MATÌÙT 26:13 - Ala Ane Wene Ket Mene Warogo Wo'ninapike Wene

¹³ Nane eberogoat yogohisak. He yì eberek logouagalùk, apùnì wene hano wene a'nogo, o yì awì tì awì yogoisìlìk nìkì logolìk he, He atì tì'nogo hagasike, ìlùk abok hano ìkì logogun o,” ìlùk yogoisasike.

MATÌÙT 26:13 ပူးပေါင်းရင်းမြစ်များ

MAREKÙT 14:9

Nane eberogoat yogohisak. He yì oba eberek logouagalùk he, apùnì nen wene hano wene a'nogo, o yì awì tì awì yogoisìlìk nìkì logolìk he: He atì nen tì'nogo hagasike, ìlùk abok hano ìkì logogun o,” ìlùk yogoisasike.

MATÌÙT 24:14

Nen, Ala nen awe a'ma hisegein mene hano wene yì, yì apùnì tì apùnì motok inelu asuagalùk o yì awì tì awì yogoisìlìk lagep halok he, o wùrep oba arat haga'lasigin o,” ìlùk yogoisasike.

IBERANI 6:10

At Ala oabùt he, kolo hagaterek mene hùk. At higit hogo nek hagaterek atì nen he, hit en at hesik hagatì logolìk hinerùgì hinagaiya'lak Ala againapùrì mene aike hinetawì nen alep leberisìgìk, hobuk leberisìgìk, ìkì lagep mene atì, at en hit hinoba lì'mathikegein lek o.

ABÌKAKAN 14:6

Atì'nogo hìgìrìk oba nen, opolik he, at malaikat aike wene hano wene motok logogin mene apùnì kweangma mene inùkùl etage lopok, inane lopok, inogat lopok, inaua lopok, yogoisìlìk pogot obakwe purogo nikenem lakhìgì.

1 TIMOTÌÙT 2:6

At Karìsùt apùnì obogat weak hagatorek atì ba hele warogo ha'nisek were'ma hele hikalogo telninabigìlùk okawerek eram en, “Nebe noasuak” ìlùk wagaike atì ba, Ala a'la nen he: “Apùnì obogat telinabuaak,” ìlùk akikerek mene atì, enagat asusak higit hogoat enagat agaike atì.

KOLOSE 1:23

Halok he, hano wene hinasuk holhigisip he, hina'la nen, “Hobuk hano asigin,” ìlùk, akasigip mene atì, hinetaùken abolok ìlìk kopologo hebìgì'lek ning hogoat hesogo logoino. Hano wene atì, at en o yì awi tì awi apùnì inebe obogat yogoisasike wene atì yogoisìlìk nìkì logouagalùk, an Paùlùt nayoko hesike atì.

2 KORÌTÙT 10:18

Apùnì inokawerek en hogorakagarek mene atì Ala nen hano ìlùk woginaperek hùk. We, at ninoe Etagepogot en hogorinaperek mene halok hano ìlùk woginaperek o.

ÙRÙM 15:19

At ebe hathoagalùk yì mene tì mene hagatìk, hogorasuagalùk yì mene tì mene elalhìk, omamerogo isike. Ala Areagùn a'nogo omame baat hagasike atì. Hagato kolek he, an he, o Yerusalem a'loma nen lagakpagak pìkìt o Ilirikum a'loma, at Karìsùt wene hano wene atì tùkùm hogo yogoisìlìk wagì.

ÙRÙM 10:18

Mene re, an nen hinok aike wokhisak. It he, hano wene atì inasuk holhì'lek werek nogo? Lek o. Inasuk arat holha. Ala ane ba, “It inane atì o yì awì tì awì obogat wìalagaikesi'mo re, o esako esako a'loma obogat inasuk holhukwa o,” ìlùk isikomo helal waganek werek atì nen ìgì o.

LUKAT 24:47

Nen, aike mel ìlùk helal waganek weregat: Hit apùnì weak hagatì lagep mene atì, heraksìlìk hinoabùt hebelhep halok he, Ala nen sagalogo legetsegein o, ìlùk, at etage palogo wene ìkì logolìk he, ero o Yerusalem hùlì nen yogoisìlìk, pìkìt hùlì o yì awì tì awì apùnì inùkùl etage lopok motok yogoisìlìk laga logoino, ìlùk Ala ane helal waganek weregat o.

MAREKÙT 16:15

Atì'nogo wenagisasikesik, wene aike mel yogoisasike: “Hit he, apùnì inùkùl etage lopok o yì awì tì awì a'loma obogat wene hano wene yì yogoisìlìk laga logoino o.

MAREKÙT 13:10

Mene re, wene hano wene yì, yì ap tì ap inùkùl etage lopok yogoisìlìk lagep halok he, wùrep oba arat haga'lasigin o.

MATÌÙT 28:19

Halok he, yì apùnì tì apùnì ìnùkùl etage lopok obogat an nagoromì haga'lasuagalùk, nopase Ala etage ba, an aput netage ba, Areagùn etage ba, ninetage palogo ima pelaginapìk, an nen wene hinasuk watì mene atì obogat it apùnì aike nen higit hogo hagatì logouagalùk yakùlisìgìk, ìlìk laga logoino o. Lakhani! Hit atì'nogo hagarinabìk laganem, an nebe ninom moto'-motogat were'ma, hùlì o elùgùn oba haga'lasigin o,” ìlùk yogoisasike.

LAKSASIKE 10:4

Yogosikomo, at Korenelìùt eileken at oba lùrogo hìkì logolìk, ayùk arìk he, “Ì, noe. Nahalok,” ìlùk isikomo, at en he, “Hat sapan ìgìk, apùnì inekim lek inelageik mene leberisìgìk, ìkì lagen atì re, Ala elu agasik hoba eberek werek o.