MATÌÙT 24:13 - Ala Ane Wene Ket Mene Warogo Wo'ninapike Wene

¹³ Meneat he, sa nen epe morogo motok logogin halok he, o wùrep oba Ala nen teligin o.

MATÌÙT 24:13 ပူးပေါင်းရင်းမြစ်များ

MATÌÙT 10:22

Nen, apùnì obogat en an netage ìlìk, Hit he, at agoromì, ìlùk inabìt motok hikogoin o. Meneat he, sa nen epe morogo logogin halok he, o wùrep oba Ala nen teligin o.

ABÌKAKAN 2:10

At Ibilit en hit hina'la kagaluagalùk, apùnì hit mene hetakwe ineki hele warogo hisamo, ineki 10 nen yì aik tì aik hìkì logogun atì re, hinayùk agùp o. Yì aik tì aik atì'nogo hagathinapo kolek, hinetaùken noba hìpìrethìlìk, an ninom hutik were'ma wa'lasugun halok he, sa awewerek sa awewerek laganem, it inomame agaikarek mene oko kare-kare ìksagarek atì hak, oko nabùlal-habùlal hagathinabigin o.

MAREKÙT 13:13

Nen, apùnì obogat en an netage ìlìk. Hit he, at agoromì, ìlùk hinebe inabìt motok hikogoin o. Meneat he, sa nen epe morogo logogin halok he, o wùrep oba Ala nen teligin o,” ìlùk yogoisasike.

IBERANI 10:39

Atì'nogo meneat he, nit he, it apùnì aike alema'lasuogolùk inapotkwe wùlùbugun mene atì hake welago hùk. Lek o. Nit he, ninebe telninabuagalùk ninetaùken at oba hìpìrìk welago mene welago o.

IBERANI 3:14

Atì'nogo ìkì logolìk, emakum ninetaùken at oba hìpìrethesugu mene atìat nineki nomok hogo hùlì elùgùn oba hesogo logogun halok he, nit Karìsùt erùgì agaiya'lak agosik welago o.

ÙRÙM 2:7

At Ala nen he, it apùnì o'moko nen inebe hogorinaparek mene mel, agaugerinaparek mane mel, hili agarek lek mene mel, ese asuogolùk inepe morogo logolìk inoabùt higit hagatarek mene hùgì, inebe ineluk motok logouagalùk hagarinabigin.

1 KORÌTÙT 1:8

Hobuk warep oba ninoe Etagepogot Yesùt Karìsùt wesigin atì like, hit weak were'ma hisa wesinogo ìlùk, at Karìsùt enat hinetaùken wurigethinapi logogin o.

LUKAT 8:15

Nen, kweang hanoma pisike atì ebe re, it apùnì aike hano wene atì inasuk holharesik he, inetaùkenma motok tùkùm hogo helagaresik hebìgì'lek hesogo logolìk, eken apik ìterek atìat o,” ìlùk yogoisasike.

IBERANI 3:6

Meneat he, at Yesùt enek he, Ala ebe aput nogo nen he, at esewerek enat hagaterek. Nit hano'ninabigin wene atì hesik ninetaùken ning hogo oba hìpìrìk motok logogun halok he, Ala awì wùrìk atì, nit ninebeat o.

MATÌÙT 24:6

Atì'nogo haga'laga kolek, weim horogat yapenem inane hinasuk holhìk, walegat yapenem inabok holhìk, ìkì logolìk he, hinetaùken abolok ùgùp o. Atì'nogo haga'lasigin meneat he, o wùrep oba haga'lasigin mene atì oanat o.

MATÌÙT 24:12

Atì'nogo motok haga'larìk waga logoumo re, it apùnì inoabùt motok kolo haga'larìk he, it-it inetawìrogo logogun mene atì hobuk inetaùken min arìk wesigin o.

LUKAT 21:19

Halok he, hinetaùken hapuguthakìlìk he, hinepe morogoat logogun halok he, nabùlal-habùlal helogoin o,” ìlùk yogoisasike.