MATÌÙT 20:7 - Ala Ane Wene Ket Mene Warogo Wo'ninapike Wene

⁷ it ap amanogo nen he, Yabu aike wanuagalùk ninayoko hìgì'lek atì nen welago o, ìlùk yogosukwa. Atì'nogo yogosukwama re, at ap eyabu esewerek a'nogo nen he, Halok he, hit hinomat an neyabumo anggur yabumo atoma hagasi lano o, ìlùk inayoko hesike.

MATÌÙT 20:7 ပူးပေါင်းရင်းမြစ်များ

IBERANI 6:10

At Ala oabùt he, kolo hagaterek mene hùk. At higit hogo nek hagaterek atì nen he, hit en at hesik hagatì logolìk hinerùgì hinagaiya'lak Ala againapùrì mene aike hinetawì nen alep leberisìgìk, hobuk leberisìgìk, ìkì lagep mene atì, at en hit hinoba lì'mathikegein lek o.

KOLOSE 1:26

Wene atì, o holoat ero ba nen yì tahun tì tahun haga'laga logolìk, apùnì ta'larìk waga kolek, Ala nen apùnì yogoisìgì'lek ineilmasirogo at a'la hinago welagaike. Meneat he, yogotak nit at againapùrì mene halok, sele'ma hukalogo yogonisasike atì.

EPESÙT 6:8

Hinoabùt hano hagatì logogun halok, ninoe Etagepogot en, hit inatitigeke mene, hinalepma welagep mene hinomat, hinebe lopok oko wokhisegein o.

ÙRÙM 16:25

Ala hogoratì logouok o! An nen hano wene Yesùt Karìsùt hagasike wene yogohisasigi hak, at Ala omame apik a'nogo nen hinetaùken wurigethinapì logousak elok o. Wene Ala a'la wene atì, holoat en hinago welagaike mane re, yogotak Ala nen weinamethesike.

YOHANET 9:4

aike mel yogoisasike: “Hobuk o mùm asigin o. Atì'nogo mum aganem, apùnì aike nen yì mene tì mene hagasusak mea asigin atì nen he, at lakhani wagaike mene hagaterek mene atì, o yogotak o lìa werek kolek ya baat hagatì logouok o.

MATÌÙT 20:1

At Yesùt en hobuk mel yogoisasike: “Ala nen awe a'ma hisikere'ma atoma eperak higit he, mel hake. Ap kweang esewerek mene aike eyabu anggur yabumo hagasuagalùk ap heraginabìk ohealegat yoko wùlìpike.

MATÌÙT 20:6

Hobuk o hi igìlùk iko kolek jam 5 wùlìpikesik he, it aike welegat metek were'ma eileken isìlìk he, Hit ohealek enat welegat motok metek welagep yì nenahalok, ìlùk yogoisasikomo re,

MATÌÙT 20:8

Atì'nogo inayoko hesikomo lagaukwama, o arat hi isikomo re, ap eyabu esewerek a'nogo nen, it ap amanogo yabu hagato kolek serisek welagaike mene aike mel yogosike: Ap yabu hagarì'lùgì mene amanogo waisa lan o. Wagaika halok he, it hobuk kaga mene atì tak oko wogisìlìk he, it ebalep kaga mene atì oko hobuk wogisanok o, ìlùk yogosike.