MATÌÙT 20:23 - Ala Ane Wene Ket Mene Warogo Wo'ninapike Wene

²³ Atì'nogo yogosukwama, at Yesùt en he, “An yì aik tì aik haga'nabugun atì hak, hit atì'nogoat hagathinabugun meneat he, hat aike an neki ebekwe, nen aike neki peikkwe ninom kain logouogolùk atì nek he, an nen menhikasak, mea o. We, an nopase nen hageat en logouagalùk weteberogo hisasike meneat hisegein o,” ìlùk yogoisasike.

MATÌÙT 20:23 ပူးပေါင်းရင်းမြစ်များ

ABÌKAKAN 1:9

An hinerei hinagaiyak Yohanet ninom ninebe Yesùt againapùrì omakeat mene, yì aik tì aik haga'ninapo kolek, nina'la nen he, “Hobuk at Ala nen awe a'ma hinegein,” ìlùk ninepe morogo welagarek atì. Were'ma, Ala ane Yesùt en pak hogo yogoniaasike wene a'nogo an nen yogoisìlìk nìgìrek an nen, neki hele warogo i okenma o etage Patomot kelakhani wagaikama welagì o.

LAKSASIKE 12:2

Atì'nogo isikesik, at Yohanet oe Yakobùt wasuagalùk agoromì yogoisasikomo karok oba ebe motok wasukwa.

MAREKÙT 10:40

Meneat he, hat aike an neki ebekwe, nen, aike neki peikkwe ninom kain logouogolùk, an nen menhikasak mea o. We, hageat Ala a'la nen he, It ta menhisegein, ìlùk akasike mene werek o,” ìlùk yogoisasike.

MATÌÙT 25:34

Atì'nogo tegelogo hisìlìk he, an nebe Netagepogorat nogo nen he, it neki ebekwe hisegein mene atì, wene mel yogoisegein: An nopase nen hanothinapomo welagep. Halok, we'ni o. An sùpùrùk nele were'ma hit en mela'netìk, i nele were'ma hit en wo'netìk, an ap pogat were'ma hit en wo'napìk, nasu labere'lek were'ma hit en labethanìk, ou warek were'ma hit en nea wagìk, neki hele warek were'ma nea wagìk, isigip atì nen he, an nopase nen pogot kweang oan elalhì'lek logolìk, hit kain hinetage pogot logouageip ìlùk, wenagasogo hikasike mene yì hela we'ni o, ìlùk yogoisikenem,

1 KORÌTÙT 2:9

Wene atì hesik he, Ala ane yì'nogo helal waganek werek: “At Ala nen he, yì mene tì mene apùnì nen ineileken hìgì'lek. Inasuk holhì'lek. Ina'la nen kagalhì'lek. Mene, obogat nit apùnì at ebe ninetawì welagorek mene hùgì hinikomo werek o,” ìlùk helal waganogo hesukwama werek.

ÙRÙM 8:17

Nit ninebe Ala againapùrì halok he, at Karìsùt yì aik tì aik hasike hak, hogoin halok, Ala nen nit Karìsùt ninomat hogo'ninabigin atì nen he, Ala nen yì mene tì mene at againapùrì wogisagalùk abok yogoisasike mene atì, at Karìsùt ninomat wo'nisamo, en logogun o.

IBERANI 11:16

We, it ebetì lagaukwa atì re, inawì ebe hano motok pogot oba mene hesik walok akìkì lagaukwa ati nen he, Ala nen it hesik inawì arat tegelogo hisasikesi'mo nogo nen, at en he, “An it inopase,” ìlùk, ekalì legat ikerek atì.

KOLOSE 1:24

An yogotak ya re, at Karìsùt en he, “Ala againapùrì obogat an nebeat o,” ìlùk nit hesik yì aik tì aik hìlìk hìlìk wa'lagaike atì, aike hìgì'lek mene obùlù'mo, an nebe hit hesik yì aik tì aik haga'nabì'lùgì atì nen na'la hai hakìkì lagì.

2 KORÌTÙT 1:7

Yì aik tì aik ninom higirat hogorek atì hak, nina'la hano asuagalùk Ala nen ninom higirat ninetaùken sebeligin o, ìlùk nelu ati nen, hit hano asugun, ìlùk ninetaùken sikip hogo welago.

MATÌÙT 13:11

at Yesùt en he, “Ala nen awe a'ma hisikerek wene atì, at a'la hinago welagaike mene, hit enek he, hinelu asuageip ìlùk, pak hogo yogohisasak akasike meneat he, it apùnì aike atì nek he, pak hogo yogoisasak lek akasike.

MATÌÙT 20:24

Atì'nogo yogoisikenem, it at agoromì he'nakìt inebe 10 nen inasuk holhukwasik he, ina'mage it ap inebe pìre oe agot eperak aremnogo inoba hesukwa.