MATÌÙT 25:30 - Ala Ane Wene Ket Mene Warogo Wo'ninapike Wene

³⁰ Halok he, at ebe an natitigeke logousak lek mene yì re, eta'ma o motok mùmmo inaik hùnogo lì agìk, le agìk, egare'ma atoma wulaksani o, ìlùk yogoisasike,” ìlùk Yesùt en yogoisasike.

MATÌÙT 25:30 ပူးပေါင်းရင်းမြစ်များ

MATÌÙT 8:12

Mene re, it apùnì Isirael mene atì re, o atoma irat esewerek asusak meneat he, eta'ma o mùm hikakse'ma atoma laksamo re, inaik hùnogo lì ago le ago motok logogun o,” ìlùk yogoisasike.

MATÌÙT 22:13

Ane motok ìgì'lek kamo isikomo re, at ap kain etagepogot a'nogo atitigeke mene amanogo mel yogoisasike: Ap atì eki esok motok hele homagasogo re, eta'ma inaik hùnogo lì ago le ago egare'ma o motok mùmmo atoma wulaksani o, ìlùk yogoisasike.

MATÌÙT 13:50

etu ai'mo laksamo inaik hùnogo lì ago le ago motok logogun o,” ìlùk yogoisasike.

YURAT 1:13

Nen, aike re, i laut hùko yekele'ma ha'labu yùgùneke-yaganeke aninirogo motok watì logolìk, wesilagap hagarogo hikerek atì hak, it atì yùgùnat hagatì logolìk, inekalì lek weak hagarì'lùgì. Hesagal polok hogo mùmmo lagarek atì hak, Ala nen it atì o motok mùm hikakse'ma logouagalùk hisegein werek o.

TITUT 3:14

Apùnì nit Ala againapùrì mene aike, e eken hano mene ìtì'lek welagarek hak, it atì hano mene ese agì'lek tùlemat alemarogo logoinogo ìlùk, it aike yì mene tì mene lek en nong arìk were'ma, it inokawerek hano hagatì logolìk leberisìkì logouogolùk, atì mene esinethìlìk yakùlhì logouak o.

YOHANET 15:6

Nen, hele ekisok palogo laksagarek mene pùk aganem he, apùnì nen nomologo hìlìk etumo po laksikenem etu nikerek atì hak, at sa nen an neperak hutik lek, kopolek halok he, atì'nogoat palogo lakhoumo ebe etu negein o.

LUKAT 13:28

Atì'nogo yogohisamo, hit eta'ma logolìk, ap Aberaham mel, Yakùp mel, Isak mel, ap he'nakìt Ala ane yogoisìkì lagaukwa mene amanogo mel, Ala awe a'ma hanoma atoma were'ma, hineileken kelagisogoin o. Nen, hit enek he, kwe yagarogo wulakhikamo eta'ma atoma logolìk, hinaik hùnogo lì ago le ago iko motok logogun o.

MATÌÙT 24:51

Atì'nogo were'ma wìrìk he, at atitigeke a'nogo ebe tùgì motok warogo re, it apùnì inogat oba nek hano salek inetaùken pìre logolìk hagatarek mene laksikerek oba atoma laksamo, atoma logolìk he, aik hùnogo lì agìk, le agìk, ìkì logogin o,” ìlùk yogoisasike.

MATÌÙT 13:42

obogat etumo laksamo logolìk, inaik hunogo lì ago le ago motok logogun o.

ABÌKAKAN 21:8

Atì'nogo meneat he, it apùnì aike inayùk hoporek mene mel, Ala ane wanharesik en heraksagarek mene mel, Ala a'meilo mene hagatarek mene mel, apùnì inoare mene mel, pailak haksìgìk haksoagalùk hagatìk, egarek mene mel, wesagùn akolek inoatarek mene mel, tùgì hareken oba hìpìrìk logolìk, hogoratarek meme mel, inapeliak egarek mene obogat mel, i laut etu mene yekelek were'ma, hetalì al hake obasi weak mene etage belerang inom-inom amulok nike motok welagare'ma atoma laksegein o. Laksegein atì re, inebe alep elama hesik wa'larìk oba nen hobuk wa'lasugun atìat o,” ìlùk yogonete.

2 PETERÙT 2:17

It ap atì inoabùt he, o hìbì ba i elesi heresok ikerek atì hak, heresok ìgìk, ohena sogoi en wolok lagarek atì hak, yùgùnat wogisek lagìk, ìkì logogun o. Ala nen it atì o mùm hikakse'ma atoma logouagalùk, inobùlùk hagarogo hisasikomo werek o.

MATÌÙT 5:13

Atì'nogo yogoisasikesik he, “Apùnì yoma obogat hesik, mayu hake hirat welagep o. Mene re, mayu atì aik lek aga halok he, nena mene ba aik weregerasusak akegep. Lek o. Aik weregerasusak motok lek en he, kesalogo laksìlìk apùnì inesok en lìlìbùk warogo laksagarek o.

MATÌÙT 3:10

E ero lapok eken hano mene itì'lek halok, mùkogo etumo laksagalùk posie e omaken oba hangsek motok werek o,” ìlùk yogoisasike.