MATÌÙT 26:26 - Ala Ane Wene Ket Mene Warogo Wo'ninapike Wene

²⁶ At Yesùt en wene atì'nogo yogosikesik, sùpùrùk nìkì logolìk, sùpùrùk horotì mene ekimo wanhikesik he, Ala hai warogo, ebe kùrogo it amanogo sùpùrisìkì logolìk he, mel yogoisasike: “Yì an nebeat o. Wìlìk he, nani o,” ìlùk yogoisasikesik,

MATÌÙT 26:26 ပူးပေါင်းရင်းမြစ်များ

LAKSASIKE 20:7

Nit o atoma logolìk, Ala hesik welegat welagagusik he, hùako sùpùrùk horoti mene ninerùgì ninagaiya'lak ninom nuogolùk atogothìlìk, at Paùlùt en wene yogonisìkì lagaike. Hùen arat luogolùk nogo nen he, wene uanat yogonisìkì logolìk, hùako hùp pùlemat yogonisiko motok welagaike.

1 KORÌTÙT 10:4

i nekarek hak, omakeat mene elalinat wogisiko kolek, inebe obogat nìkìk, ìkì lagaukwa. I atì re, helep Ala nen hesike mene, inom motok nìkì logolìk, a'la nen wùlùpenem nìkì lagaukwa atì. Helep atì ebe re, Karìsùt at o.

LAKSASIKE 2:46

Atì'nogo hagatì logolìk he, ineki aike kamo ìgì'lek hutik-hutigat Ala awì wùrì'mo atogotìk, ina'la hai hakìkì logolìk, inoabùt isong hogoat inauakwe sùpùrùik inom kùrogo nìkìk, ìkì lagaukwa.

LUKAT 24:30

Kisukwasik inom sùpùrùk nùogolùk he, hù'lagaikesik sùpùrùk horoti mene ekim wanhikesik he, Ala hai warogo kùrogo it aremnogo sùpùrisasike.

MAREKÙT 6:41

Atì'nogo arat hù'larik lagaukwama re, at Yesùt en sùpùrùk horoti mene 5 nen aremnogo mel, ikan pìre aremnogo mel, ekim wanhikesik he, eileken pogot oba lìakhìlìk, Ala hai warogo horoti aremnogo kùrogo re, agoromì ane wanhì lagaukwa mene nen apùnì logolek amanogo sùpùrisoagalùk wogisasike. Nen, ikan pìre aremnogo atì'nogoat it obogat sùpùrisoagalùk kùrogo wogisasikeat.

MATÌÙT 14:19

Yogoisasikomo re, wogosi wagaukwama, at Yesùt en apùnì apik amanogo mel yogoisasike: “Pipuk obakwe aroma hù'larìk lani o,” ìlùk yogoisasikomo hù'larìk lagaukwama re, sùpùrùk horoti mene 5 nen aremnogo mel, ikan pìre aremnogo mel, ekim wanhikesik he, eileken pogot oba lìakhìlìk, Ala hai warogo kùrogo re, agoromì ane wanhì lagaukwa mene amanogo nen sùpùrisoagalùk he, wogisasikomo sùpùrisasukwa.

MATÌÙT 26:27

hobuk isoak eken amusu hinago mene ekim wanhikesik, Ala hai warogo it amanogo wogisìkì logolìk he, mel yogoisasike: “Yì re, an namebat o. Ala nen wene warogo wokhinabigin isike a'nogo, an namep wulagasogo noasugun atì ba apùnì logolegat yì weak tì weak hagarì'lùgì mene sagalogo legetsegein atì ba ebe asigin o. Halok, hinebe obogat nani.

LUKAT 22:17

hobuk isoak eken amusu hinago ekimo wanhìkesik he, Ala hai warogo, agoromì wogisìkì logolìk he, mel yogoisasike: “Anggur eken amusu yì nalùk he, an hobuk aike nìkì'lek logopik en, hùlì, at Ala nen awe a'ma hisegein atì hùlì, hobuk negein. Halok, yì waganogo hinokawerek en sùpùrogo nìlìk loageip en ìlùk wokhisìgì o,” ìlùk yogoisasike.