MATÌÙT 21:26 - Ala Ane Wene Ket Mene Warogo Wo'ninapike Wene

²⁶ Nen, Apùnì nen yakùlesukwama pelaginapì lagaike, ìlùk yogosumo re, it apùnì yoma obogat en, Yohanet atì Ala aneat yogonisìkì lagaike, ìlùk egaresi'mo atì re, nit ninayùk,” ìlùk isukwasik,

MATÌÙT 21:26 ပူးပေါင်းရင်းမြစ်များ

YOHANET 5:35

At Yohanet atì ebe re, esage kìalogo hikenem yararathikerek hak were'ma, hit en he, Esage yarogo ninoba hìkì logouak, ìlùk, elama hesigat hina'la hai hakìkì lagagip atì,

MATÌÙT 21:46

Yesùt ebe hakhouogolùk isukwa meneat he, apùnì inebe logolegat en, “At Yesùt atì Ala ane yogonisikerek mene o,” ìlùk, egaresi'mo nogo nen he, inayùk en he, hebesukwa.

MATÌÙT 11:9

Halok he, nena mene hùogolùk laga lagasip. Ì a, at he, ap Ala ane yogoisikerek mene aike were'ma hineileken hùogolùk laga lagasip a? Eberogoat, atìat o. An nen yogohisak. It ap Ala ane yogoisìkì lagaukwa mene aike welagaukwa meneat he, it atì mea negen. At Yohanet atì nek he, etagewerek esinat o.

LAKSASIKE 5:26

Atì'nogo yogoisìkì lagaikomo re, at ap kain Ala awì serogo welagaike mene a'nogo agoromì inom lagaukwasik he, it ap Yesùt en inayoko hìlìk laksasike mene amanogo wogisek wagaukwa. Mene re, wogisek wesuogolùk ina'la nen he, “Apùnì logolegat en Yesùt agoromì elele waganogo nit helep oba ninoasinogo,” ìlùk inayùk en inane keirogo wogisek wagì'lek. We, lìok hogo wogisek wagaukwa.

YOHANET 9:22

Atì'nogo yogoisasukwa atì re, it ap kaintek Yahuri mene nen, ìkì logolìk he, “It apùnì inebe lopok en, Ap yì re, Ala nen nit apùnì telninabuagalùk lakhei wesigin isike a'nogo Karìsùt ebe yìat o, ìlùk pak hogo iko halok he, ouma sapan egare'ma nen lisogo wulaksùok o,” ìlùk wene palhukwa mene werek atì nen he, ap atì opase agosa it ap kaintek Yahuri mene inayùk en he,

LUKAT 22:2

it ap Ala esewerek mene inogogì kaintek mel, Ala ane helal waganek esewerek mene mel, apùnì obogat inayùk en he, Yesùt ùkùm nìkì'nogo oba hìlìk wasuok he, ìlùk weim abok ìkì lagaukwa.

LUKAT 20:19

At Yesùt en wene atì'nogo yogoisasikomo re, it ap Ala ane helal waganek esewerek mene mel, Ala esewerek inogogì kaintek amanogo mel, inasuk holhukwasik he, “Wene atì nit hesik oba lìrogo yogonisike hìgì,” ìlùk huthasukwasik he, atì sat, at Yesùt ebe hakhouogohik isukwa meneat he, apùnì amanogo inayùk en he, kamo isukwa.

LUKAT 20:6

Nen, Apùnì nen yakùlesukwama pelaginapì lagaike, ìlùk umo re, eige! It apùnì obogat en, Yohanet atì Ala aneat yogonisìkì lagaike, ìlùk akagaresi'mo nogo nen he, helep oba ninebe motok tamuk hogo ninoasinogo,” ìlùk isukwasik he,

MAREKÙT 12:12

Atì'nogo yogoisasikomo, it an he, mel isukwa: “Wene oba lìrogo ike atì, nit hesigat yogonisike hìgì,” ìlùk, hùthasukwa. Hùthasukwasik he, Yesùt ebe hakhouogolùk isukwa meneat he, apùnì logolek amanogo inayùk en herakhùlùk pùgùlhukwa.

MAREKÙT 11:32

it apùnì obogat en, “Yohanet atì Ala aneat yogonisìkì lagaike,” ìlùk ebe hùthìkì lagaukwasi'mo nogo nen he, apùnì inayùk en mel isukwa: “Nit en he, Apùnì nen yakùlesukwama pelaginapì lagaike, ìlùk yogosumo, meaat o,” ìlùk isukwasik he,

MATÌÙT 21:11

it apùnì logolek amanogo nen he, “Yì Yesùt Ala ane yogoisikerek mene, awì o Kalilea tokwe kota Nasaret mene a'nogo waga yì o,” ìlùk, yogoisasukwa.

MATÌÙT 21:25

Ma re, at Yohanet en apùnì ima pegalinapì lagaike a'nogo re, Ala pogot oba mene nen yakùlesikomo pegalinapì lagaike a? Ì a, at he, apùnì kweangma mene nen yakùlesukwama pelaginapì lagaike a. Yogone'ni ta!” ìlùk yogoisasikomo, it-it ìkì logolìk he, mel isukwa: “Pogot oba mene nen yakùlesikomo pelaginapì lagaike, ìlùk yogosumo re, at en he, Halok he, hit en Yohanet ane eberogoat ìlùk hùthìgì'lek welagagip atì nenahalok, ìlùk, yogonisanogo.

MATÌÙT 21:27

hobuk Yesùt yogotì logolìk he, “Wene atì nit ninokot o,” ìlùk yogosukwama re, at Yesùt he, mel yogoisasike: “Halok he, an nen hogo re, Atì mene esewerek agarìk hagatì lagi, ìlùk, hit yogohisegein legat o,” ìlùk yogoisasike.