MATÌÙT 20:8 - Ala Ane Wene Ket Mene Warogo Wo'ninapike Wene

⁸ Atì'nogo inayoko hesikomo lagaukwama, o arat hi isikomo re, ap eyabu esewerek a'nogo nen, it ap amanogo yabu hagato kolek serisek welagaike mene aike mel yogosike: Ap yabu hagarì'lùgì mene amanogo waisa lan o. Wagaika halok he, it hobuk kaga mene atì tak oko wogisìlìk he, it ebalep kaga mene atì oko hobuk wogisanok o, ìlùk yogosike.

MATÌÙT 20:8 ပူးပေါင်းရင်းမြစ်များ

1 PETERÙT 4:10

At Ala oabùt hano nen, ninebe lopok ninoabùt hùnogo tomok wo'nisasike higit hogoat, hinebe lopok en atì mene hano ese logolìk, hithit lebet-lebet ìkì logoino.

IBERANI 9:28

at Karìsùt hogo re, nit apùnì weak hagatorek mene legetsagalùk eki omake hesik wam Ala waretì lagaukwa atì hak, at ebe wa'lagaikesik, hobuk wesigin atì, nit weak hagatorek mene legetsagalùk wesigin hùk. Lek o. We, nit apùnì, at waganem elokoma serogo welagorek mene hùgì, hano'ninabigìlùk wesigin o.

TITUT 1:7

Ap Ala againapùrì aike serisek logolìk he, Ala hesigat hagatì logogin atì nen he, it aike nen ùkùm oba hìlì'lùgì lek mene halok, menhousak o. At en he: “It aike ikenem weak. An ìgì nek he, hano,” ìlùk, ikerek lek mene halok, a'mage horok hakoksek lek mene halok, i anggur amusu oba lagolek nikerek lek mene halok, oabùt asialoksek welagarek lek mene halok, “Uang, yì mene tì mene an enek noba logoilep,” ìlùk, akikerek lek mene halok,

LUKAT 12:42

at ninoe Etagepogot Yesùt en he, mel yogosike: “Ap kain mene aike againapùrì serisek logolìk inapùrùk nasak mene wogisasak higit hogo wogisìkì logouagalùk, at atitigeke mene ayoko hikenem a'la kagalek logolìk oabùt oe ane igin mene higit hogo hagaterek atì sa hake akegen. At atì oe atì nen, menhùlùk lagarek o.

LUKAT 10:7

It apùnì hit wokhinabusak mene were'ma kegep halok he, atomaat hinom logoino. Logolìk, it apùnì yabu woksikenem ineki oko yì mene tì mene wogisagaregat o, ìlùk, it en yì mene tì mene noagalùk wokhisiko halok he, atìat nìkì logoino. O ya hokom hogo lagìk, ta hokom hogo lagìk, nìkì logogùp o.

LUKAT 8:3

nen, aike re, he Yohana ap kain Herotet agarok yì mene tì mene eki ba logolìk hagatì lagaike mene etage Kusa atì agwe mel, he Susana mel, nen, aike re, it hìmì he'nakit logolegat mel, uang it mene ba yì mene tì mene oko palogo Yesùt agoromì inomat leberisìlìk nìkì lagaukwa.

MATÌÙT 25:31

At Yesùt en atì'nogo yogoisasikesik he, wene aike mel yogoisasike: “An abat ta'lasi wagagi a'nogo, apùnì nen hogo'napo kolek, it malaikat Ala nen pogot oba nen yoko pelaksa wagarek mene amanogo obogat ninom wìrìk, an hogo'napo kolek kain Netagepogot welagìrek oba logolìk,

MATÌÙT 25:19

Atì'nogo kweangma salhìlìk were'ma re, inoe a'nogo welagaikesik en hobuk wagaikesik, Uang wogisìgì amanogo, it en hobuk mìren mangorata, ìlùk, waisasikomo wagaukwama re,

MATÌÙT 20:7

it ap amanogo nen he, Yabu aike wanuagalùk ninayoko hìgì'lek atì nen welago o, ìlùk yogosukwa. Atì'nogo yogosukwama re, at ap eyabu esewerek a'nogo nen he, Halok he, hit hinomat an neyabumo anggur yabumo atoma hagasi lano o, ìlùk inayoko hesike.

MATÌÙT 20:9

Atì'nogo yogosikomo, it hobuk jam 5 ba hagasi lagaukwa mene amanogo tak wagaukwama re, oko uang yabu ineki omake hesik hagatenem wogisagarek a'nogo mene omakìtek omakìtek wogisasike.