MATÌÙT 22:31 - Ala Ane Wene Ket Mene Warogo Wo'ninapike Wene

^31-32 Nen, apùnì wa'lasugun mene Ala nen inelugurinabigin atì nek he, at en, Aberaham ho, Isak ho, Yakùp ho, inopase Ala anat o, ìlùk isikomo, at ane helal waganek werek a'nogo etage salhì'lek welagep nogo? Etage salhesebat o. At Ala re, apùnì warek mene inopase hùk. At he, apùnì ineluk mene inopase o,” ìlùk yogoisasikomo re,

MATÌÙT 22:31 ပူးပေါင်းရင်းမြစ်များ

MATÌÙT 21:16

Yesùt mel yogosukwa: “It yekerùgì ìlì'lùgì atì hasuk holhì lagen a?” ìlùk, yo osukwama, at en he, “Ì o. Holhì lagì o. Nen, wene mel ìlùk helal waganek werek a'nogo hit en etage salhì'lek welagep nogo? It en Ala hogoratì logolìk he, Hat hebe katok hogo hogothapì logouagalùk, yekerùgì ketago mene mel, eilak oan nìlì'lùgì mene mel, motok yakùlisegenma hìgì, ìlùk isukwama, helal waganek atì hit en etage salhì'lek welagep nogo?” ìlùk yogoisasikesik,

MATÌÙT 12:3

at Yesùt en he: “At Taùt agoromì opolik lagaukwa mene inom sùpùrùk inaik hesikomo, at en hagasike mene Ala ane ba helal waganek a'nogo hit en etage salhì'lek welagep nogo? Etage salhesebat o.

MATÌÙT 21:42

Atì'nogo yogosukwama, at Yesùt en he, “Hit en Ala ane yì'nogo helal waganogo hesukwama etage salhì'lek welagep nogo? It en he, It ap tukang o helep mene wùtarek mene nen, o ebe watì logolìk he, Helep yì weak, ìlùk heraksasukwa mene atì obùleat ya'lagama o. Atì'nogo haga'laga atì, ninopase Ala Etagepogot enat hagate o, ìlùk, nineileken hogosik he, Egi! ìlùk hogoratì lago, ìlùk helal waganogo hesukwa mene atì etage salhì lagep lek nogo? Etage salhì lagebat o.

MATÌÙT 12:7

Ala ane helal waganek a'nogo ba, wene mel ìlùk werek: An Ala na'la re, apùnì nen inako wa'netarek atì nabìt o. We, it apùnì aike inebe inetawìrinapi logousak atìat walok o, ìlùk isike mene atì, hit en hùthelepma re, it yoma weak hagatì'lek meneat ùkùm inoba heilop lek o.

MATÌÙT 9:13

Ala ane aike mel isike: An Ala na'la re, apùnì nen inako wa'netarek atì nabìt o. We, it apùnì aike inetawìrinapì logousak atìat walok o, ìlùk isike wene atì tùkùmethei lani o. An wagagi atì re, apùnì inoabùt hano hagatarek mene inayoko heigìlùk wagagi hùk. Lek o. We, inoabùt weak hagatarek mene atì inayoko heigìlùk wagagi o,” ìlùk yogoisasike.

MATÌÙT 22:30

Apùnì warek mene Ala nen inelugurinabìk oba nen, hìmì ìkìgìk, it aike ìgìsìgìk, ìkì logogun motok lek o. We, it malaikat pogot oba mene welagaikarek atì hakeat logogun o.