MATÌÙT 24:5 - Ala Ane Wene Ket Mene Warogo Wo'ninapike Wene

⁵ Apùnì inebe logolegat en inetage an netage mene salogo nen mel ìlìk wesugun: Karìsut a'nogo nebe wagì yìat o, ìlùk, inane eberogoat salek apùnì apigat lalinabi wesugun o.

MATÌÙT 24:5 ပူးပေါင်းရင်းမြစ်များ

MATÌÙT 24:11

Nen, it aike inapeliagat Ala ane yogoisagarek mene negen hagarogo hinoba wìrìk he, apùnì motok apigat lalinabugun o.

1 YOHANET 2:18

Nagainapùrì e. O yogotak he, elùgùn oba welago o. Apùnì aike nen he, “Hobuk ap agaike Karìsùt eperak motok weak mene wesigin,” ìlùk yogohisasukwama, hinasuk holhigip atì hak, o yogotak he, Karìsùt inom weak mene inebe apik arat weinam agaikasik werek atì nen he, nit en, “O yogotak eberogoat elùgùn oba welago,” ìlùk ninetawì wekelarìk hùthìkì lago.

YOHANET 5:43

An nopase nen lakhani wagaikomo wagagi meneat he, hit en an nebe wo'napì lagep lek. Atì'nogo meneat he, at aike okawerek a'la akalùk waga halok enek he, ebe wanugun hinoabùt hikìkì lagì o.

ABÌKAKAN 13:8

At Ala nen he, pogot kweang oan elalhì'lek logolìk, “It atem ineluk motok logouagalùk hagarinabigin,” ìlùk, inetage helal waganogo at Atopa Eak, it hesik wasukwa mene a'nogo arùesika ba hesike. It inetage atì'nogo helal waganogo hesike mene hùgì, yeke lo yeke hake hùko a'nogo hogoratì'lek werek kolek, apùnì kweangma welagaikarek mene aike obogat inetaùken yeke lo yeke hake hùko a'nogo ba hìpìrethìlìk hogoratì lagaika isìgì.

YOHANET 8:24

Atì nen he, an nen wene alep yogohisìkì logolìk he, Weak hagatì lagep mene ùkùm hinoba werek kolek wa'lasugun o, ìlùk yogohisìgì a'nogo re, mel hesik ìgì. Hit en an hesik he, At ebe esok motok welagarek meneat o, ìlùk hinetaùken noba hìpìrethogoin lek halok he, ùkùm hinoba werek kolegat wa'lasugun atì nen ìgì o,” ìlùk yogoisasike.

YOHANET 8:28

Atì'nogo hùthìgì'lek werek kolek, at en he, mel yogoisasike: “An abat ta'lasi wagagi a'nogo, hit en an nebe e ba menhanugun atì sat, hit en he, Esok motok welagarek mene a'nogo ebe yìat o. At en wene yogonisìkì logolìk he, a'la nen kagalogo ìgì'lek. We, at opase nen yakùleterek mene nek yogonisìkì lagama, ìlùk, hinelu asugun o.

1 YOHANET 2:22

At apeliak ikerek mene atì ebe sa akegep. At atì nen, “Yesùt ebe re, Karìsùt lek o,” ìlùk kogologo laksikerek mene atì lek nogo? Atìat o. At Karìsùt eperak motok weak mene ebe re, ninopase Ala aput Yesùt eperak inebe kogologo laksikerek mene atìat o.

1 YOHANET 4:3

Atì'nogo meneat he, it aike nen Yesùt hesik wene atì'nogo pak hogo egarek lek mene nen iko halok he, hit en he, “It atì ina'la Ala Areagùn hùk. Hùnogoat mene werek o,” ìlùk hùrisìkì logousagat o. It atì hesik wene Ala nen hageat yogonisìkì logolìk, “At aike Karìsùt eperak motok weak mene wesigin a'naga o,” ìlùk yogonisasike mene, hinasuk holhigip a'naga, yogotak kweang'ma yoma inebe arat weinam agaikasik werek atìat o.