MATÌÙT 22:40 - Ala Ane Wene Ket Mene Warogo Wo'ninapike Wene

⁴⁰ Wene at Ala nen, Yì'nogo haga'no, tì'nogo haga'no, ìlùk ninasuk wasike wene obogat mel, wene it ap Ala ane yogoisìkì lagaukwa mene nen isukwa wene obogat mel, wene esin pìre atem oba kelik werek o,” ìlùk yogosike.

MATÌÙT 22:40 ပူးပေါင်းရင်းမြစ်များ

ÙRÙM 13:9

Wene atì ninasuk watì logolìk he, mel isike: “Pailak haksìgìk, haksoagalùk hagatìk, usak lek o. Apùnì inebe inoasusak lek o. Yogot wanusak lek o. It aike inagarok mene hina'la nen he: Namolo e, ìlùk akasak lek o,” ìlùk wene ninasuk wasike atì inom, aike ninasuk wasike mene inomat he, omakeat lapuk hogo wene esin hake re, mel isike: “Hit he, hinokawerek hinebe hinetaùken hutik welagasep atì hak, it apùnì aike hinom welagasep mene atì, hinetaùken hutik logoino o,” ìlùk isike atì.

MATÌÙT 7:12

Hit hina'la nen, It aike nen tì'nogo hano haga'ninabilep e, ìlùk akegesep atì hagat, hit en it atì atì'nogoat hagarinapì logoino o. Wene Ala nen Musa ayoko hìlìk ninasuk wasike wene atì mel, it Ala nen inayoko hikenem ane yogoisìkì lagaukwa wene atì mel, lapuk hogo esin he, atìat o,” ìlùk yogoisasike.

YOHANET 1:17

Wene Ala nen ninasuk wasike wene a'nogo yakùlnisoagalùk, alebat Musa lakhei wagaikomo, yakùlnisasike meneat he, Ala oabùt hano nen hano'ninapìk, ebe wene yakùlnisìgìk, uagalùk, Yesùt Karìsùt lakhei wagaikomo yakùlnisasike atì.

YAKOBÙT 2:8

Mene re, hit en higit hogo hagatì logousak mene yì. Ala nen ninasuk watì logolìk wene esin he, mel isike: “Hit hinokawerek hinebe hinetaùken hutik welagasep atì hak, it apùnì aike hinom welagasep mene atì hinetaaken hutik logoino o,” ìlùk isikomo, helal wanhukwa mene werek atì higit hogo hagatì logogun halok, hano hagatì logogun o.

1 TIMOTÌÙT 1:5

Inetaùken Ala nen horinapenem he, inokawerek ina'la nen he, “An wene noba lek, na'la selek welagì,” ìlùk akìkì logolìk, inetaùken eberogoat Ala oba hìpìrethìlìk welagaikarek atì nen, apùnì inetawìrogo welagaikarek o. Halok he, it atì'nogoat logouagalùk inasuk watì logoino, ìlùk yogohesigi atì.