MATÌÙT 24:3 - Ala Ane Wene Ket Mene Warogo Wo'ninapike Wene

³ Atì'nogo yogoisalùk he, tom Saitun punu ba lagalìk hùrek were'ma, at ane wanhì lagaukwa mene amanogo oba wagaukwasik inaligat logolìk he, mel yogosukwa: “Hat en yogonisegen a'nogo re, mera nen haga'lasigin. Hat hebe wagìk, o wùrep oba haga'lagìk, igìlùk iko kolek he, kì mene tak haga'laganem nit ninetaùken wekelasigin. Wene sekek hogo yogonisan,” ìlùk yogosukwama,

MATÌÙT 24:3 ပူးပေါင်းရင်းမြစ်များ

LAKSASIKE 1:7

Yogosukwama re, at en mel yogoisasike: “Wene egep atì, an nopase esewerek en akasike higit hogoat haga'lasigin atì nen he, hit en he, Hùlì tì hùlì ba logopik haga'lasigin, ìlùk hinelurogo logousak mea o.

MATÌÙT 24:37

It apùnì ap Nu werek oba atem hagatì lagaukwa higirat he, an abat ta'lasi wagagi a'nogo hobuk atì'nogoat hagatenem wesigin o.

MATÌÙT 13:49

o wùrep oba atì'nogo haga'lasigin o. It malaikat Ala nen pogot oba nen yoko pelaksa wagarek mene amanogo wìrìk he, apùnì inoabùt weak mene amanogo it apùnì Ala a'la akikerek mene higit hogo nek hagatarek mene inom omakìkwe were'ma inekele'ma nen kìgìlogo wulaksìlìk,

LUKAT 21:7

Wene atì'nogo yogoisasikomo, it en, at Yesùt oba hinok wokhìkì logolìk he, mel yogosukwa: “Noe! Wene yogonisegen a'nogo re, mera nen haga'lasigin. Ebe haga'lasigìlùk iko kolek he, kì mene tak haga'laganem ninetaùken wekelasigin,” ìlùk yogosukwama,

MATÌÙT 21:1

At Yesùt apùnì inom lagaukwa mene amanogo inom kota Yerusalem kuogolùk horok hogo asi lagasukwasik he, tom Saitun a'ma o sili Petpage higit asi lagasukwasik he, Yesùt en it at ane wanhì lagaukwa mene amanogo aike inebe pìre alebagìk laksasike.

MATÌÙT 24:39

So a'la kìlìk werek kolek, it apùnì amanogo wonogat were'ma, i arat nap-hap ìkì logolìk motok inoasike. Atì hak he, an abat ta'lasi wagagi a'nogo hobuk wesigin higit hogo re, atì'nogoat haga'lasigin o.

MATÌÙT 24:27

Atì re, an abat ta'lasi wagagi a'nogo, wesigin he, o eilabùt o mo lìabi wagarek a'loma nen omake hesik yegelogo, o mo kikerek higit lakhei wagarek atì hak wesigin o,” ìlùk atì'nogo yogoisasikesik he,

IBERANI 9:26

At en he, it alep hagatì lagaukwa atì hak haga'lepma re, kweang elalhike hùlì nen pìkìt yogotak hùlì, eki hobugalep yì aik tì aik hìkì logolìk wa'laga logoilep. Atì'nogo meneat he, o elùgùn oba nit weak hagatorek mene legetsagalùk eki omake hesigat warn Ala waresu hak, okawerek ebe wa'lasi wagaike atì.

MATÌÙT 17:19

Hano agaikomo re, it Yesùt agoromì ane wanhì lagaukwa mene amanogo oba wagaukwasik inom inaligat logolìk he, mel yogosukwa: “Nit en he, at mokareke oabùt weak mene atì henogo wulabusak mea atì nìkì'nogo nen,” ìlùk oba hinok wokhasukwama,

MATÌÙT 24:43

Nen, ap awì esewerek mene aike a'la nen he, O yogotak hùako re, jam tì ba an naua yoma ap aike yogot wanigìlùk kì wesigin, ìlùk, elu logoilepma re, at ebe aua atì kagalek motok were'ma, o pin talogo yogot wani kilep lek, ìlùk, hineluat akìgì.

MATÌÙT 15:12

Atì'nogo yogoisasikomo, at agoromì ane wanhì lagaukwa mene amanogo oba wagaukwasik he, mel yogosukwa: “Wene yogonisegen a'nogo, it ap Parisi mene nen inasuk holhasik he, At weak ike, ìlùk inabìt heega atì hùrisegen a? Lek a,” ìlùk yogosukwa.

MATÌÙT 13:36

Atì'nogo yogoisalùk he, apùnì apik amanogo atoma werek kolek, at Yesùt ebe ouma kisikomo re, at agoromì ane wanhì lagaukwa mene amanogo oba kisukwasik he, mel yogosukwa: “Awì weak mene yabumo hulelhike ìlùk oba lìrogo yogonisegen a'nogo ebe pìlìngìrogo yogonisan o,” ìlùk yogosukwa.

MATÌÙT 16:27

An abat ta'lasi wagagi a'nogo re, hobuk nopase hogorato motok welagaikarek atì hagat haga'la'lùk, it malaikat Ala nen pogot oba nen yoko pelaksa wagarek mene amanogo ninom wìrìk, atì sat he, apùnì obogat inoabùt lopok hagatarek mene higit hogoat oko wogisa wesigin o.

MATÌÙT 16:28

Nen, hit metek welagep yoma mene aike wa'lagì'lek logolìk, an abat ta'lasi wagagi a'nogo kain Netagepogot logoìgìlùk apùnì obogat nawe a'ma hisa waganem hineileken neogoinat o, ìlùk eberogoat yogohisìgì,” ìlùk yogoisasike.

MATÌÙT 24:30

Atì'nogo hagato kolek, an abat ta'lasi wagagi a'nogo arat wesigin ìlùk, apùnì inetaùken wekelogo hùthùgùkwe pogot oba aike haga'larìk oba nen, apùnì inùkùl etage lopok le aga kolek nomamerogoat ohena a'la pi waganem, ineileken nììlìk apik hogo'nabugun o.