MATÌÙT 25:13 - Ala Ane Wene Ket Mene Warogo Wo'ninapike Wene

¹³ Yesùt en atì'nogo yogoisasikesik he, “Atì hak, an wesigin atì, hit en, O tì sat, jam tì ba wesigin, ìlùk, hinokot atì nen he, se'narek logolìk hinepe hebelogo logoino o,” ìlùk yogoisasike,

MATÌÙT 25:13 ပူးပေါင်းရင်းမြစ်များ

1 TESALONIKA 5:6

Halok he, it aike nogo negen ìlì'lùgì atì, nit atì'nogo ìkì logousak mea o. We, ninoabùt hebelogo logolìk, ninetaùken wekelogoat logouok o.

ABÌKAKAN 16:15

Atì'nogo lagaikasi'mo nen, at Yesùt en mel yogonete: “Hasuk holin o. Apùnì yogot wanuogolùk hinagasogo wagaikarek atì hak, an atì'nogoat wesigin o. Atì'nogo waganem, apùnì inalulukwa were'ma inekalì agarek atì hak, hit atì'nogoat hinekalì asinogo ìlùk hinasu hepok ìkùogolùk tegelogo hìlìk logogun halok he, Ala nen hanothinapenem hina'la hai hakogoin o,” ìlùk yogonetenem holhì.

LUKAT 21:36

Yì'nogo tì'nogo obogat haga'lasigin ìgì a'nogo haga'laga kolek he, hinomamerogo hinepe morogo logopik, hinekalì legat nelokoma metek were'ma, an abat ta'lasi wagagi a'nogo hisa wesik en he, ninhùp-nanhùp sapanat ìkì logolìk he, hinepe hebelogo logoino o,” ìlùk yogoisasike.

1 KORÌTÙT 16:13

Hinepe hebelogo logolìk he, hinetaùken Ala oba hìpìrethìlìk, metegat logoino o. Hinoabùt abat logolìk he, hinomamerogo logoino o.

1 PETERÙT 5:8

At Ibilit, hinaselei mene a'nogo nen, singa lo yeke anini weak mene yì mene tì mene haum hogo nagalùk ane kwe agan herarìk nikerek atì hak, “Sa hak weagathegein,” ìlùk herakhinabìk niko atì, hinepe hebelogo hineileken hanorogo logoino o.

MATÌÙT 24:50

ìkì logolìk he, at en he, Noe a'nogo o tì sat, jam tì ba wesigin, ìlùk, motok okot wonogat were'ma oe kain a'nogo wesigin o.

1 PETERÙT 4:7

Yì mene tì mene obogat elùgùn oba haga'lasigin mene horogat asi waga ìlùk, sapan ìkì logouogolùk, hinetaùken sebeksek logolìk, hinoabùt hebelogo logoino.

2 TIMOTÌÙT 4:5

It atì'nogo hagato kolegat he, hat he, yì mene hesik, tì mene hesik hoabùt hebelek logolìk, hoba yì aik tì aik hìkì logolìk, hepe morogoat logoino. Hano wene yakùlisìlìk negarek atì meneat esinethìlìk he, Ala nen, “Tì'nogo leberisìkì logoino,” ìlùk, hayoko hesike mene atì aike heraksìgì'legat higit hogo hagatì logoino.

LAKSASIKE 20:31

Hinetaùken wekelogo logoino! An o mo lagagìk pìgìk iko kolek 3 tahun ninom logolìk he, kamo ìgì'lek likene nen, hùako nen, le aga logolìk, hinebe lopok hinasuk watì lagì a'nogo, hina'la eberek logoino o.

MATÌÙT 25:12

at en he, Hit atì sanì. Hinebe an nokot o, ìlùk, eberogoat Yogohisìgì,” ìlùk yogoisasike.