MATÌÙT 21:1 - Ala Ane Wene Ket Mene Warogo Wo'ninapike Wene

¹ At Yesùt apùnì inom lagaukwa mene amanogo inom kota Yerusalem kuogolùk horok hogo asi lagasukwasik he, tom Saitun a'ma o sili Petpage higit asi lagasukwasik he, Yesùt en it at ane wanhì lagaukwa mene amanogo aike inebe pìre alebagìk laksasike.

MATÌÙT 21:1 ပူးပေါင်းရင်းမြစ်များ

YOHANET 8:1

It apùnì amanogo laga kolek he, at Yesùt tom Saitun oba lagasike.

LUKAT 21:37

Wene atì'nogo yogoisasikesik he, hobuk, at Yesùt o we ikenem Ala awì wùrì'mo, wene yakùlisìgìk, o hi ikenem tom Saitun punu ba sapan i lagagìk, ìkì lagaike.

MATÌÙT 26:30

Wene atì'nogo yogoisasikesik he, wùnì Ala awùnì aike wa'lùk wùlùpukwasik he, Saitun ùkùl oba lagasukwa.

MATÌÙT 24:3

Atì'nogo yogoisalùk he, tom Saitun punu ba lagalìk hùrek were'ma, at ane wanhì lagaukwa mene amanogo oba wagaukwasik inaligat logolìk he, mel yogosukwa: “Hat en yogonisegen a'nogo re, mera nen haga'lasigin. Hat hebe wagìk, o wùrep oba haga'lagìk, igìlùk iko kolek he, kì mene tak haga'laganem nit ninetaùken wekelasigin. Wene sekek hogo yogonisan,” ìlùk yogosukwama,

LAKSASIKE 1:12

Atì'nogo yogoisasukwama, tom Saitun oba atoma nen pi wìrìk he, o kota Yerusalem walegat lek. We, horogat satu kilometer hake ki wagaukwa.

LUKAT 22:39

Atì'nogo yogoisalùk inom wùlùpukwasik he, o kota a'nogo hebùlùk he, at Yesùt Saitun ùkùl oba lagakì lagaike a'nogo hagat lagaikenem, agoromì ane wanhì lagaukwa mene amanogo opolik lagaukwa.

MAREKÙT 14:26

wùni Ala awùni aike wa'lùk wùlùpukwasik he, Saitun ùkùl oba lagasukwa.

MATÌÙT 20:34

Atì'nogo yogosukwama re, at Yesùt en etawìrinabìk he, eki ineileken oba hagisasikomo re, aremnogoat hano agaukwasik, Yesùt opoligat lagaukwa.

MATÌÙT 21:2

Laksìkì logolìk he, “O sili hinelokoma a'lì lani o. Arat lagep halok, oan kìkì logolìk hineileken lakhogoin he, wam keledai eak eperak kopì kelik were'ma hineileken hogoin a'naga o. Nen, erat hineileken hegep halok he, kopì kelik atì hikalogo re, noba wolok we'no.

MAREKÙT 13:3

Wene atì'nogo yogoisìkì lagaikesik he, at Yesùt Ala awi wùrìk i aik yì bakwe hebùlùk he, fi aik ìlì bakwe wùlùpukwasik, tom Saitun punu ba lagalìk inebe hù'lagaukwa. Hù'lagaukwasik he, Peterùt ho, Yakobùt ho, Yohanet ho, Atereat ho, Yesùt inom inaligat logolìk, at oba wene aike hinok wanhukwa.