MATÌÙT 23:8 - Ala Ane Wene Ket Mene Warogo Wo'ninapike Wene

⁸ Meneat he, hit hinopase re, guru wene yakùlhisikerek mene omakeat enek werek atì nen he, hinerùgì hinagaiya'lak hinom higit halok, it aike nen, Guru noe, ìlùk yogohisasak motok lek o.

MATÌÙT 23:8 ပူးပေါင်းရင်းမြစ်များ

YAKOBÙT 3:1

Nerùgì nagaiya'lak. Nit gurulak weak hagato halok he, hobuk Ala nen apùnì aike inanema waganogo ùkùm hamùlùgat negen inoba hegein meneat he, nit enek he, ùkùm hùkeat ninoba hegein hinelu atì nen, hinebe logolegat guru asuogolùk akagùp o.

1 PETERÙT 5:3

Ala againapùrì serisek logouagalùk sùpùrogo wokhisasike atì serisek logolìk, hinebe kain negen logolìk, mep lagai'lagak hogo hagarinapì logogùp. We, hit hano hagatenem ineileken hisìlìk hinoabùt waganogo hagatì logouagalùk, hano hagatì logoino.

LUKAT 22:32

hat hetaùken noba hìpìrethìlìk welagen mene atì maben asinogo ìlùk he, hat hesik an Ala ayoko arat hìgìma. Hepe hebelagen halok he, hagaiya'lak yoma hat en inetaùken ago watsìkì logoino,” ìlùk yogosike.

MATÌÙT 23:10

Nen, hinoe wene hinasuk watìrek he, an Karìsùt naligat halok he, it apùnì aike nen, Kain noe, ìlùk, hit yogohisasak motok legat o.

MATÌÙT 17:5

Atì'nogo yogotenem aremnogoat, ohena kut mene sebelinabi wagaikesik, Ala ane ohena a'nogo a'la nen mel yogoisasike: “An naput netaùken hutìk mene. At hesik na'la hai hakìgìrek o. Halok, at ane holek logoino o,” ìlùk yogoisasikomo,

ABÌKAKAN 1:9

An hinerei hinagaiyak Yohanet ninom ninebe Yesùt againapùrì omakeat mene, yì aik tì aik haga'ninapo kolek, nina'la nen he, “Hobuk at Ala nen awe a'ma hinegein,” ìlùk ninepe morogo welagarek atì. Were'ma, Ala ane Yesùt en pak hogo yogoniaasike wene a'nogo an nen yogoisìlìk nìgìrek an nen, neki hele warogo i okenma o etage Patomot kelakhani wagaikama welagì o.

ABÌKAKAN 22:9

Atì'nogo meneat he, at en mel yogonete: “Hùk. An atì'nogo hogo'nabusak lek a. An nebe re, hat mel, hagaiya'lak aike at Ala ane yogoisagarek mene mel, it aike inebe obogat wene helal waganek yì inasuk hologo higit hogo hagatì logogun mene mel, ninom higit, ninebe at Ala atitigeke ne'ma re, hetaùken at Ala oba hìpìrethìlìk, at enek hogorasusak o,” ìlùk yogonete.

ABÌKAKAN 19:10

Atì'nogo yogonetì lagama, an nen, at malaikat a'nogo awe a'ma kìlìk neitep awì yagasogo hogorasigìlùk ìgì meneat he, at en yogonetì logolìk: “Hùk. Atì'nogo hogo'nabusak lek o. An nebe re, hat mel, hagaiya'lak mel, ninom higit. Wene Yesùt en yogonisasike mene yogoisìlìk negarek mene atì, at Ala Areagùn nen ina'la kagalogo yogoisikenem yogoisagarek atì, wene ero at Yesùt en yogonisasike atìat o. Halok he, at Ala at hogorasusak o,” ìlùk yogonete.

EPESÙT 3:15

It pogot oba welagaikarek mene mel, nit kweangma yoma welagorek mene mel, ninopaselak lopok yogoisìkì logolìk, “Nopase,” ìlùk, ogorek atì, ninopase ero Ala mene oba lìrogo ogorek atì.

2 KORÌTÙT 4:5

Wene yogoisìlìk nìkì lago atì re, ninokawerek hagatorek wene hùk. Lek o. We, at Yesùt Karìsùt hagasike weneat o. At Yesùt ebe ninoe Etagepogot ìlùk he, nit at hesik hit hinatitigeke welago, ìlùk yogoisogorek atì.

2 KORÌTÙT 1:24

Hit hinetaùken Ala oba hìpìrethesigip mene atì, eberogoat ìlùk hinetaùken hapuk hogo welagep atì nen he, nit en, “Hinetaùken tì mene oba hìpìrethousak,” ìlùk ninane ning hogo yogohisogoin lek o. We, hit hina'la hai hakoageip ìlùk lebethisìkì lago atì.

MATÌÙT 26:49

at tak Yesùt oba wagaikesik he, “Noe hallabok,” ìlùk, hai ape saluk watenem he,

MATÌÙT 10:25

Mene re, it yekerùgì atì inopase guru atì inom higit haga'lagìk, nen, it inatitigeke mene atì inopaselak inom higit haga'lagìk, umo re, higirat o. It apùnì inoe o esewerek mene atì weak ìlùk etage Peelsepùl iko halok, it at agoromì inom omakìma mene atì, atì'nogoat inetage weak hùkoat ìkì logogun o,” ìlùk yogoisasike.

