MATÌÙT 23:3 - Ala Ane Wene Ket Mene Warogo Wo'ninapike Wene

³ it en yì mene tì mene hagasuagalùk yogohisiko halok he, atìat hesogo logolìk hagatì logoino o. Meneat he, it hagatì'lek logolìk, it en he, Hit enek haga'ni, ìlùk yogohisìlì'lùgì atì re, it hagarì'lùgì atì hak inoabùt waganogo hagatì logogùp o.

MATÌÙT 23:3 ပူးပေါင်းရင်းမြစ်များ

2 TIMOTÌÙT 3:5

apùnì ineilhanem he, Ala againapùrì salek logolìk, ina'la nen Ala omama atì mene heraksìgìk, ìkì logogun o. Yogotak apùnì inoabùt atì hake aike hagarì'lùgì mene halok, hinom butik logogùp o.

TITUT 1:16

It atì nen he, “An Ala ebe nelu o,” ìlùk, inane pak hogo ìkì logolìgat he, “Ebe ninokot,” ìlùk, u hak, inasuk ware'legat, Ala a'meilo mene hagatì logolìk, yì mene tì mene hanorogo hagasusak he, mea werek atì.

LAKSASIKE 5:29

Atì'nogo yogoisìkì lagaukwama, it Peterùt lak, Yesùt en inayoko hìlìk laksasike mene amanogo nen he, “Nit he, apùnì mene inane hologo hagatì'lek, Ala ane atìat hologo hagasusak o.

ÙRÙM 13:1

Hinogogì kaintek pemerintah mene atì, ero welek mene hùk o. Ero at Ala at o. At enat menhisasikomo kain welagaikarek atì nen he, hit hinebe lopok it inane hologo logoino o.

MATÌÙT 21:30

Kamo isikomo re, at opase a'nogo aput hobuk mene atì oba lagaikesik atì'nogoat yogosike mene re, at en he, Nabìt o, ìlùk, yogosike. Meneat he, hobuk a'la ebesikesik, yabu a'nogo hagasi lagaike.

MATÌÙT 23:2

“It ap Ala ane helal waganek esewerek mene mel, ap Parisi mene mel, inom en he, at Musa nen wene Ala nen ninasuk wasike wene a'nogo yogoisìkì lagaike atì hak, obùlù'mo re, it en yogohisìlì'lùgì atì nen he,

MATÌÙT 23:4

Sukwe ekin mene hele homagasogo inokawerek ineki hakahùk logolìk apùnì aike inomolo ba wanuagalùk yogoisagarek atì hak, it atì nen inokawerek hagatì'lek logolìgat, it aike nen hagasuagalùk wene ekin mene inoba hìlì'lùgì atì.