MATÌÙT 23:27 - Ala Ane Wene Ket Mene Warogo Wo'ninapike Wene

²⁷ “Hit ap Ala ane helal waganek esewerek mene mel, Parisi mene mel, hinogat oba nek hano salek hinetaùken pìre mene yì rì! Hit he, hinebe mel hake. Apùnì wa'lagaikarek mene kweangma salinaparek oba atoma etakwe nek he, motok tegelek lorek werek kolegat he, a'la re, apùnì inoak apen sìlìng-selongsek welagarek atì hake welagep o.

MATÌÙT 23:27 ပူးပေါင်းရင်းမြစ်များ

LAKSASIKE 23:3

Yogoisikenem, at Paùlùt en, ap Ala esewerek kain a'nogo yogotì logolìk, “O hobat weak meneat he, hano salek hesi watarek atì hak, hogat oba nek hano salek hetaùken pìre welagen atì re, Ala nen hat hoasiginat o. Hat en, wene Ala nen ninasuk wasike wene a'nogo hesogo logolìk, wene ati higit hogo hagatì'lek, ùkùm an noba hìlìk hagoromì nen an noasuagalùk yogoisegen atì nahalok,” ìlùk yogosike.

LUKAT 11:44

Hit hinebe re, mel hake welagep. Apùnì wa'laganem kweangma salinaparesik, inetawì wekelogo hùlì hìgì'lek heraksagare'ma, apùnì inokot logolìk inesok en sebelogo hìlìk lagaikarek hak, hit atì'nogo weak werek kolegat, apùnì inokot logolìk hinom welagasep atì nen, Ala nen weagathinabigin o,” ìlùk yogoisasike.

MATÌÙT 23:28

Atì hak he, apùnì nen hit hinogat etakwe yì yethisikenem hano akìlì'lùgì meneat he, hinetaùken pìre logolìk, hina'la re, yì weak tì weak hagatesep atì mene motok peserek welagep atì nen Ala weagathinabigin o!

KALATIA 6:12

It apùnì aike nen he, “Hinogat hinekalìma mene palini o,” ìlùk, ning hogo yogohisìlì'lùgì mene atì, it apùnì aike nen ineileken isìlìk, “Hano hagarì'lùgì,” ìlùk akoagalùk hagarì'lùgì atì. Yesùt ebe e ba menhìlìk wasukwa wene a'nogo yogoisikenem he, apùnì Yahuri mene nen weagarinabinogo ìlùk, wene hùnogo mene ning hogo yogohisìlì'lùgì atì.