MATÌÙT 24:23 - Ala Ane Wene Ket Mene Warogo Wo'ninapike Wene

^23-24 Atì sapùl he, it apùnì aike inapeliagat ìkì logolìk he, Karìsùt a'nogo nebe anat o, ìgìk, nen, it aike nen, Ala ane yogohisìgìrek mene a'nogo nebe anat o, ìgìk, i wesugun o. Wìrìk he, Apùnì Ala nen wenaginapike mene amanogo lalinabusak he a? Lek he a, ìlùk lalinnbuogolùk he, inane eberogoat salek akoagalùk hagasusak lek mene elalin mene hagarìk wesugun o. It aike nen, Karìsut a'nogo yì waga yì hani, ìgìk, it aike nen he, Karìsùt a'nogo a'lì waga a'lì lakhani, ìgìk, ikenem hit hina'la nen he, eberogoat ìlùk akagùp o.

MATÌÙT 24:23 ပူးပေါင်းရင်းမြစ်များ

LUKAT 21:8

at Yesùt en he, mel yogoisasike: “Apùnì nen lalhinabinogo nen he, hinoabùt hebelogo logoino o. Apùnì inebe apigat en, inetage an netage mene salogo nen mel ìlìk wesugun: At wesigin isukwa a'nogo an nebe wagì yìat o, ìgìk, Haga'lasigin a'nogo arat hakok i waga, ìgìk, ìlìk wesugun a'naga, it atì inane hinasuk holhìlìk inopolik lagùp o.

MAREKÙT 13:21

Nen, weak atì'nogo haga'laga kolek, it aike nen he: Karìsùt a'nogo yì waga yì hani, ìgìk, it aike nen he: Karìsùt a'nogo a'lì waga a'lì lakhani, ìgìk, ikenem hit hina'la nen he, eberogoat ìlùk akagùp o.

YOHANET 5:43

An nopase nen lakhani wagaikomo wagagi meneat he, hit en an nebe wo'napì lagep lek. Atì'nogo meneat he, at aike okawerek a'la akalùk waga halok enek he, ebe wanugun hinoabùt hikìkì lagì o.

LAKSASIKE 27:11

Atì'nogo yogoisasike meneat he, ap tentara inoe kain a'nogo nen Paùlùt ane sagalogo heraksìlìk, it ap yabu so ba hagatì lagaukwa mene inoe kain atì ho, so elu mene wolok nikerek mene atì ho, eperak inane holhike.