MATÌÙT 25:7 - Ala Ane Wene Ket Mene Warogo Wo'ninapike Wene

⁷ it hìlìmìkìrùgì amanogo ineluk agaukwasik he, lampu agale agauak hagarogo kìalìk lagaukwa.

MATÌÙT 25:7 ပူးပေါင်းရင်းမြစ်များ

LUKAT 12:35

Atì'nogo yogoisasikesik he, hobuk yogoisìkì logolìk he, “Ap kain mene hìmì ìgìnapenem lìlìk isago nalùk waganem, agoromì atitigeke mene serogo inepe hebelogo were'ma, at apotkwe wìrìk, kwe papagathikenem hepok kwe hùthagarek hak, hit hogo re, hinasu hanorogo ìkogo nen esage kìalogo hìlìk logoino o.

2 PETERÙT 3:14

Nerùgì nagaiya'lak. Hinebe netawì e. Atì'nogo wesigin ìlùk, serogo logolìk he, ùkùm hinoba hakìgì'legat, weak agì'legat, Ala hinom hano were'ma at ebe hisa Wesuak en, at hesik akiluk hogo hagatì logoino.

ABÌKAKAN 3:2

An nen hit hinoabùt palhì lagì re, nopase Ala eilhanem hano katok hogo hagatì lagep lek. We, horogat wa'lasusak hinetaùken pasalùk welagep atem obaat, siak hogo melarìk he, hinekisok hapugurakalìk, hinomamo a'no o.

MATÌÙT 25:1

At Yesùt en atì'nogo yogoisasikesik he, wene aike mel yogoisasike: “Ninopase Ala nen awe a'ma hisikere'ma atoma eperak higit he, hìlìmìkìrùgì inebe 10 nen lampu kìalogo wolok ap aike agwe ìkagalùk waganem elokoma lagaukwa atì hakeat o.

MATÌÙT 25:6

Atì'nogo nogo iko kolek, hùp pùlem it apùnì nen he, Ap agwe ìkìke werek a'nogo ebe waga a'lì. Elokoma we'ni o, ìlùk, inane hùkorogo isukwama,

MATÌÙT 25:8

It inetaùken lek mene amanogo nen, it inetaùken werek mene amanogo yogoisìkì logolìk he, Lampu nit mene nogoilarì'logo. Halok he, minyak hit mene aike wo'nisanì o, ìlùk, kìno yogoisasukwama,