenelìùt en at ebe wanhikesik he, eitep awì yagasogo Peterùt awe a'ma soma ìlìk hogorasike.

LUKAT 17:16

Wagaikesik, Yesùt awe a'ma eitep awì yagasogo ot lupuk hai wasike. Ap atì awì o Samaria mene.

MAREKÙT 13:22

It apùnì aike inapeliagat ìkì logolìk he, Karìsùt a'nogo nebe anat o, ìgìk, nen, it aike nen, Ala ane yogohisìgìrek mene anat o, ìgìk, i wesugun o. Wìrìk he, Apùnì Ala nen wenaginapike mene amanogo lalinabusak he a? Lek he a, ìlùk lalinabuogolùk he, inane eberogoat akoagalùk hagasusak lek mene elalin mene hagarìk wesugun o.

YOHANET 5:19

Weim abok atì'nogo isukwama, at Yesùt en he, ap amanogo wene yì'nogo yogoisasike: “Yì mene tì mene an nopase nen hagatenem neileken hìgì'lek, we, an na'la nen kagalogo hagasusak mea atì nen he, an nopase hagaterek meneat higit hogo hagatì lagì o, ìlùk eberogoat yogohisìgì.