MATÌÙT 21:41 - Ala Ane Wene Ket Mene Warogo Wo'ninapike Wene

⁴¹ it en he, “Ap akweang esewerek mene atì wìrìk he, it inoabùt weak mene atoma motok heleleng hogo inoarìk, yabu anggur yabu atì serogo logolìk, eken arat wurìk aganem palogo wogosi laga logouagalùk he, ap hùnogoat mene aike inayoko housagat o,” ìlùk yogosukwa.

MATÌÙT 21:41 ပူးပေါင်းရင်းမြစ်များ

LAKSASIKE 18:6

Atì'nogo yogoisikenem he, it en he, “Weak ìkì lagen o,” ìlùk abok weak palhì lagaukwama re, at Paùlùt en he, “An wene noba selek o,” ìlùk u hak, asu etakwe mene alolong hesalogo pelaksìkì logolìk he, mel yogoisasike: “Hit hinokawerek en nong akegep halok he, hinoba lopok o. An noba lek o. Hùlì yogotak hùlì nen, an apùnì etakwe mene wene yogoisa legein o,” ìlùk yogoisasikesik he,

MATÌÙT 21:43

Hit he, Ala nen awe a'ma hikasagat welagagip meneat he, awe a'ma hikegein lek o. We, hit hinobùlù'mo re, e eken hano mene isu hak, it apùnì inùkùl etage hùnogoat mene nen, Ala a'la akikerek mene higit hogo hagatì logogun mene halok hisegein o. [

LAKSASIKE 28:28

Atì'nogo yogoisasikesik, wene elùgùn warogo re, mel yogoisasike: “Atì'nogo isike atì nen, wene yì hinelu asuageip ìlùk yogohisak: Ala nen he, apùnì aike nen, at en telinaperek wene atì, it apùnì etakwe mene yogoisa loagalùk inayoko hikomo yogoisìlì'lùgì. It atì'nogo yogoisikenem, inasuk hologo hagasugun o, ìlùk hinelu asuageip ìlùk yogohisìgì atì o,” ìlùk Paùlùt en yogoisasike. [

IBERANI 12:25

It apùnì Ala ane kweangma yogoisikenem inasuk holusak inabìt welagaukwa mene, inebe ineluk herakìgì'lek inoatì lagaike atì. Halok he, nit yìrogo re, wene pogot oba nen yogonisikenem ninasuk holusak ninabìt logogun halok he, ninoatì'lek herakhinegein akegep a? Lek o. Motok ninoasigin atì nen he, at ane iko kolek hinasuk holhì'lek, “Ninabìt,” ìlùk heraksanogo ìlùk, hinepe hebelogo logoino o.

IBERANI 2:3

Atì hak, nit yogotak telninabusak hùko wene atì ninobaken nene heraksogoin halok, weaga'ninabiginat o. Emakum he, wene at ninoe Etagepogot ebe nenat apùnì aike yogoisasikomo inasuk holhukwa mene nen sekek hogo yogonisasukwa mene eberogoat haga'lagaike.

1 TESALONIKA 2:16

Ala nen it apùnì eta'ma mene telinabuagalùk nit en hano wene yogoisìlìk laganem, apùnì inakwe palharek hak, it apùnì Yahuri mene nen he, “Wene hano wene atì yogoisasak lek,” ìlùk wene palì'lùgì atì. Atì'nogo hagatì logolìk, ninhùp-nanhùp weak hagatarek meneat oba louk hogo hagarì'lugì atì nen, Ala a'mage lagalìk, ùkùm huko mene inoba hike atì.

LAKSASIKE 28:8

O at were'ma atoma, at opase oba agaken agaikesik, a'ma horok laga logolìk he, weitek motok welagaike. Weitegat were'ma, at Paùlùt oba kisikesik he, eki hakìlìk, Ala ayoko hesikomo, oba hano agaike.

LAKSASIKE 15:7

Atì'nogo atogosukwasik, wene it aike nen ìgìk, it aike nen ìgìk, hùkoat ìkì lagaukwasik, at Peterùt melarìk he, mel yogoisasike: “Ap sanì. Nagaiya'lak. It apùnì etakwe mene nen wene hano wene inasuk holhìk, ina'la nen eberogoat ìlùk hùthìgìk, uagalùk, an hageat hit ninom were'ma, it atì yogoisa loagalùk Ala nen wena'nabìk nayoko hesike atì, hinelu o.

MATÌÙT 3:12

Gandum eken holusak hesik wabùn oba hurogo lakhegein mene, at esewerek mene ekimo werek atì. Tegelusak oba higit asi waga halok, hano mene halok, tegelogo hikerek oba hanoma hìgìk, apùpùleke halok etu nogolusak le'ma a'nogo ba laksìgìk, ìgìn o,” ìlùk yogoisasike.

MATÌÙT 21:34

Lagaikesik werek kolek, eken ìtenem palharek oba higit asi agaikomo re, ap eyabu esewerek mene a'nogo nen, atitigeke mene aike it ap serogo logouagalùk hisasike mene amanogo nen anggur eken aike wogosuagalùk, inoba laksa wagaike.

MATÌÙT 21:40

Atì'nogo hagasukwa atì nen, hobuk ap akweang esewerek atì wìrìk, it ap serogo welagaukwa mene atì nìkì'nogo hagarìnabigin akegep,” ìlùk, yogoisasikomo,

LUKAT 20:16

At ebe wìrìk he, it atì inebe motogat warogo potsìlìk he, inobùlù'mo yabu anggur yabu a'nogo serogo logouagalùk he, ap aike hùnogoat mene menhisegeinat o,” ìlùk yogoisasikomo, it amanogo nen he: “Eige! Atì'nogo hagasusak lek o!” ìlùk yogosukwama,