MATÌÙT 21:16 - Ala Ane Wene Ket Mene Warogo Wo'ninapike Wene

¹⁶ Yesùt mel yogosukwa: “It yekerùgì ìlì'lùgì atì hasuk holhì lagen a?” ìlùk, yo osukwama, at en he, “Ì o. Holhì lagì o. Nen, wene mel ìlùk helal waganek werek a'nogo hit en etage salhì'lek welagep nogo? It en Ala hogoratì logolìk he, Hat hebe katok hogo hogothapì logouagalùk, yekerùgì ketago mene mel, eilak oan nìlì'lùgì mene mel, motok yakùlisegenma hìgì, ìlùk isukwama, helal waganek atì hit en etage salhì'lek welagep nogo?” ìlùk yogoisasikesik,

MATÌÙT 21:16 ပူးပေါင်းရင်းမြစ်များ

MATÌÙT 11:25

Atì'nogo yogoisasikesik he, o atì sat he, at Yesùt en Ala ebe yogotì logolìk he, “Ala nopase e! Pogot kweang esewerek harat o! Wene obogat atì re, it apùnì ina'la kagalek mene mel, yì wene tì wene inelu mene mel, inelu asinogo ìlùk hinakhìlìk he, it inoabùt yekerùgì ketago mene hake nek he, pak hogo yogoisegen atì ha'la walok akegetik enat yogoisegen atì nen hai wathapì lagì, nopase,” ìlùk yogosike.

MATÌÙT 19:4

at Yesùt en he, “Ero ba Ala nen elalinapì logolìk he, Ap elalhìk, he elalhik, elalinapike, ìlùk wene helal waganek a'nogo etage salhì'lek welagep nogo?

MATÌÙT 12:3

at Yesùt en he: “At Taùt agoromì opolik lagaukwa mene inom sùpùrùk inaik hesikomo, at en hagasike mene Ala ane ba helal waganek a'nogo hit en etage salhì'lek welagep nogo? Etage salhesebat o.

MAREKÙT 2:25

Atì'nogo yogosukwama re, at Yesùt en mel yogoisasike: “Ap Taùt agoromì opolik lagaukwa mene inom sùpùrùk inaik hesikomo ebe lek en he, at en hagasike mene Ala ane ba helal waganek a'nogo hit en etage salhì'lek welagep nogo? Etage salhesebat o.

MATÌÙT 22:31

Nen, apùnì wa'lasugun mene Ala nen inelugurinabigin atì nek he, at en, Aberaham ho, Isak ho, Yakùp ho, inopase Ala anat o, ìlùk isikomo, at ane helal waganek werek a'nogo etage salhì'lek welagep nogo? Etage salhesebat o. At Ala re, apùnì warek mene inopase hùk. At he, apùnì ineluk mene inopase o,” ìlùk yogoisasikomo re,

MAREKÙT 13:17

Atì'nogo lagakì logolìk, it hìmì ineagwì ina'ma mene mel, ineagwì ketago mene ineilak wogisìlì'lùgì mene atì mel, weak hogoin atì, eigo! Netawlì lak e.

LUKAT 21:23

Atì sat he, o yoma motok wiik-weak hogo hagarinapìk, Ala a'mage apùnì yoma inoba hìgìk, haga'lasigin atì nen he, it hìmì omalik ina'ma mene mel, ineagwì ketago ineilak wogisìlì'lùgì mene mel, weak hogoin atì eigo! Netawìlak e!