MATÌÙT 26:10 - Ala Ane Wene Ket Mene Warogo Wo'ninapike Wene

¹⁰ Atì'nogo isukwama re, at Yesùt en inoabùt enagat hùrìsasikesik he, mel yogoisasike: “He yì nen hano haga'nape meneat he, nahalok wenagatì lagep.

MATÌÙT 26:10 ပူးပေါင်းရင်းမြစ်များ

TITUT 3:8

ìgì atì eberogoat o. Hat en it aike inetaùken Ala oba hìpìrìk werek mene hùgì nen, apùnì aike hesik hanorogo leberisagarek atì mene esinethìlìk akiluk hogo hagatì logoumo, apùnì obogat hesik hano motok, ìlùk, atì'nogo hagatì logouagalùk, inasuk ning hogo watì logoinogolùk, an na'la akìgì mene yogohetì atì.

IBERANI 13:21

Hit Ala a'la walok akikerek mene nek hano hagasuageip en he, yì mene tì mene hano mene obogat wokhisoak. Atì'nogo wokhisikenem, nit ninom obogat en Ala a'la hanorogo hagatì logouagalùk, ninoabùt at en wo'nisegein atì, ebe re, Yesùt Karìsùt en wo'nisoak o. At Karìsùt atìat hogorato motok logouok o. Ebe asuak u hak, “Amin,” ìgì atì.

TITUT 3:14

Apùnì nit Ala againapùrì mene aike, e eken hano mene ìtì'lek welagarek hak, it atì hano mene ese agì'lek tùlemat alemarogo logoinogo ìlùk, it aike yì mene tì mene lek en nong arìk were'ma, it inokawerek hano hagatì logolìk leberisìkì logouogolùk, atì mene esinethìlìk yakùlhì logouak o.

TITUT 3:1

Ala againapùrì hat en hagisek welagen mene atoma nen, inogogi pemerintah mene kaintek inawe a'ma were'ma, it en yì mene tì mene higit hogo hagasuagalùk ikenem, “Ì o,” ìlùk inane hologo hagatì logouagalùk inasuk watì logoino.

TITUT 2:14

Nit alep Ala ane heraksìlìk yì weak tì weak hagatì lagagu atì nen nineki hele warogo negen ha'nisek were'ma, at Yesùt Karìsùt en he, “It inebe an nokawerek nagainapùrì atìk he, inoabùt hano mene akiluk hogo hagatì logouak en, inebe hele hikalogo inoko paligìlùk, an nebe wa'lasigin,” ìlùk isike.

TITUT 1:16

It atì nen he, “An Ala ebe nelu o,” ìlùk, inane pak hogo ìkì logolìgat he, “Ebe ninokot,” ìlùk, u hak, inasuk ware'legat, Ala a'meilo mene hagatì logolìk, yì mene tì mene hanorogo hagasusak he, mea werek atì.

2 TIMOTÌÙT 2:21

Ati hak he, sa nen okawerek en weak hagatarek mene atì horogo hebisìlìk, ebe Ala hesik hisìlìk were'ma, at enat yì mene tì mene hano mene hagasigìlùk, “Arat hano,” ìlùk, ayoko hegein atì.

1 TIMOTÌÙT 5:10

It apùnì aike nen it hìmì soge mene atì inabok ìkì logolìk, “It inoabùt hano hagarì'lùgì,” ìlùk egarek mene halok, inetage palusak. Hano hagatarek atì re, inokawerek ineagwì hanorogo kùlinapìk, ap pok waganem inebe hanorogo woginapìk, Ala againapùrì aike inesok obakwe sobalisìgìk, it aike weak were'ma leberisìgìk, ineki aike kamo ìgì'lek yì hesik tì hesik leberisiko motok welagìk, egarek mene halok, inetage palusak o.

1 TIMOTÌÙT 3:1

Wene yì, eberogoat mene igin o. It aike ina'la nen akìkì logolìk he, “An Ala againapùrì serisek logoile,” ìlùk, ina'la akaga halok he, atì hano motok meneat walok en akaga atì.

