MATÌÙT 21:39 - Ala Ane Wene Ket Mene Warogo Wo'ninapike Wene

³⁹ ebe hakhìlìk yabumo nen legeta'ma wulakhesukwasik, ebe motok wasukwa.

MATÌÙT 21:39 ပူးပေါင်းရင်းမြစ်များ

LAKSASIKE 2:23

Mene re, at Ala elu logolìk, a'la nen, Atì'nogo hagasuak o, ìlùk akasike baat, Yesùt ebe hineki ba hesikomo, hit en ap inoabùt weak mene ineki waganogo, at ebe e ba menogo hìlìk watep atì.

YAKOBÙT 5:6

It aike higit hogo hagarì'lùgì mene atì, it en oko hit hinoasusak le'maat ùkùm inoba hìlìk inebe inoatì lagep atì rì!

LAKSASIKE 7:52

It ap Ala ane yogoisìkì lagaukwa mene amanogo, hinopalak en inebe weagarinapì'lek aike welagaukwa nogo? Weagarinapì lagaukwa nek akìgì. It Ala Ane yogoisìkì lagaukwa mene nen he: Ala atitigeke oabùt higit hogo hagasigin mene atì hobuk wesigin o, ìlùk ebe wagì'lek werek kolek, abok tak ìkì lagaukwa mene inebe hinopalak enat inoatì lagaukwa atì. Hobuk, it en abok tak isukwa mene atì ebe wagaikomo re, hit enat at ebe wasuagalùk yoko lagìk, ebe watìk, egep atì.

YOHANET 18:12

Wene atì'nogo ìlùk isikomo re, it ap tentara mene esa logolek amanogo inoe kain aike inom mel, nen, it ap Yahuri mene Ala awì serogo welagaikarek mene mel, inom en he, at Yesùt ebe hakhìlìk, eki hele wasukwa.

MATÌÙT 26:57

Hese atì'nogo pùgùlhukwama re, at Yesùt ebe hakhesukwasik he, ap Ala esewerek mene inoe kain Kayapat oba wolok lagaukwa. Lagaukwa re, atoma it ap Ala ane helal waganek esewerek mene mel, inalùlgetek mel, atogorek were'ma lagaukwa.

LAKSASIKE 5:30

Hit en Yesùt ebe hakhegesip e ba menogo hìlìk watep a'nogo, at Ala ninopalak en awe a'ma kìlìk hogoratì lagaukwa mene a'nogo nenat apotkwe eluguthikomo werek o.

LAKSASIKE 4:10

Ma re, wene atì hesik, hit obogat mel, apùnì inùkùl etage Isirael mene aike obogat mel, hinelu asuagalùk wene ero tùkùm hogo yogohisak. At Yesùt Karìsùt aua Nasaret mene hit en e ba menhìlìk watepma Ala nen eluguthike mene a'nogo etage ba ap yì hano agasik hineilhanem metek hano werek yì.

YOHANET 18:24

hobuk at Hanat en, at Yesùt eki hele homagoat, ap Kayapat ebe ap Ala esewerek mene inoe kain a'nogo oba wolok wesuagalùk lakhei wagaike.

MATÌÙT 26:50

at Yesùt en, “Nagot yì! Hat nahalok wagen,” ìlùk yogosikomo, it ap amanogo Yesùt era'lu wagaukwasik he, ebe motok hakhesukwa.

MATÌÙT 21:38

Lakhei wagaikomo waganem, it ap yabu serogo welagaukwa mene amanogo nen, ineileken lakhasukwasik he, it-it ìkì logolìk, Ap arì Opase obùlù'mo yabu esewerek asigin mene a'nogo ebe waga a'lì. Halok, yabu yì nirat esewerek asuok en he, ebe wasuok o, ìlùk,

MATÌÙT 21:40

Atì'nogo hagasukwa atì nen, hobuk ap akweang esewerek atì wìrìk, it ap serogo welagaukwa mene atì nìkì'nogo hagarìnabigin akegep,” ìlùk, yogoisasikomo,