MATÌÙT 25:20 - Ala Ane Wene Ket Mene Warogo Wo'ninapike Wene

²⁰ ap uang 5.000 nen wanhike mene a'nogo hobuk 5.000 nenat mangoratike mene wolok wagaikesik he, Noe. Hat en 5.000 nen wo'nesigin a'nogo re, lakhan. An nen hobuk 5.000 nen aike inomat oba mangorogo hìgìma yì o, ìlùk yogosikomo,

MATÌÙT 25:20 ပူးပေါင်းရင်းမြစ်များ

LAKSASIKE 20:24

Atì'nogo meneat he, an nebe neluk logousak atìat esin ìlùk atì mene esinethìkì lagì lek. Ninoe Etagepogot Yesùt en nayoko hìkì logolìk, at en he, Ala oabùt hano nen hagarinaperek wene hano wene atìat yogoisìlìk lano o, ìlùk nayoko hesike atìat wùrep oba kobok hogo hagasìlùk esinethìkì lagì o.

YAKOBÙT 2:18

It aike nen atì'nogo ikenem, mel usak: “Hat en he, Netaùken Ala oba hìpìrìk welagì ìkì lagen atì. Nen, an nen he, neki ba nen leberisìkì lagì atì. Halok he, hat heki nen leberisìgì'lek logolìk, Netaùken enek Ala ba hìpìrìk welagì, ìlùk ìkì lagen atì ebe kì. Ìnù'nean ta. An enek he, Netaùken Ala ba hìpìrìk welagì, ìlùk, neki ba nen leberisìkì lagì mene enagat werek atì, inùkheegeinat o,” ìlùk yogoisasak atì.

KOLOSE 1:29

An wene atì hesik katok hogo hagasigìlùk, at Karìsùt omame a'nogo an na'la logolìk nomame'napo kolek, ning hogo nomamerogoat hagatì lagi atì.

1 KORÌTÙT 15:10

Atì'nogo usak mea meneat he, Ala oabùt hano nen nayoko hesikomo yì'nogo agagisik welagì o. Nayoko hesike atì we tùlemat hesike lek atì nen he, it aike obogat yabu hamùlùgat hake wanho kolek, an enek he, apik hake wanhì lagì o. Mene re, atì'nogo wanhì lagì atì re, an nen wanhì lagì hùk. Ala oabùt hano nen, neperagat logolìk wanì'logo o.

MATÌÙT 18:24

agarok amanogo eki wenatenem he, agoromì amanogo aike uang juta motok apik oba palek welagaike mene oba wolok Wagaukwa.

LUKAT 19:13

Atì'nogo akasikesik logolìk he, atitigeke mene inebe 10 nen waisasikomo wagaukwama re, uang emas hùkotek mene ebe 10 nen inebe lopok omakìtek sùpùrogo wogisìkì logolìk he, mel yogoisasike: An oan wagì'lek werek kolek, nauang yì ba abarogo seikpeik hogo hagatì logoino, ìlùk yogoisalùk he, at a'nogo lagaike.