MATÌÙT 25:41 - Ala Ane Wene Ket Mene Warogo Wo'ninapike Wene

^41-43 “Nen, it neki peikkwe hisegein mene atì mel yogoisegein: An nopase nen hit homan hikike mene yì rì! An sùpùrùk nele were'ma, hit en mela'netì'lek, i nele were'ma, hit en wo'netì'lek, ap pok were'ma hit en wo'napì'lek, su labere'lek were'ma hit en aike labethanhì'lek, ou warek were'ma mel, neki hele warek were'ma mel, nea lagì'lek hagatì lagagip o. Halok he, an nopase nen, at Ibilit agoromì inebe apik inom, etu aik api'mo logouagalùk inobùlùk hisasikomo atoma hela lani o, ìlùk yogoisegein.

MATÌÙT 25:41 ပူးပေါင်းရင်းမြစ်များ

2 PETERÙT 2:4

It malaikat Ala nen yoko pelaksa wagarek mene aike weak hagasukwama, Ala nen heraksìgì'lek, we, ùkùm hobuk inoba heigìlùk he, o mùmmo wea'ma ineki hele warek logouagalùk pelaksasike atì.

2 TESALONIKA 1:9

It atì'nogo ùkùm inoba hìlìk he, ninoe Etagepogot omame apik en hogorato motok welagaikare'ma eilhanem atoma nenat wea'ma atoma motogat logouagalùk laksegein o.

MATÌÙT 13:42

obogat etumo laksamo logolìk, inaik hunogo lì ago le ago motok logogun o.

MATÌÙT 13:40

Nen, it apùnì nen eka weak mene atogorogo hìlìk etu lolharek atì hak, o wùrep oba atì'nogoat hagasigin o.

YOHANET 8:44

Atì'nogo hinabìt atì re, hit hinopase Ibilit atma, hit en at walok akikerek mene atìat walok en hagatì lagep atì. At Ibilit atì ero ba nenat apùnì inoaterek meneat o. At wene ebe wene a'la lek atì nen he, wene ebe wene ikenem inane legeterek lek atì. Ibilit apeliak ikerek atì re, at oabùt esogatma apeliagat ikerek atì o. Inapeliak egarek atì, ero arat o.

MATÌÙT 7:23

an nen pak hogo yì'nogo yogoisegein: Hit hinebe an nokot o. Weak motok hagarìk nìkì lagep mene atì nera'lu ya logogùp o. Pùgùlakani, ìlùk yogoisegein o,” ìlùk yogoisasike.

MATÌÙT 3:12

Gandum eken holusak hesik wabùn oba hurogo lakhegein mene, at esewerek mene ekimo werek atì. Tegelusak oba higit asi waga halok, hano mene halok, tegelogo hikerek oba hanoma hìgìk, apùpùleke halok etu nogolusak le'ma a'nogo ba laksìgìk, ìgìn o,” ìlùk yogoisasike.

IBERANI 6:8

Atì'nogo meneat he, kweang atì yì ka tì ka weak mene mel, pakì alok mene mel, hulelhe halok he, “Kweang yì, we tùlemat alemarogo werek atì weak nabìt,” ìlùk homan hìlìk he, hobuk etu lolumo heleleng hogo negein o.

MATÌÙT 13:50

etu ai'mo laksamo inaik hùnogo lì ago le ago motok logogun o,” ìlùk yogoisasike.

1 YOHANET 3:10

Ala againapùrì mel, Ibilit againapùrì mel, ninetawì wekelogo inoabùt enagat haga'larì'lùgì re, yì. Sa nen oabùt higit hogo hagatì'legat, erùgì agaiya'lak etawìrinapì'legat, hagarì'logo halok, at atì ebe Ala aput lek o.

LUKAT 16:24

Eileken lìagisìlìk, ane hùkorogo mel yogosike: Aberaham nopase e! An etu aik api'mo yoma heinet apik watì lagì yoma hetawì nean o. Lasarut en eki tùm ima pelakhìlìk en, i magasogo re, nameli ba sako uagalùk, hei wesuagalùk yogoom o, ìlùk yogosikomo,

LUKAT 13:27

at en he, Hit o koma nen wagep. Hinebe an nokot o. Hit weak hagatesep mene noba ki wagùp. Atem enat pìkìt lani o, ìlùk yogohisegein werek o.

MATÌÙT 25:46

it apùnì atì yì aik tì aik hìkì logogun oba motok logouagalùk laksegein o. Meneat he, it Ala ane hologo hagatì logogun mene atì ineluk motok logogunmo atoma hisegein o,” ìlùk, yogoisasike.

MATÌÙT 18:8

Hineki nen a? Hinesok en a, weagathinabusak haga'laga halok he, o'moko palogo laksìlìk, o'moko nek logolìk, ineluk motok logogunmo atoma kumo hano o. Mene re, hineki hinesok atì wùrat were'ma etu nogoilasusak le'ma atoma lakhikamo weak o. Halok he, o'moko palogo laksano.

MATÌÙT 5:22

Mene re, an nen wene aike yì yogohisak. Hat sa nen hagaiyak hesik ha'mage lagaiko halok he, wene aike hoba hegein werek o. Nen, hat sa nen hagaiyak aike yogotì logolìk he, Hat he, hebe kepù yì rì! ìlùk iko halok he, it ap wene ero pìlìngìtare'ma atoma wokharek lìlìk, ùkùm hoba hogoinat o. Nen, hat sa nen, Hat he, hetaùken motok lek yì rì! ìlùk iko halok he, wene hoba hìlìk etu aik api'mo lakhagagin o.

MATÌÙT 4:10

at Yesùt en he, “Hat Ibilit yì lan o. Ala nen ìkì logolìk he, Hit en he, hinopase Ala Netagepogot anat hineitep awì yagasogo nawe a'ma ki wìrìk hogo'napì logolìk he, an hesik enek hagatì logoino o, isikomo helal waganogo hesukwama werek o,” ìlùk yogosike.