MATÌÙT 25:1 - Ala Ane Wene Ket Mene Warogo Wo'ninapike Wene

¹ At Yesùt en atì'nogo yogoisasikesik he, wene aike mel yogoisasike: “Ninopase Ala nen awe a'ma hisikere'ma atoma eperak higit he, hìlìmìkìrùgì inebe 10 nen lampu kìalogo wolok ap aike agwe ìkagalùk waganem elokoma lagaukwa atì hakeat o.

MATÌÙT 25:1 ပူးပေါင်းရင်းမြစ်များ

ABÌKAKAN 19:7

Atì'nogo logolìk, Topa Eak agwe negen ikagalùk awì arat we ikomo, at agwe negen a'nogo okawerek en arat tomok hogo hakìlì'mo nogo nen he, ebe arat isigin atì nen nina'la hairogo, akiluk hogo, at hogoratì logouok o.

ABÌKAKAN 21:9

Atì'nogo yogonetesik oba nen opolik he, Ala nen elùgùn kobok apùnì weagarinabuagalùk, it malaikat inebe 7 nen Ala a'mage i negen hinago wolok kesali wagaika mene amanogo mene aike wagasik mel yogonete: “Topa Eak en agwe negen ìkike mene atì ebe yakùlhesumo heileken lakhanok en eme o,” ìlùk yogonete.

ABÌKAKAN 21:2

Atì'nogo hagarogo hikesik, at okawerek awì sili o kota Yerusalem ket mene, hìmì inagonì helùogolùk inalìlìke lì'lùk hogo wanharek atì hak, at were'ma pogot oba nen pelabi waganem hìgì.

YOHANET 3:29

Nen, ap aike agwe ìkhike halok, he atì agùn, ap atìat o. Nen, ap agwe ìkhegein werek atì agaiyak aike era'lu metek logolìk, at ane ikenem asuk hologo logolìk a'la nen hai hakikerek atì hak, an yogotak atì'nogoat na'la hai apik hakìkì lagì o.

MATÌÙT 13:24

At Yesùt en wene atì'nogo yogoisasikesik he, wene aike oba lìrogo mel yogoisasike: “Ala nen awe a'ma hisikere'ma atì ebe re, ap aike awì hano mene yasike atì hakeat o.

ABÌKAKAN 14:4

It apùnì atì inebe re, tegelek logouogolùk, hìmì inom nogo ìgì'lek logolìk, inape ba nen inapeliak aike egare'legat, nen, apùnì aike nen he, “It atì weak aike hagatama,” ìlùk ùkùm inoba housak legat mene, logolìk, Topa Eak a'nogo kwe komakwe laga halok, opolik nikenem, sùpùrùk ebe oan werek kolek, lilu tak nekarek atì hak, Ala nen yì apùnì tì apùnì ina'la nen kìgìlogo inoko palogo telinapikomo, it inebe Ala ho, Atopa ho, hisìlìk, were'ma isìgì o.

TITUT 2:13

Nit yogotak he, Yesùt Karìsùt ebe Ala Etagepogot mene, telninapike mene a'nogo apùnì nen hogorato kolek, weinam hogo hano'ninabi wesigin atì hesik, nina'la hai hakìkì logolìk ebe serogo welago.

MATÌÙT 22:2

“Ala nen awe a'ma hisikere'ma atoma eperak higit he, ap kain etagepogot aike aput agwe ìgìtì logolìk, pesta isasukwa hagat o.

2 TIMOTÌÙT 4:8

Apùnì inawe walhikenem, inawe uan asugun mene oko hano mene wogisagarek hak, an nebe arat laganem, ninoe Etagepogot en ùkùm ninoba hìgìk, kotìk, higit hogoat igin atì like, at en he, “Hat higirat hagatì lagenma,” ìlùk, oko hano mene aike wo'nesigin werek o. Mene re, an enek wo'nesigin hùk. It aike ina'la nen he, “Yesùt we'nìk e,” ìlùk, walok en serogo welagaikarek mene hùgì obogat ninom wo'nisegeinat o.

MATÌÙT 3:2

“Kain pogot oba mene awe a'ma hinegein a'nogo yogotak arat hinegein. Halok he, weak hagatì lagep mene heraksìlìk hinoabùt hebela'ni o,” ìlùk yogoisìkì lagaike.

1 KORÌTÙT 11:2

Wene yì hesik tì hesik an noba ebetì logolìk, an yakùlnesukwama hit yakùlhisasigi mene hesogoat welagep atì nen hogothinapì lagì o.

MATÌÙT 20:1

At Yesùt en hobuk mel yogoisasike: “Ala nen awe a'ma hisikere'ma atoma eperak higit he, mel hake. Ap kweang esewerek mene aike eyabu anggur yabumo hagasuagalùk ap heraginabìk ohealegat yoko wùlìpike.

