MATÌÙT 21:22 - Ala Ane Wene Ket Mene Warogo Wo'ninapike Wene

²² Nen, hit yì mene tì mene Ala kìno yogotì logolìk hinetaùken at oba hìpìrethegep halok he, wokhisegeinat, o,” ìlùk yogoisasike.

MATÌÙT 21:22 ပူးပေါင်းရင်းမြစ်များ

MATÌÙT 7:7

Atì'nogo yogoisasikesik aike mel yogoisasike: “It apùnì inebe lopok en Ala kìno yogotenem he, at en inebe lopok wogisikerek enek atì. Nen, it aike inebe lopok en yì mene tì mene at oba heratenem he, inebe lopok herakagarek enek atì. Nen, it aike inebe lopok en kwe ane papagathikenem he, at en inebe lopok kwe hùrisikerek enek atì. Atì nen he, hit he, Ala kìno yogotì logoino. Yogotì logoumo, wokhisegeinat o. Hano mene at oba heratì logoino. Heratì logoumo herasugunat o. Nen, kwe ane papagathìkì logoino. Papagathìkì logoumo re, at en kwe hùthikegeinat o.

MAREKÙT 11:24

Atì'nogo hagaterek atì nen he, hit en yì mene tì mene Ala kìno yogotì logolìk, hina'la nen, Arat wo'nisikomo, ìlùk akegep halok wokhisegeinat o, ìlùk yogohisìgì.

1 YOHANET 3:22

at en wene ninasuk wasike wene higit hogo hagatìk, at eilhanem a'la hanorogo nek hagatìk, ìkì lago atì nen, nit yì mene tì mene kìno yogotenem, at en wo'nisìlì'logo.

MATÌÙT 18:19

“Nen, wene aike yì yogohisak. Hit hinebe pìre a? Hìnagan a, an netage ba atogosugun halok he, an nebe hinekele'ma atoma logogin atì nen he, hit hinebe pìreinagùn nen kweangma yoma logolìk, hinetaùken omakeat arìk, hit en, Aike wo'nisan, ìlùk, we, nena mene Ala kìno yogosugun halok he, kìno ugun mene atì, an nopase pogot oba mene nen hinane asuk holìk he, wokhisegeinat o,” ìlùk yogoisasike.

YAKOBÙT 5:16

Atì'nogo hagasigin atì nen, hit aike hinoba ou mene se asuageip en he, weak hagatep mene hit-hit hukal-hukal ìkì logolìk sapan ìkì logoino o. It apùnì Ala a'la walok akikerek mene higit hogo hagatarek mene nen sapan eberogoat ning hogo ugun atì, omame apik were'ma re, Ala nen hagarinabiginat o.

YOHANET 14:13

Nen, at sa nen, yì mene tì mene an netage palogo Ala kìno yogote halok he, an aput en hagatenem, it apùnì nen nopase hogorasuagalùk, an nen hagasigin o.

YOHANET 16:24

O alebat en hùlì yogotak hùlì, an netage palogo yì mene tì mene aike kìno ìgì'lek welagepma o. Halok he, hina'la hai apik hakoageip en he, at kìno yogotì logoino. Atì'nogo yogotì logoumo, wokhisìkì logoginat o,” ìlùk yogoisasike.

YOHANET 15:7

Hit an ninom hutik logolìk nane hina'la werek halok, we, nena mene hit walok mene an kìno yogonesumo wokhisamo helogoinat o.

MATÌÙT 7:11

Hit hinoabùt weak hagatesep meneat he, inagainapùrì hano mene wogisagarek atì hinelumo re, hano mene wogisegesep o. Atì hak he, hinopase Ala pogot oba mene atì re, kìno yogosugun mene hùgì motok hano mene wogisegein lek nogo? Wogisegeinat o.