MATÌÙT 21:34 - Ala Ane Wene Ket Mene Warogo Wo'ninapike Wene

³⁴ Lagaikesik werek kolek, eken ìtenem palharek oba higit asi agaikomo re, ap eyabu esewerek mene a'nogo nen, atitigeke mene aike it ap serogo logouagalùk hisasike mene amanogo nen anggur eken aike wogosuagalùk, inoba laksa wagaike.

MATÌÙT 21:34 ပူးပေါင်းရင်းမြစ်များ

MATÌÙT 22:3

Isatì logolìk apùnì inayoko hesike mene na wesuagalùk, at atitigeke mene aike mel yogoisasike: Apùnì inayoko hìgì amanogo wesuak en woginabi lani o, ìlùk, yogoisasike meneat he, it inayoko hesike mene atì inabìt en wagì'lek kamo isukwa.

MATÌÙT 21:35

Mene re, it ap serogo welagaukwa mene amanogo nen, ap akweang esewerek mene atitigeke eken wani wesuagalùk laksa wagaike mene amanogo inebe haksilik he, aike tùgì watìk, aike ebe motok watìk, aike ebe motok helep oba watìk, isukwa.

MATÌÙT 21:38

Lakhei wagaikomo waganem, it ap yabu serogo welagaukwa mene amanogo nen, ineileken lakhasukwasik he, it-it ìkì logolìk, Ap arì Opase obùlù'mo yabu esewerek asigin mene a'nogo ebe waga a'lì. Halok, yabu yì nirat esewerek asuok en he, ebe wasuok o, ìlùk,

MATÌÙT 21:40

Atì'nogo hagasukwa atì nen, hobuk ap akweang esewerek atì wìrìk, it ap serogo welagaukwa mene atì nìkì'nogo hagarìnabigin akegep,” ìlùk, yogoisasikomo,

MATÌÙT 21:41

it en he, “Ap akweang esewerek mene atì wìrìk he, it inoabùt weak mene atoma motok heleleng hogo inoarìk, yabu anggur yabu atì serogo logolìk, eken arat wurìk aganem palogo wogosi laga logouagalùk he, ap hùnogoat mene aike inayoko housagat o,” ìlùk yogosukwa.

MAREKÙT 12:1

At Yesùt en wene atì'nogo yogoisasikesik he, hobuk wene aike oba lìrogo mel yogoisasike: “Ap aike eyabumo anggur awì yasike. Yasikesik he, leget wùtìk, eken sagalogo amusu keralhì logogun oba kweang habulhìk, ineileken logogun oba laleka pelatìk, isike. Isikesik he, ap aike serogo logouagalùk hisalùk he, ebe o wele'ma atoma lagaike.

MAREKÙT 12:7

Lakhei wagaikomo waganem, it ap yabu serogo welagaukwa mene amanogo nen, it-it ìkì logolìk he, mel isukwa: Ap arì opase obùlù'mo yabu esewerek asigin mene a'nogo ebe waga a'lì. Halok yabu yì nirat esewerek asuok en he, ebe wasuok o, ìlùk isukwasik,

MAREKÙT 12:9

Atì'nogo hagasukwa atì nen he, ap kain eyabu esewerek mene atì nìkì'nogo hagasigin akegep. At ebe wìrìk he, mel hagasigin. It ap atì inebe motogat warogo potsìlìk he, inobùlù'mo yabu anggur yabu a'nogo serogo logouagalùk ap hùnogoat mene menhisegeinat o.

LUKAT 20:9

At Yesùt en atì'nogo yogoisasikesik he, hobuk apùnì amanogo wene aike oba lìrogo mel yogoisasike: “Ap aike eyabumo anggur awì yasike. Yakhìlìk he, ap aike serogo logouagalùk hisalùk he, o walegat lìlìk eki aike inom hogo logopik en wesigìlùk lagaike.