MATÌÙT 21:11 - Ala Ane Wene Ket Mene Warogo Wo'ninapike Wene

¹¹ it apùnì logolek amanogo nen he, “Yì Yesùt Ala ane yogoisikerek mene, awì o Kalilea tokwe kota Nasaret mene a'nogo waga yì o,” ìlùk, yogoisasukwa.

MATÌÙT 21:11 ပူးပေါင်းရင်းမြစ်များ

YOHANET 6:14

Atì'nogo kalogo hesukwama, at Yesùt en ebe hùthoagalùk elalinat hagasike mene atì, it apùnì ineileken hasukwasi'mo nogo nen be, mel isukwa: “Ap aike nen Ala ane kweangma yogonisa wesigin isukwa a'nogo eberogoat he, ebe yìat o,” ìlùk isukwa.

YOHANET 7:40

Wene atì'nogo yogoisikenem, apùnì apik amanogo inasuk holhukwasik, it aike nen he, mel isukwa: “Ap yì re, ap aike Ala ane yogonisa wesigin nen, serogo welagorek a'nogoat o,” ìlùk ikenem he,

LUKAT 7:16

Atì'nogo hagasikomo, apùnì apik amanogo inayùk arìk he, Ala hogoratì logolìk, mel isukwa: “Ap kain Ala ane yogonisìkì logogin mene aike ninekele'ma nen weinam aga yì! Ala nen againapùrì telninabigìlùk waga o!” ìlùk isukwa.

LAKSASIKE 7:37

Nen, apùnì Isirael mene yogoisìkì logolìk he: Ala nen ap at ane yogohisìkì logouagalùk, ap hit mene aike an menhanhike atì hak, hobuk menhegein a'naga o, ìlùk yogoisasike atì, at Musa nenat o.

YOHANET 9:17

Atì'nogo mìkìlhukwasik he, ap eileken mùm mene a'nogo oba hinok hobuk wokhìkì logolìk he, “Hat en he, At en neileken hano haga'nape ìlùk egen akìgì. Halok he, ap atì abok hat en nìkì'nogo igin,” ìlùk yogosukwama, at en he: “At ebe ap Ala ane yogoisagarek a'nogo meneat o,” ìlùk yogoisasike.

MATÌÙT 2:23

Wagaikesik he, o kota etage Nasaret atì ki wagaikesik, atomaat kamo isike. Atì'nogo hagasike atì re, it ap Ala ane yogoisìkì lagaukwa mene nen ìkì logolìk, “At ap a'nogo awì Nasaret mene ugun o,” ìlùk isukwa higit hogoat haga'lagaike atì.

YOHANET 4:19

Atì'nogo pak hogo yogotì lagaikomo, at he a'nogo nen, at mel yogosike: “Eige. Noe. Hat hebe re, eberogoat Ala ane yogoisegetek mene hìgì, ìlùk arat hùthagagì o.

YOHANET 1:21

Atì'nogo yogoisasikomo it en he, mel yogosukwa: “Halok he, hat hebe sa nogo. Hebe Elia he a?” ìlùk yogosukwama, at en he, “An nebe at atì hùk, hùnogoat o,” ìlùk, yogoisìkì lagaikomo, it en he, mel yogosukwa: “Halok he, ap aike Ala ane yogonisìkì logouagalùk ayoko hìlìk lakhei wesigin isike a'nogo he a?” ìlùk yogosukwama, at en he, “Atì hùgat,” ìlùk yogoisasike.

MAREKÙT 6:15

nen, it aike nen he: “Lek o. Ati at Elia ebeat o,” ìgìk, it aike nen he: “Lek o. It ap holo Ala ane yogoisìkì lagaukwa mene nen yogoisìkì lagaukwa hagat yogoisìlìk niko atì re, at ebe it atì mene aike weinam agasik niko,” ìgìk, ebe Yesùt meneat atì'nogo ìkì lagaukwa atì.

LUKAT 24:19

at Yesùt en he: “Wene atì nìkì'nogo haga'laga mene egen,” ìlùk yogosikomo, it aremnogo nen he, mel yogosukwa: “Ap etage Yesùt, awì o Nasaret mene atì, ebe Ala ane yogoisikerek meneat logolìk he, Ala eilhanem, nit apùnì obogat nineilhanem, wene yogoisìgìk, yì mene tì mene hagatìk, omamerogo ìkì laga meneat he,

YOHANET 1:25

“Hat en he, An nebe re apùnì telninapukwe Ala nen ayoko hìlìk lakhei wenigin hike a'nogo lek o. Nen, Elia legat o. Nen, Ala ane yogonisìkì logouagalùk lakhai wesigin isike a'nogo legat o, egen meneat he, apùnì ima pelaginapì lagen atì nahalok,” ìlùk yogosukwama re,

LUKAT 13:33

Atì'nogo hagasigin meneat he, ap Ala ane yogoisagarek mene atì, wele'ma inoasusak lek o. Yerusalem atomaat inoasusak atì nen he, an yogotak mel, hùen mel, ageke mel, atoma laga logousak higit hìgì o.

LUKAT 7:39

Atì'nogo hagatenem, ap Parisi mene nen, “Yesùt, sùpùrùk neperak nùok,” ayoko hesike mene a'nogo a'la nen mel akasike, “Ap yì Ala ane yogoisikerek mene logoilepma re, He yì weak hagaterek mene nen haga'nape, ìlùk enagat hùtheilep,” ìlùk a'la akikenem,

MATÌÙT 21:10

Kisukwama re, it apùnì atoma mene obogat alìk watì logolìk he, “Egi! Ap yì sa akegep,” ìlùk isukwama re,

MATÌÙT 21:26

Nen, Apùnì nen yakùlesukwama pelaginapì lagaike, ìlùk yogosumo re, it apùnì yoma obogat en, Yohanet atì Ala aneat yogonisìkì lagaike, ìlùk egaresi'mo atì re, nit ninayùk,” ìlùk isukwasik,

MATÌÙT 21:46

Yesùt ebe hakhouogolùk isukwa meneat he, apùnì inebe logolegat en, “At Yesùt atì Ala ane yogonisikerek mene o,” ìlùk, egaresi'mo nogo nen he, inayùk en he, hebesukwa.