MATÌÙT 25:14 - Ala Ane Wene Ket Mene Warogo Wo'ninapike Wene

¹⁴ At Yesùt en atì'nogo yogoisasikesik he, aike mel yogoisasike: “Ala nen awe a'ma hisikere'ma atoma, eperak higit he, ap aike o walegat hùnogoma lagalùk ìkì logolìk, at atitigeke mene waisasikomo wagaukwama re, at agarok yì mene tì mene it hesogo logouagalùk ineki ba hùlùk lagaike atì hakeat o.

MATÌÙT 25:14 ပူးပေါင်းရင်းမြစ်များ

MAREKÙT 13:34

Wene yì eperak higit he, ap aike aua nen o walegat lagalùk he, atitigeke mene aua serogo logouagalùk hisalùk lagarek. Lagalùk, atitigeke mene amanogo ineyabu lopok sùpùrogo wogisìkì logolìk, Hat aike yì hagatì logoino. Hat aike tì hagatì logoino. Hat aike nawì kwe ba serogo welagatek mene yì, heileken hanorogo logoino, ìlùk sùpùrogo wogisalùk lagarek hakeat o.

EPESÙT 4:11

Nen, sùpùrogo pelagisa wagaike atì ebe re, nit Ala againapùrì ninebe obogat Karìsùt ebe hake were'ma, o wùtarek hak wùrogo hiaikenem, ninebe obogat Ala hesik hagatì logouagalùk he, ninebe lopok ninayoko hìlìk menhinìlìk lagaike atì. It aike Ala ane wolok loagalùk inayoko hìgìk, it aike Ala ane yogoisìkì logouagalùk inayoko hìgìk, it aike hano wene apùnì etakwe mene hesik yogoisìlìk loagalùk inayoko hìgìk, it aike Ala againapùrì serisek logolìk wene yakùlisìkì logouagalùk inayoko hìgìk, ninebe lopok atì'nogo ninayoko hesike atì.

1 KORÌTÙT 12:4

Ninoabùt lopok hùnogo tomok wo'nisikerek atì re, Ala Areagùn omakeat mene nenat wo'nisikerek o.

MATÌÙT 21:33

At Yesùt en wene atì'nogo oba lìrogo arat yogoisasikesik he, “Hobuk wene aike yì oba lìrogo yogohisak. Ap aike akweang esewerek mene nen eyabumo anggur awì yakasikesik he, leget wùtìk, eken sagalogo amusu keralhì logogun oba kweang habulhik, ineileken logogun oba laleka pelatìk, isikesik he, ap aike serogo logouagalùk hisalùk he, o wele'ma atoma lagaike.

1 KORÌTÙT 3:5

At Apolot atì sa nogo. Nen, an Paùlùt sa nogo. Nit atì ninoe Etagepogot enat a'la akalùk nineyabu lopok hagatì logouagalùk ninayoko hesikomo re, at atitigeke welago. Atì'nogo logolìk, wene yakùlhisasugumo re, hinetaùken Yesùt oba hìpìrethesigip atì.

LUKAT 20:9

At Yesùt en atì'nogo yogoisasikesik he, hobuk apùnì amanogo wene aike oba lìrogo mel yogoisasike: “Ap aike eyabumo anggur awì yasike. Yakhìlìk he, ap aike serogo logouagalùk hisalùk he, o walegat lìlìk eki aike inom hogo logopik en wesigìlùk lagaike.