MATÌÙT 22:11 - Ala Ane Wene Ket Mene Warogo Wo'ninapike Wene

¹¹ Arat peserogo kisukwama re, at ap kain etagepogot a'nogo eileken isagalùk ouma kisike re, ap omakeat aike su hìmì ìgìnapì logolìk pesta isago nùogolùk itarek mene ugu lek were'ma eileken lakhasikesik he, mel yogosike:

MATÌÙT 22:11 ပူးပေါင်းရင်းမြစ်များ

ABÌKAKAN 19:8

Agwe atì'nogo ikagalùk, asu kut elokoken hùrùl-herelsek hano mene laberek logouagalùk wogotomo hìgì. Su hano atì ebe re, apùnì Ala againapùrì inoabùt higit hogo hagatarek mene atìat o,” ìlùk ìkì lagaika.

EPESÙT 4:24

Hinebe eberogoat, at Ala nen okawerek hesik hakìlìk, at en he, hinoabùt higit hogo hagatì logouagalùk, at oabùt hake ket mene hagathinape mene atì, su labetarek hagat labetì logoino o.

ÙRÙM 13:14

Hit hinoabùt he, apùnì inoabùt inesogat logolìk, Yì wanile, tì wanile, ìlùk egarek atì hak hina'la kagalhì'lek he, we, sike sìge wanharek hak, ninoe Etagepogot Yesùt Karìsùt oabùt atìat wanino o.

ABÌKAKAN 16:15

Atì'nogo lagaikasi'mo nen, at Yesùt en mel yogonete: “Hasuk holin o. Apùnì yogot wanuogolùk hinagasogo wagaikarek atì hak, an atì'nogoat wesigin o. Atì'nogo waganem, apùnì inalulukwa were'ma inekalì agarek atì hak, hit atì'nogoat hinekalì asinogo ìlùk hinasu hepok ìkùogolùk tegelogo hìlìk logogun halok he, Ala nen hanothinapenem hina'la hai hakogoin o,” ìlùk yogonetenem holhì.

ABÌKAKAN 3:18

Atì'nogo welagep atì nen, hit kain hineilmo wùlalhak asuageip en he, emas etumo weragasogo hano hagarek mene noba oko palìgìk, hinalulukwa welagep mene atì, hinekalì asinogo nen he, laberùogolùk su kut mene noba oko palìgìk, hineileken mùm mene atì, hano aganem yì mene tì mene lakhìkì logouogolùk, amusu hineileken obakwe wasuageip en noba oko palìgìk, uageip en ìlùk hinasuk watì o.

ABÌKAKAN 2:23

Atì'nogo hagatenem, it Ala againapùrì o yì awì tì awì atogotarek mene obogat en ineileken hìlìk, it en he, At Ala re, apùnì ina'la ebetarek mene atì mel, inetaùken kagalharek mene atì mel, elumo re, apùnì ninebe lopok ninoabùt hagatorek mene higit hogoat ùkùm ninoba hìgìk, oko wo'nisìgìk, igin o, ìlùk, an hùthanuagalùk, it apùnì at he atì ane wanharek mene inebe inoasiginat o.

KALATIA 3:27

Nen, Karìsùt hinom hùnesuogolùk ima pisigip mene hinebe obogat, su labetarek hak Karìsùt oabùt wanhìgip atì.

1 KORÌTÙT 4:5

Atì nen he, at en ùkùm apùnì inoba hìgìk, kotìk, igin atì like oan asi wagì'lek werek kolek, hit en it aike ùkùm inoba hìgìk, kotìk, usak motok lek o. We, at ninoe Etagepogot ebe wìrìk en he, apùnì nen hùako hinagasogo hagarì'lùgì mene sele'mathìgìk, Tì'nogo hagasugun, ìlùk akalìk ina'la sebelek werek mene atì hukalogo hìgìk, i wesigin atì serogo logousak o. Atì'nogo hukalogo hikenem, Ala nen he, hano hagata mene inebe lopok hogorinabusak meneat hogorinabigin o.

MATÌÙT 13:30

Gandum eken oan palhì'le'ma re, inom atì'nogo sabarogo lagakì logouak o. Nen, eken palusak higit aga halok he, an nen it ap eken palharek mene yogoisìkì logolìk he, Eka weak mene atì etu lolisùok en he, atì tak henogo hele homagasogo hìlìk en, hano mene atì atogorogo hìgìrek oba atoma heni o, ìlùk yogoisegein, ìlùk atitigeke mene amanogo yogoisasike,” ìlùk Yesùt en yogoisasike.

MATÌÙT 3:12

Gandum eken holusak hesik wabùn oba hurogo lakhegein mene, at esewerek mene ekimo werek atì. Tegelusak oba higit asi waga halok, hano mene halok, tegelogo hikerek oba hanoma hìgìk, apùpùleke halok etu nogolusak le'ma a'nogo ba laksìgìk, ìgìn o,” ìlùk yogoisasike.

MATÌÙT 22:10

it atitigeke mene amanogo hobuk kwe hùko atogolma atoma lagaukwasik were'ma, apùnì inoabùt weak mene, hano mene, laganem inom apì agaukwa mene obogat inayoko hesukwama wagaukwama re, ouma inebe motok pese isike.