MATÌÙT 23:7

apùnì nen, Guru nopase, ìlùk hai warinapìk, pasar oko wanhare'ma atoma apùnì nen inane agauk hogo yogoisìgìk, ìkì logouagalùk atoma lagìk, ìkì logou walok welagaikarek atì.

MATÌÙT 26:25

at Yùrat, Yesùt wasuagalùk yoko lagaike a'nogo nen he, “Halok he, noe. An he a? An lek akìgì,” isikomo at Yesùt en he, “Hat meneat ìkì lagen,” ìlùk yogosike.

MAREKÙT 9:5

Atì'nogo isasukwasik, at Peterùt en he, Yesùt mel yogosike: “Noe. Nit o yoma hano welago hìgì. Halok, nit en o sabu hìnagan, hat hesik aike, Musa hesik aike, Elia hesik aike, wùthikogoin o,” ìlùk yogosike.

MAREKÙT 10:51

Wagaikomo, at en he, mel yogosike: “An nen nìkì'nogo hagathabuagalùk yogoneten,” ìlùk hinok wokhasikomo re, ap eileken mùm mene a'nogo nen he, mel yogosike: “Noe. Neileken hano haga'nabinogolùk yogohetì o,” ìlùk yogosikomo,

MAREKÙT 11:21

Hasukwasik, Yesùt en e ara yogosike mene a'nogo, at Peterùt a'la eberik he, mel yogosike: “Noe. E ara homan hegen a'nogo arat pùk agama yì heileken han o,” ìlùk yogosikomo,

MAREKÙT 14:45

Wagaukwasik he, at Yùrat a'noga Yesùt oba horok hogo wagaikesik, mel yogosike: “Noe,” ìlùk hai ape saluk wasike.

YOHANET 1:38

Atì'nogo opolik laganem, Yesùt elokwe hebek hogo eileken lagisìlìk he, mel isike: “Nagoromì, hit nena mene herarìk wagep,” ìlùk yogoisasikomo, it en he, nit ninane ba, “Wene yakùlnisegetek mene noe,” ìlùk u hak, it inane ba, “Rabi noe. Hat haua o koma welagatek mene,” ìlùk yogosukwama,

YOHANET 1:49

at Nataniel en he, mel yogosike: “Noe. Ala aput nit Isirael mene ninoe kain Hetagepogot harat hììgì o,” ìlùk yogosike.

YOHANET 3:2

At ap atì o hùako ineki aike sapùl Yesùt oba wagaikesik he, mel yogosike: “Noe. Ap aike Ala eperak hutik lek halok he, hat en elalin mene hagarìk nìkì lagen atì hak, hagasusak motok mea. Atì nen he, hat en wene yakùlnisoagalùk Ala nen lakhagei wagama wagen ìlùk ninelu aga,” ìlùk yogosike.

YOHANET 3:26

Wene palhì lagaukwasik, Yohanet oba lagaukwasik he, mel yogosukwa: “Noe. Ap aike hat heperak i Yoretan aik ìlì bakwe logolìk, at hesik abok pìlìngìrogo yogonisasigin mene a'nogo nen ima pelaginapenem apùnì inebe obogat at oba wìrì'lùgì o,” ìlùk, yogosukwa.

YOHANET 4:31

Ha wesuogolùk oan waga kolek, Yesùt agoromì ane wanhì lagaukwa mene amanogo nen, at mel yogosukwa: “Noe. Hat sùpùrùk tak nan o,” ìlùk yogosukwa.

YOHANET 6:25

It apùnì amanogo wùlìbi wagaukwasik, at Yesùt o Kaperenagùm were'ma oba wagaukwasik he, mel yogosukwa: “Noe, hat o yoma mera wagen,” ìlùk oba hinok wokhasukwama,

YOHANET 9:2

Atì'nogo hasikomo, at agoromì ane wanhì lagaukwa mene amanogo nen he, mel yogosukwa: “Noe. Ap eileken mùm arì re, ero at okawerek en weak hagasike ba nen a? At he, ero opase agosa weak hagasukwa ba nen ebe atì'nogo ta'lagaike a,” ìlùk yogotì lagaukwama,

YOHANET 11:8

Atì'nogo yogoisasikomo, it en he, mel yogosukwa: “Noe. Ap kaintek Yahuri mene nen ket yìat helep oba hoasuogolùk ìkì lagaikama lagai wagen a'nogo meneat he, hat hobuk hapotkwe o atomaat pigìlùk ìkì lagen?” ìlùk isukwama,

YOHANET 20:16

at Yesùt en yogotì logolìk he, “He Maria,” ìlùk yogotenem, Maria elokwe hebek hogo Yesùt wogorìk he, nit ninane ba, “Guru noe,” u hak he, it Iberani mene inane ba re, “Rabuni,” ìlùk hai wasike.

PILEMON 1:16

At hobuk hat heperak logogun atì, ebe hatitigeke logolìk, hat hesik hagatì logogin meneat he, atì nek hùk. At he, at ebe Ala aput agasik ninagaiyak ninetawì meneat logogin atì. At en he, an netawì meneat logolìk, an hesik hano motok hagarì'logo atì, hamùlùgat o. Hat hesik enek he, at ebe kweangma hatitigeke logolìk, hagaiyak heperak ninoe Etagepogot hinom hutik logogun atì nen, ebenageik hetaùken tùlem motok logogin o.