MATÌÙT 26:24 - Ala Ane Wene Ket Mene Warogo Wo'ninapike Wene

²⁴ An abat ta'lasi wagagi a'nogo, hagasigin mene helal waganek werek higit hogoat hagasigin meneat he, at ap nebe noasuagalùk yoko legein mene atì nek he, eigo. Motok weagat asigin o. At ap atì ta'la'lep le'ma re, hanoat logoilep mene,” ìlùk yogoisasikomo,

MATÌÙT 26:24 ပူးပေါင်းရင်းမြစ်များ

LUKAT 24:46

Atì'nogo inetaùken healogo yogoisìkì logolìk, “Ala nen Karìsùt ayoko hìlìk lakhei wesigin isike mene helal mel ìlùk waganek werek: Yì aik tì aik hìlìk hìlìk wa'larìk en, eki pìre warek logopik he, aike yì nen he, wa'la'lùk lagaikare'ma nen eluk asigin o, ìlùk helal waganek werek.

MATÌÙT 18:7

It apùnì kweang'ma mene yoma, it aike nen an kopologo herakhanuagalùk ina'la kagalumo motok weak asugun atì nen, netawì lak e. An kopologo herakhanuagalùk ina'la kagalhì logogun meneat he, it ina'la kagalugunwerek atì Ala nen motok weagarinabigin werek o.

1 KORÌTÙT 15:3

Wene emakum an yakùlnesukwama, wanhigi meneat hit hobuk yakùlhisasigi atì re, ebe mel akìgì. Nit weak hagatì lagagu mene hesik, at Karìsùt nineki elùgùn oba wasugun ìlùk helal waganogo hesukwa higit hogoat ebe wasukwa atì.

YOHANET 17:12

An it ninom yoma logolìk he, it inebe nalasinogo ìlùk, hat hetage mene an salnapigin a'nogo ba, hagisek were'ma, it aike nalagì'lek o. We, At atì nalasigin, ìlùk, hat hane isigin mene helal waganogo hesukwa mene a'nogo ebe asuagalùk, nalasusak obaat nalaga o.

LUKAT 22:22

Yoko lamo an abat ta'lasi wagagi a'nogo at Ala nen he. At wasuak, ìlùk akasike higit hogoat noasugun meneat he, ap an noasuagalùk yoko legein mene atì nek he, netawì e. Weak asigin o,” ìlùk yogoisasikomo re,

MAREKÙT 14:21

An abat ta'lasi wagagi a'nogo, wa'lasigin mene helal waganek werek higit hogoat wa'lasigin meneat he, at ap nebe noasuagalùk yoko legein mene atì nek he, eigo. Ebe motok weagat asigin o. At ap atì ta'la'lep le'ma re, hanoat logoilep mene,” ìlùk yogoisasike.

MATÌÙT 26:54

Telnabi wesusak elok meneat he, telnabilepma re, Ala nen, Atì'nogo haga'lasigin, ìlùk isikomo helal waganek werek a'nogo re, nìkì'nogo eperak higit a'lep akegen. Lek o. Higit asuagalùk atì'nogo yogotì'lek kamo ìgì atì,” ìlùk, yogosikesik he,

MAREKÙT 9:12

Hinok wanhukwama, at en he, mel yogoisasike: “At Elia tak wìrìk he, yì hagatìk tì hagatìk tegeli wesigin, ìlì'lùgì atì eberogoat meneat he, an abat ta'lasi wagagi a'nogo hesik wene helal yì'nogo waganogo hesukwama werek: At ebe ninabìt, ìlùk, heraksìlìk, yì aik tì aik motok weak hagarogo hogoin o, ìlùk helal waganogo hesukwama werek atì nena hesik isukwa akegep.

MATÌÙT 26:56

it ap Ala ane yogoisìkì lagaukwa mene nen helal wanhukwa a'nogo eperak higit asuagalùk haga'napep o,” ìlùk, yogoisasikomo re, it ap at ane wanhì lagaukwa mene amanogo, at ebe hebùlùk hese motok pùgùlhukwa.

LAKSASIKE 28:23

Atì'nogo yogosukwasik, “Nit nineki tì ba nen hobuk hoba wesugun o,” ìlùk wene waresukwa. Wene warerìk he, ineki atì ba inebe hùkokwe, o Paùlùt welagaike ba oba wagaukwa. Wagaukwama, ohealek en pìkìt hùako wene Ala awe a'ma hisikerek wene a'nogo yogoisikoat welagaike. Yogosìkì logolìk, it en Yesùt hagasike wene atì eberogoat ìlùk hùthoagalùk, wene Ala nen ninasuk wasike wene Musa nen helal waganogo hesike a'nogo ba mel, ap aike Ala ane yogoisìkì lagaukwa mene nen helal waganogo hesukwa a'nogo ba mel, inasuk watì lagaike.

LAKSASIKE 4:28

Mene re, wene atì, hat heki omame werek mene nen, ha'la nen he, Atì'nogo hagasuak, ìlùk akasigin obaat, atì'nogo hagata atì.

LAKSASIKE 2:23

Mene re, at Ala elu logolìk, a'la nen, Atì'nogo hagasuak o, ìlùk akasike baat, Yesùt ebe hineki ba hesikomo, hit en ap inoabùt weak mene ineki waganogo, at ebe e ba menogo hìlìk watep atì.

YOHANET 19:28

Atì'nogo arat haga'lùk oba nen, at Yesùt a'la nen he, “Yì wene tì wene obogat arat elùgùn warogo hagatì,” ìlùk elu nogo nen he, Ala ane helal waganogo hesukwa mene ebe asuagalùk, “An i nele,” isike.

YOHANET 19:24

it-it aike nen aike yogotì logolìk he, “Su yì paluok lek o. We, sa hak helegein ìlùk oageke lakhouok o,” ìlùk isukwa. Atì'nogo isukwa atì re, Ala ane helal waganogo hesukwama, mel werek: “An nasu nokolek sùpùrìlìk he, nasu etakwe mene helùogolùk oageke lakhaga o,” ìlùk isukwa mene helal waganogo hesukwa mene werek higit hogoat, it ap tentara mene nen atì'nogoat hagasukwama ebe agaike atì.

MATÌÙT 26:31

Tom Saitun oba lagasikesik, at Yesùt en he, “At Ala nen, At ap topa wam serogo welagarek mene atì ebe an nen watenem he, ako omakìma atogorek welagarek mene atì, hese pùgùlugun o, ìlùk isikomo, helal waganogo hesukwama werek atì nen, yogotak hùako yì, hit obogat an herakhanìlùk hese pùgùlugun o.