MATÌÙT 20:26 - Ala Ane Wene Ket Mene Warogo Wo'ninapike Wene

^26-28 Mene re, hit en it hagatarek atì hak, atì'nogo hagatì logousak motok lek o. An abat ta'lasi wagagi a'nogo re, hit apùnì nen lebe'nììkì logouageip ìlùk wagagi lek o. At he, an nen hit lebethisìkì logolìk, hit hinebe hele homage negen welagep mene atì, hinebe logolegat hikalhinabigìlùk, anat noasuagalùk wagagi atì. Atì hak he, hit aike sa nen, An inoe kain asigin, akiko halok he, hinagorat asuak. Nen, hit aike sa nen, An he, netagewerek asigin, ìlùk, akiko halok he, hinatitigekeat asuak o,” ìlùk yogoisasike.

MATÌÙT 20:26 ပူးပေါင်းရင်းမြစ်များ

MAREKÙT 10:43

Mene re, hit en it hagatarek atì hak atì'nogo hagatì logousak motok lek o. An abat ta'lasi wagagi a'nogo re, hit apùnì nen lebe'nìkì logouageip ìlùk wagagi lek o. At he, an hit lebethisìkì logolìk, hinebe hele homago negen welagep mene atì hinebe logolegat hele hikalhinabigìlùk anat noasuagalùk wagagi atì. Atì nen he, hit aike sa nen, An inoe kain asigin, ìluk akiko halok he, hinagorat asuak. Nen, ht aike sa nen, An netagewerek asìgìn, ìlùk akiko halok he, at ebe hit obogat hinatitigeke asuak o,” ìlùk yogoisasike.

MAREKÙT 9:35

Kamo isukwama re, at hù'lagaikesik, agoromì inebe 12 nen amanogo, “Horok hogo ya we'ni o,” ìlùk yogoisasikomo wagaukwama re, mel yogoisasike: “Hat aike it ap yoma inoe hetagepogot asusak walok halok he, inebe obogat inagot arìk inatitigeke asusak o,” ìlùk yogoisasike.

1 PETERÙT 5:3

Ala againapùrì serisek logouagalùk sùpùrogo wokhisasike atì serisek logolìk, hinebe kain negen logolìk, mep lagai'lagak hogo hagarinapì logogùp. We, hit hano hagatenem ineileken hisìlìk hinoabùt waganogo hagatì logouagalùk, hano hagatì logoino.

LUKAT 18:14

It sapan atì'nogo isukwa atì hesik, an wene aike yogohisak. Ap sa nen etaùken hesagathakìlìk hogorakiko halok he, Ala nen sebelhikerek o. Nen, ap sa nen etaùken sebelhakìlìk, An mea, akike halok he, Ala nen hesagathikerek atì nen he, at ap sapan alep ike mene atì, Ala nen wene oba mene sagalogo legetsìgì'lek kamo isike. Meneat he, at ap sapan hobuk isike mene atì nek he, Ala nen wene oba mene sagalogo legetsasikomo aua lagaike, ìlùk yogohisìgì,” ìlùk yogoisasike.

1 PETERÙT 4:11

Atì'nogo ìkì logolìk, Yesùt Karìsùt hinom hutik logolìk hagatenem, it apùnì aike nen Ala hogoratì logouagalùk, hit aike nen wene yogoisìkì logolìk, Ala aneat yogoisìgìk, hit aike nen it aike leberisìkì logolìk, Ala omame wo'nisikerek atì baat leberisìgìk, ìkì logoino o. Atì'nogo hagatì logolìk, Yesùt omame apik esok motok welagarek a'nogo hogorato motok logouok ìlùk, “Amin,” ìgì atì.

MATÌÙT 25:44

Atì'nogo yogoisikenem, it en he, Eige! Noe! Hat sùpùrùk nele were'ma, i nele were'ma, ap pogat were'ma, hasu laberek lek were'ma, ou warek were'ma, heki hele warek were'ma, o mera nen lebethììgì'lek kamo ìkì lagagu nogo, ìlùk, yogonetenem,

IBERANI 1:14

Ala agoromì malaikat atì inebe re, nìkì'nogo hagatarek mene nogo. It inebe re, nit Ala nen telninabigin mene hùgì lebe'nisìkì logouagalùk, at en inayoko hìlìk laksa wagarek meneat o.

PILEMON 1:13

An hano wene yogoisìlìk nìgìrek atì hesik neki hele warogo hanhama werek kolek, hat en lebe'nììkì logou hak, hobùlù'mo at en lebe'nììkì logouagalùk ebe hakhousak meneat he,

2 TIMOTÌÙT 1:18

Ninoe Etagepogot oabùt hano nen higit hogo hagasigin atì like, at Onesiporùt atì ebe etawì asuak o. At hageat he, o Epesùt logolìk, an hùkorogo lebe'nììkì lagaike a'nogo, hat tùkùm hogo heluat o.

2 KORÌTÙT 1:24

Hit hinetaùken Ala oba hìpìrethesigip mene atì, eberogoat ìlùk hinetaùken hapuk hogo welagep atì nen he, nit en, “Hinetaùken tì mene oba hìpìrethousak,” ìlùk ninane ning hogo yogohisogoin lek o. We, hit hina'la hai hakoageip ìlùk lebethisìkì lago atì.

LAKSASIKE 13:5

Wagaukwasik, o Salamit wìrìk he, apùnì Yahuri mene o sapan ìkì lagaukwa bakwe kìlìk, Ala ane yogoisìlìk nìkì lagaukwa. Yogoisìlìk niko kolek, at etage Yohanet ìgìk, Marekùt ìgìk ìkì lagaukwa mene a'nogo nen leberisìkì lagaike.

YOHANET 18:36

at Yesùt en he, mel yogosike: “An nen apùnì nawe a'ma hisìgìrek atì re, apùnì kweangma mene nen inawe a'ma hisagarek atì hak hùk. Lek o. We, an nawe a'ma hisìgìrek atì re, kweangma mene logoilepma re, nagoromì nen an nebe it ap Yahuri mene wogisasak lek ìlùk, nebe elele wo'nabuogolùk inom yabilep meneat he, an nawe a'ma hisìgìrek atì kweangma mene lek atì nen he, elele wo'nabugun lek o,” ìlùk yogosikomo,

MATÌÙT 27:55

Atì'nogo hagato kolek, it hìmì Yesùt lebethìkì lagaukwa mene o Kalilea nen pisukwasik Yesùt ebe e ba menhesukwama ineileken walegat en lagasogo welagaukwa.

ABÌKAKAN 17:6

Nen, he atì nen, Ala againapùrì mene mel, Yesùt ane yogoisìlìk negarek mene mel, inoasike mene inamep nikesik, apùnì nen anggur eken amusu nìlìk sìnì'nùk agaikarek atì hak, sìnì'nùk agasik were'ma lakhìgì. Atì'nogo lakhìgìrìk apik hogoratì.

LUKAT 22:26

hit en, atì'nogo hagasusak motok lek o. Halok he, hit mene aike nen he, An netagewerek logoile, akiko halok, hinagorat asuak o. Nen, An nen hagisek logoile, ìlùk akiko halok he, hinatitigekeat asuak o.