2 TESALONIKA 2:17

Atì'nogo egarek mene atì nenat, hit hineki nen hano mene hagatìk, hinane ba hano mene yogoisìgìk, ìkì logouageip en ìlùk, hina'la hanothinapìk, hinetaùken wurigethinapìk, ìkì logouak o.

KOLOSE 1:10

Atì'nogo hinelu arìk he, ninoe Etagepogot a'la hanorogo, at walok akikerek mene higit hogo hagatì logousagat. Yì mene tì mene awì yatenem ero hùko arik eken ìterek hak, hit Ala oabùt hinelu aga logolìk, yì mene tì mene hano mene hagatì logousak atì.

EPESÙT 2:10

At enat hano hagarogo hinasikomo welago. Atì re, nit Karisùt ninom hutik logolìk, yì mene tì mene hanorogo hagatì logouagalùk, ninoabùt ket hùnogoat elalninapike atì re, ebe Karisùt Yesùt enat elalninapikomo welago.

KALATIA 6:17

Hobuk he, an Yesùt atitigeke ìlùk, nebenakwe nagapùt enagat werek atì nen he, it aike nen an na'la wiikweak hogo haga'nabusak lek o. Motok nabìt.

KALATIA 5:12

Hit weagathinabuogolùk hinogat hinekalìma mene palhinabuogolùk hina'la ning hogo kagalì'lùgì mene palhinabuogolùk hina'la ning hogo kagalì'lùgì mene atì, hit Ala againapùrì hina'la nen tek hogo motok wo'laka wùlùbùak o!

KALATIA 1:7

Ebe re, wene hano wene hunigat aike welagarek le'maat o. Meneat he, it apùnì aike nen hano wene Karìsùt en hagasike wene atì mene hùnogoat hagarogo lalhinabuogolùk yogohisìlì'lùgì atì nenat ìgì o.

2 KORÌTÙT 9:8

Apùnì inoabùt hano hagatarek mene hesik, Ala ane ba helal mel waganek werek: “It en hano mene apùnì ya wogisìgìk, ta wogisìgìk, sùpùrisìkì logolìk, it aike inelageik mene sùpùrisagarek. Inoabùt hano nen wogisagarek atì, Ala a'la eberek motok logogin o,” ìlùk helal waganogo hesukwa hak, at Ala oabùt hano nen, yì mene tì mene oba hilarogo wokhisikenem, hit ninhùp-nanhùlp hinokawerek hesik elok logolìk, oba hilarogo it aike hanorogo leberisìkì logouageip ìlùk, Ala nen elok wokhisasak werek o.

MAREKÙT 14:6

Atì'nogo wenagasukwa meneat he, at Yesùt en he, mel yogoisasike: “He yì wenagate hùk o. Hebeni. At en an hano haga'nape o.

1 PETERÙT 2:12

It apùnì etakwe mene Ala inokot mene hinom logolìk, it en he, hit weak hagatì lagep mene salek, “It weak hagarì'lùgì o,” ìlùk hinabok weak ìkì logolìgat he, hit hinoabùt hano hagatenem ineileken hisìkì logopik he, apùnì nen at Ala ebe hobuk waganem hogorasuagalùk hit hinoabùt higit hogo hagatì logoino o.

MATÌÙT 26:9

“Amusu atì oko motok apik mene palogo re, it inagarok lek mene spùpùrisasak mene,” ìlùk isukwa.

MATÌÙT 26:11

It apùnì inagarok lek mene atì hit hinom motok logogun meneat he, an enek he, hit ninom motok logogun lek o.

LUKAT 8:49

Atì'nogo yogoto kolek aremnogoat he, o apùnì Yahuri mene sapan egarek oba inoe kain a'nogo aua nen agot aike yoko wagaikesik he, mel yogosike: “Noe. Ha'logo a'nogo arat wa'lagama nen wagì o. Halok he, ninoe kain wene yakùlnesikerek mene arì, hobogomat heperak lùogolùk oba sabelusak lek o,” ìlùk yogosike.