MATÌÙT 26:37 - Ala Ane Wene Ket Mene Warogo Wo'ninapike Wene

³⁷ Atì'nogo yogoisalùk he, Peterùt mel, Sepeteùt againapùrì inebe pìre aremnogo mel, wogisek lagaikesik he, a'la weak arìk etaùken min agaikomo re, mel yogoisasike:

MATÌÙT 26:37 ပူးပေါင်းရင်းမြစ်များ

MATÌÙT 4:21

Lagaukwama, at Yesùt eileken lakhasike hak, ap inebe pìre Sepeteùt againapùrì Yakobùt agot Yohanet eperak inopase inom, so a'la logolìk, su yoge su ikan wanharek mene hìkìn katenem lagisìlìk he, waisasike.

MATÌÙT 17:1

At Yesùt en atì'nogo yogoisasikesik he, nogo ineki 6 ìlùk en, Peterùt mel, Yakobùt mel, agot Yohanet eperagat mel, inaligat wogisek tom uan aike ba lagasike.

MAREKÙT 5:37

Lagaukwasik, apùnì inebe logolegat yogoisìkì logolìk, “Ninopolik wesusak lek. We, it Peterùt mel, Yohanet agot Yakobùt eperak mel enek ninom logoin o,” ìlùk inom lagaukwa.

YOHANET 12:27

At Yesùt en wene atì'nogo yogoisasikaeik he, sapan aike mel isike: “Nopase, an yì aik tì aik hegein atì nen, yogotak netaùken motok hiselì'logo atì re, hat en nebe telnabin o, illùk yogohesusak meneat he, atì'nogo haga'nabuagalùgat wagagisi'mo nogo nen he, atì'nogo igin lek o, nopase.

LUKAT 22:44

Etaùken ago wasike mene re, a'la motok weak logolìk hobuk sapan ekin hogo ikenem, likak mep hake mene tegethìgìk kweangma titung-tatung pisike.]

MATÌÙT 20:20

At Yesùt en atì'nogo yogoisasikesik were'ma, at Sepeteùt agwe nen eagwì wogisek Yesùt oba wagaikesik eitep awì yagasogo hai watì logolìk he, “Nit aike kìno yogohesuogolùk hoba wago,” ìlùk yogosukwama

MATÌÙT 4:18

At Yesùt i Kalilea yekele'ma esakokwe laga logolìk he, ap inebe pìre, Simon etage aike Peterùt ìkì lago a'nogo agot Atereat eperak ninhùp-nanhùp ikanat wanharesi'mo nogo nen he, atì sapùl ikan wanuogolùk, su yoge su ima pelapenem eileken lagisasike.