MATÌÙT 13:47

Atì'nogo yogoisasikesik he, aike mel yogoisasike: “At Ala nen awe a'ma hisikerek atì ebe re, mel hake. Ikan wanuogolùk su yoge su i laut hùko atì yekele'ma a'la pelapenem yì ikan tì ikan ùkùl etage lopok motok a'la kalaga halok,

MATÌÙT 13:38

Nen, yabu atì ebe re, o kweangma yì awì tì awi obogat atìat o. Nen, awì hano mene atì ebe re, apùnì Ala awe a'ma welagaikarek mene inebe atìat o. Nen, awì weak mene atì ebe re, at ap oabùt motok weak mene againapùrì atìat o.

ABÌKAKAN 4:5

Atì'nogo were'ma, at kain welagarek obùlùk atì ba nen eilabùt hobugalep yararathìgìk, okuku ane hùko pak ìlìk en ane lulu lagìk, iko kolek, at kain welagarek obùlùk a'nogo elokoma re, esage kìalek esok telik ebe 7 nen welaga. Atì ebe re, Ala Areagùn motok katoksek u hak ebe 7 nen a'nogoat o.

2 KORÌTÙT 11:2

Hìlìmìkìrùgì inoabùt ap inom nogo ìgì'lek mene, inagonì inoba lopologo hisagarek hak, an nen he, hit Karìsùt oba lopologo hikìgì meneat he, hit en ap hunik mene aike lopolhep halok he, Ala a'mage lagou hak, an na'mage lagousagat o.

MATÌÙT 9:15

Yogosukwama re, at Yesùt en he, mel yogoisasike: “Ap aike agwe ìkìki logolìk he, at erùgì agaiya'lak inomat logolìk he, it ina'la wiik-weak hogo logousak nogo? Lek o. Atì'nogo meneat he, erùgì agaiya'lak hisalùk, ap atì wolok logoin oba weregat o. Atì'nogo wolok lamo nek he, it atì ineki aike sùpùrùk nìkì'lek sapanat iko logogunat o,” ìlùk yogoisasike.

MATÌÙT 5:16

Atì hak he, hit hano hagatenem, it aike nen he, It hano hagarì'lùgì, ìlùk hinopase pogot oba mene a'nogo hogorasuak en he, hit apùnì ineilhanem atì hakeat lìarogo logoino o,” ìlùk yogoisasike.

LAKSASIKE 20:8

O hùlùpo hùko wùrì'mo atogosugumo atoma, esage lampu logolegat kìalek welagaike.

MATÌÙT 13:31

At Yesùt en atì'nogo yogoisasikesik he, hobuk wene aike oba lìrogo mel yogoisasike: “At Ala nen awe a'ma hisikerek atì ebe re, kìbì-kìbì eken hake o. Ap aike nen kìbì-kìbì eyabumo heik lakhesike. Yì mene tì mene awì atì hamùlùtegat meneat he, kìbì-kìbì awì atì nek motok hamùlùtegat o. Mene re, kìbì, wùtat mel, aike mene mel, hulelheresik he, oake hamùlùgat negen lagaikerek. Meneat he, kìbì-kìbì awì atì nek he, motok hùkoat lagaikeresik, e hake haga'laganem he, sùe purogo nikerek mene wìrìk he, kìbì-kìbì atì eki bakwe awì wusi wagarek atì hùkeat o,” ìlùk yogoisasike.

MATÌÙT 25:7

it hìlìmìkìrùgì amanogo ineluk agaukwasik he, lampu agale agauak hagarogo kìalìk lagaukwa.

YOHANET 18:3

Atì'nogo elu nogo nen he, it ap Ala esewerek inogogì kaintek mel, it Parisi mene mel en he, inagoromì Ala awì serogo welagaikarek mene inayoko hìlìk laksasukwama, at Yùrat en tentara mene esa logolek aike inom wogisek, sike mel, sìge mel, yì esage tì esage mel, wolok atoma lagaukwa.

ABÌKAKAN 8:10

Atì'nogo it malaikat pìre inapikon anethagasik oba nen aike apikon anethikenem he, hesagal hùko mene pogot oba nen esage kìalek negen amulok kìoksek hake pi wagasik, i elesikwe mel, i ebe hùko asi wagarek mene mel, 3 ba mìkìlogo hìlìk, pìre herakhìkì logolìk, aike ale apik mene hagarogo hìkì laga hìgì. Hesagal atì etage re, Alealeka. At en atì'nogo i ale hagarogo hìlì'mo nogo nen he, apùnì i nikenem inebe apigat wa'laga lagaika isìgì.