MATÌÙT 26:38 - Ala Ane Wene Ket Mene Warogo Wo'ninapike Wene

³⁸ “An netaùken motok huni agasik wa'lasusak hake haga'nabì'logo o. Halok, hit ya logolìk he, ninomat ninepe hebelogo logouok,” ìlùk yogoisalùk he,

MATÌÙT 26:38 ပူးပေါင်းရင်းမြစ်များ

YOHANET 12:27

At Yesùt en wene atì'nogo yogoisasikaeik he, sapan aike mel isike: “Nopase, an yì aik tì aik hegein atì nen, yogotak netaùken motok hiselì'logo atì re, hat en nebe telnabin o, illùk yogohesusak meneat he, atì'nogo haga'nabuagalùgat wagagisi'mo nogo nen he, atì'nogo igin lek o, nopase.

1 PETERÙT 3:18

Nit apùnì weak hagatorek atì hesik nineki elùgùn oba, at Karìsùt hobuk wa'lagì'lek logoigìlùk omake hesigat wa'lagaike. Ninebe Ala oba wo'nisek lagalùk he, at oabùt higit hagaterek mene nen, nit ninoabùt kolo hagatorek mene hesik wa'lagaike atì. Ebe nit apùnì mene atì wasukwama wa'lagaike meneat he, areagùn mene atì Ala nen eluguthesike atì.

1 PETERÙT 2:24

Nit ninoabùt weak hagatì lagagu mene atì, apùnì wa'larìk yì mene tì mene hagatarek lek atì hak, nit weak mene heraksìlìk, nineluk logolìk Ala walok mene hagatì logouagalùk, nit weak hagatì lagagu mene korogo, at Karìsùt oba hakasikomo, ebe e ba menogo hìlìk wasukwa atì. At ebe libi'-labak hogo wasukwa atì ba, hit hanothinapike atì.

KALATIA 3:13

Ala ane ba helal waganogo hìkì logolìk he, mel isukwa: “Inebe e ba menhisìlìk inoasumo, it inebe wa'lasugun mene atì, Ala nen homan hisegein werek o,” ìlùk, helal waganogo hesukwa hagat, wene Ala nen ninasuk wasike wene atì ba re, homan hinasak higit were'ma, at Karìsùt en ninoko palogo telninabìgìlùk ùkùm nit ninoba mene korogo at oba hakasike atì.

1 PETERÙT 4:7

Yì mene tì mene obogat elùgùn oba haga'lasigin mene horogat asi waga ìlùk, sapan ìkì logouogolùk, hinetaùken sebeksek logolìk, hinoabùt hebelogo logoino.

2 KORÌTÙT 5:21

Nit Karìsùt ninom hùneto halok, at Ala nen okawerek ninom ninapotkwe lapuk hogo hinagalùk, nit hesigat nit ninoabùt weak hagatorek mane atì, at Karìsùt weak hagatì'lek mene oba hesike atì.

ÙRÙM 8:32

At okawerek aput etawì agì'lek nit obogat hesik wa'lasuagalùk lakhei wagaike. At oabùt hano nen atì'nogo wo'nisasikesik he, yì mene tì mene oba louk hogo wo'nisegein lek nogo? Wo'nisegeinat o.

MATÌÙT 25:13

Yesùt en atì'nogo yogoisasikesik he, “Atì hak, an wesigin atì, hit en, O tì sat, jam tì ba wesigin, ìlùk, hinokot atì nen he, se'narek logolìk hinepe hebelogo logoino o,” ìlùk yogoisasike,

MAREKÙT 14:34

Atì'nogo isikomo re, mel yogoisasike: “Nagoromì. An netaùken motok huni agasik wa'lasusak hake haga'nabì'logo o. Halok, hit ya logolìk he, hinepe hebelogo logoni o,” ìlùk yogoisasike.