MATÌÙT 23:11 - Ala Ane Wene Ket Mene Warogo Wo'ninapike Wene

¹¹ Halok he, hit ya re, sa nen aike kain werek halok, at atì hinatitigekeat asuak o.

MATÌÙT 23:11 ပူးပေါင်းရင်းမြစ်များ

1 KORÌTÙT 9:19

An he, apùnì inatitigeke welagì hùk. Nalepma welagì meneat he, apùnì inebe apigat Karìsùt hesik woginabigìlùk he, apùnì obogat inatitigeke arik nìgìrek o.

KALATIA 5:13

Nerùgì nagaiya'lak. Hit hinalepma logouagalùk Ala nen hinayoko hesikomo welagep. Atì'nogo meneat he, hina'la nen he, “An nalepma welagì,” ìlùk, apùnì inoabùt inesogat logolìk hagatarek mene inoabùt waganogo yùgùnat hagatì logogùp. At he, wene Ala nen ninasuk wasike wene a'nogo obogat lapuk hogo wene omakeat yì nek esin hake isike atì: “Hit hinokawerek hinebe hinetaùken hutik welagasep atì hak, it apùnì aike hinom welagasep mene hinetaùken hutik logoino o,” ìlùk isikomo helal waganogo hesukwa atì nen he, apùnì aike inebe hinetawìrogo logolìk hit-hit lebet-lebet ìkì logoino o.

2 KORÌTÙT 4:5

Wene yogoisìlìk nìkì lago atì re, ninokawerek hagatorek wene hùk. Lek o. We, at Yesùt Karìsùt hagasike weneat o. At Yesùt ebe ninoe Etagepogot ìlùk he, nit at hesik hit hinatitigeke welago, ìlùk yogoisogorek atì.

2 KORÌTÙT 11:23

It atì Karìsùt atitigeke logolìk, at hesik hamùlùgat hagatarek meneat he, an enek he, hùkoat hagatìrek o, ìlùk, apùnì sìnì'nùk mene nen egarek hak aike yogohisìgì atì. It be, seget hamùlùgat negen hagarek meneat he, an he, seget apik hìgìrek o. It he, omake like hake ineki hele watìk, tùgì inoatìk, inebe wa'lasusak negen motok inoatìk egarek meneat he, an enek he, ninhùp-nanhùp neki hele watìk, tùgì noatìk, nebe wa'lasusak negen motok noatìk, egarek o.

MATÌÙT 23:10

Nen, hinoe wene hinasuk watìrek he, an Karìsùt naligat halok he, it apùnì aike nen, Kain noe, ìlùk, hit yogohisasak motok legat o.

MAREKÙT 9:35

Kamo isukwama re, at hù'lagaikesik, agoromì inebe 12 nen amanogo, “Horok hogo ya we'ni o,” ìlùk yogoisasikomo wagaukwama re, mel yogoisasike: “Hat aike it ap yoma inoe hetagepogot asusak walok halok he, inebe obogat inagot arìk inatitigeke asusak o,” ìlùk yogoisasike.