MATÌÙT 26:18 - Ala Ane Wene Ket Mene Warogo Wo'ninapike Wene

¹⁸ at Yesùt en he, “O kota a'nogo lìlìk he, ap aike a'naga wene mel yogo'no. At ninoe wene yakùlnisikerek mene a'nogo nen he, An hagasigin mene arat horok asi wagama re, an nagoromì nane wìlì'lùgì mene ninom, at aua atoma pesta Paskah werago nùok en he, yogosi lani o, ìlùk yogonisikomo yogohesi wago, ìlùk yogo'no,” ìlùk yogoisasikomo re,

MATÌÙT 26:18 ပူးပေါင်းရင်းမြစ်များ

YOHANET 7:6

Atì'nogo yogosukwama, at Yesùt en he, mel yogoisasike: “O ninhùp-nanhùp hit an hagasusak he, elok werek mane re, an nen hagasusak oba hakok i wagì'lek oan werek o.

YOHANET 17:1

At Yesùt en wene atì'nogo yogoisasikesik he, at ot hìok hogo eileken pogot oba lìakhasikesik he, mel isike: “Nopase. An haga'nabugun a'nogo arat asi waga o. Hat en hageat apùnì aike wo'nesigin mene hùgì inebe lopok an haput en hagarinabumo ineluk motok logouagalùk apùnì obogat neki ba hesigin atì nen he, hat hebe esinethageik en, an haput esinethani me o, nopase.

YOHANET 13:1

Nen, hùenkwe pesta Paskah a'nogo mene nùogolùk logolìk, at Yesùt en, “An apùnì o kweangma yoma hisalak nopase oba napotkwe lagagin atì arat hakok i waga,” ìlùk, at elu welagaike. Nen, at okawerek agoromì kweangma mene etaùken hutik welagaikesik, hobuk inebe abìt agì'lek etaùken hutik motogat welagaike.

YOHANET 7:30

it en Yesùt ebe hakhouogolùk isukwa meneat he, at ebe hakhousak oba higit asi wagì'lek atì nen he, ebe hakhìgì'lek kamo isukwa.

YOHANET 7:8

aike mel yogoisasike: “An hagasusak oba oan werek atì nen he, pesta hagasugun atì hagatenem yogotak yaat pigin lek. We, hit enek pini o,”

YOHANET 12:23

Atì'nogo yogosi lagaukwama, at Yesùt en he, mel yogoisasike: “An abat ta'lasi wagagi a'nogo, nebe hogo'nabugun oba arat asi waga o.

LUKAT 22:53

Ninhùp-nanhùbat Ala awì wùrì'mo hit an ninom logolìk hakhanhì'lek welagasip en he, yogotak yì nek he, o mùm ese welagarek mene a'nogo omame agama re, hit en hakhanusak higit obaat wagep yì o,” ìlùk yogoisasike.

YOHANET 11:28

Atì'nogo yogo'lùk he, Mareta nen oe Maria waesi lagaikesik he, mel yogosike: “Ninoe wene yakùlnisìlì'logo mene a'nogo ebe wagasik horok yoma logolìk waherì'logo,” ìlùk ane sami-samok yogosike.

MAREKÙT 5:35

Atì'nogo yogoto kolek aremnogoat, o apùnì Yahuri mene sapan egarek oba inoe kain a'nogo aua nen agoromì yoko wagaukwasik he, mel yogosukwa: “Noe. Ha'logo a'nogo arat wa'lagama nen wago. Halok he, ninoe kain wene yakùlnisikerek mene arì, hobogomat heperak lùogolùk oba sabelusak nogo? Lek o,” ìlùk yogosukwa.

MATÌÙT 26:2

“Nineki pìre logopik en pesta Paskah hagasugun atì hit hineluat o. Atì'nogo hagato kolek, an abat ta'lasi wagagi a'nogo, ap en yoko lìlìk, it aike nen e ba menhanìlìk noasuagalùk ineki ba hanugun o,” ìlùk yogoisasike.

MATÌÙT 23:10

Nen, hinoe wene hinasuk watìrek he, an Karìsùt naligat halok he, it apùnì aike nen, Kain noe, ìlùk, hit yogohisasak motok legat o.

MATÌÙT 23:8

Meneat he, hit hinopase re, guru wene yakùlhisikerek mene omakeat enek werek atì nen he, hinerùgì hinagaiya'lak hinom higit halok, it aike nen, Guru noe, ìlùk yogohisasak motok lek o.

MATÌÙT 21:3

Atì'nogo hele hikalhenem, it apùnì atoma mene aike nen he, Nenahalok kopì hikalhì lagep, ìlùk wene palhe halok he, mel yogoisano: Ninoe Etagepogot a'nogo nen wam yì mene lek en he, wolok lùogolùk kopì hikalhì lago, ìlùk yogotenem, at en he, hepok lakhei wesigin a'naga,” ìlùk, wene warogo laksasike.

YOHANET 20:16

at Yesùt en yogotì logolìk he, “He Maria,” ìlùk yogotenem, Maria elokwe hebek hogo Yesùt wogorìk he, nit ninane ba, “Guru noe,” u hak he, it Iberani mene inane ba re, “Rabuni,” ìlùk hai wasike.

MATÌÙT 26:49

at tak Yesùt oba wagaikesik he, “Noe hallabok,” ìlùk, hai ape saluk watenem he,

MATÌÙT 26:19

it amanogo, at en isike hagat lagaukwasik he, yì mene tì mene pesta Paskah a'nogo hesik motok tegelogo hesukwa.