MATÌÙT 24:42 - Ala Ane Wene Ket Mene Warogo Wo'ninapike Wene

⁴² Atì'nogo haga'lasigin atì nen, hit en he, Ninoe Etagepogot mera wesigin, hinokot atì nen he, hinepe hebelogo logoino o.

MATÌÙT 24:42 ပူးပေါင်းရင်းမြစ်များ

LUKAT 21:36

Yì'nogo tì'nogo obogat haga'lasigin ìgì a'nogo haga'laga kolek he, hinomamerogo hinepe morogo logopik, hinekalì legat nelokoma metek were'ma, an abat ta'lasi wagagi a'nogo hisa wesik en he, ninhùp-nanhùp sapanat ìkì logolìk he, hinepe hebelogo logoino o,” ìlùk yogoisasike.

1 TESALONIKA 5:6

Halok he, it aike nogo negen ìlì'lùgì atì, nit atì'nogo ìkì logousak mea o. We, ninoabùt hebelogo logolìk, ninetaùken wekelogoat logouok o.

MATÌÙT 25:13

Yesùt en atì'nogo yogoisasikesik he, “Atì hak, an wesigin atì, hit en, O tì sat, jam tì ba wesigin, ìlùk, hinokot atì nen he, se'narek logolìk hinepe hebelogo logoino o,” ìlùk yogoisasike,

ABÌKAKAN 16:15

Atì'nogo lagaikasi'mo nen, at Yesùt en mel yogonete: “Hasuk holin o. Apùnì yogot wanuogolùk hinagasogo wagaikarek atì hak, an atì'nogoat wesigin o. Atì'nogo waganem, apùnì inalulukwa were'ma inekalì agarek atì hak, hit atì'nogoat hinekalì asinogo ìlùk hinasu hepok ìkùogolùk tegelogo hìlìk logogun halok he, Ala nen hanothinapenem hina'la hai hakogoin o,” ìlùk yogonetenem holhì.

1 KORÌTÙT 16:13

Hinepe hebelogo logolìk he, hinetaùken Ala oba hìpìrethìlìk, metegat logoino o. Hinoabùt abat logolìk he, hinomamerogo logoino o.

MATÌÙT 24:36

At Yesùt en atì'nogo yogoisasikesik he, wene aike mel yogoisasike: “An wesigin he, o tì sat jam tì ba wesigin ìlùk, apùnì mabok inokot. Nen, malaikat Ala nen pogot oba nen yoko pelaksa wagarek mene amanogo inokorat. Nen, an nebe Ala apurat meneat he, nokorat. We, an nopase Ala aligat elu o.

ÙRÙM 13:11

Atì'nogo hagatì logousak atì nenahalok en. Atì re, nit emakum ninetaùken Ala ba hìpìrethesugu atem sat he, o hano'ninabigin like walegat welagaike. Mene re, yogotak he, horogat asi wìrì'logo atì nen he, hit nogo ìkì lagep atì, hineluk asusak higit aga atì, hùthìkì lagep o.

MATÌÙT 24:44

Atì hak he, hit hina'la nen he, At tì sat wesigin, ìlùk, akìgì'lek wonogat werek kolek, an abat ta'lasi wagagi a'nogo re, arat wesigin atì, hinebe tegelek logoino,” ìlùk yogoisasike.

1 PETERÙT 5:8

At Ibilit, hinaselei mene a'nogo nen, singa lo yeke anini weak mene yì mene tì mene haum hogo nagalùk ane kwe agan herarìk nikerek atì hak, “Sa hak weagathegein,” ìlùk herakhinabìk niko atì, hinepe hebelogo hineileken hanorogo logoino o.

1 PETERÙT 4:7

Yì mene tì mene obogat elùgùn oba haga'lasigin mene horogat asi waga ìlùk, sapan ìkì logouogolùk, hinetaùken sebeksek logolìk, hinoabùt hebelogo logoino.

MATÌÙT 24:43

Nen, ap awì esewerek mene aike a'la nen he, O yogotak hùako re, jam tì ba an naua yoma ap aike yogot wanigìlùk kì wesigin, ìlùk, elu logoilepma re, at ebe aua atì kagalek motok were'ma, o pin talogo yogot wani kilep lek, ìlùk, hineluat akìgì.

MATÌÙT 25:10

oko pala lagaukwama re, at ap agwe ìkìke werek mene a'nogo arat wagaikesik he, it inetaùken werek mene tegelogo hakìlìk welagaukwa mene amanogo inom pesta isago nùogolùk wogisek ouma kisikesik kwe yagasike.

LUKAT 21:34

At Yesùt en wene atì'nogo yogoisìlìk he, aike mel yogoisasike: “Yì mene tì mene isago werago hinalabut ning hogo nìkìk, i lùgùlùgì paluogolùk nekarek mene nìkìk, yì mene tì mene kweangma mene hesik wenesùgì uan horo ebetìk, atì'nogo hagarìk nìkì logolìk hinepe hebele'lek wonogat were'ma,