Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




MATÌÙT 20:2 - Ala Ane Wene Ket Mene Warogo Wo'ninapike Wene

2 Wùlìpikesik, ap inayoko hesike mene inom wene mel yogoisasike: Hineki omake hesik hagatep halok he, oko uang ineki omake hesik hagatenem wogisagarek hagat hinebe lopok omakìtek wokhisegein o, ìlùk yogoisasikomo, it en he, Elok, ìlùk yogosukwama re, at eyabumo laksasike.

အခန်းကိုကြည့်ပါ။ ကော်ပီ




MATÌÙT 20:2
24 ပူးပေါင်းရင်းမြစ်များ  

Atì'nogo nikenem lakhìgìrìk, nasuk holhì hak he, it Ala nen elalinapikomo ineluk welagaikarek mene inebe 4 en amanogo ina'la nen apùnì inane hake mene mel ike: “Beras hake gandum eken atì mene ìlìreke sogoloak omakeat enek kalogo re, oko yabu ineki omake hesik hagatenem ineki oko wogisagarek atì hak obogat housak o. Nen, hùpak eken hake etage jelai atì mene ìlìreke sogoloak 3 nek kalogo re, oko yabu ineki omakeat hesik hagatenem ineki oko wogisegarek atì hak obogat housagat o. Atì'nogo meneat he, minyak e saitun amusu mel, anggur amusu mel, atì nek he, weagathousak lek o,” ìlùk ikenem holhì.


Hat hebe yekerek oba nenat Ala ane helal waganek atì helu welagatek atì, ha'la eberek motok logousak o. Atì'nogo logolìk, hetaùken Karìsùt Yesùt oba hìpìrìk were'ma, Ala nen telhabusak mene hùthanogolùk, at ane helal waganek atì baat ha'la elogat kagalusak werek o.


Serogo nogo ìlùk he, hùenkwe re, ap a'nogo nen he, ap o atì esewerek mene uang perak mene pìre wogotì logolìk he, mel yogosike: Ap yì serogo logoino. Serogo logolìk he, hat mene yì mene tì mene wogotì logogin mene, oko wokhetì yì lek aga halok he, an hobuk wìrìk oko wokhesigin o, ìlùk yogosike,” ìlùk, Yesùt en ap Ala ane halal waganek esewerek mene a'nogo yogosike.


Uang pemerìntah hesik housak mene a'nogo neileken hak en ìnù'neani,” ìlùk isikomo uang a'nogo aike wogosukwama re,


ap eyabu esewerek a'nogo nen, ap it mene aike mel yogosike: Nagot e. An kolorogo wokhetì'lek o. Oko uang omakìtek wokhisegein ìgìma re, Ì o, ìlùk egep a'nogoat wokhetì.


Atì'nogo lakhesikomo re, at agot a'nogo olilu wùlìpike hak he, at agaiyak ap kain a'nogo agot aike, at wùlìpike a'nogo auang 1.000 mene hamùlùgat wogosike mene oba palek were'ma eperak api agaukwa. Apì agaukwasik ebe hakhìlìk he, alokop perelogo hesogo logolìk, Nagarok hoba palek werek a'nogo oko wo'nom, ìlùk yogosikomo re,


Etawìrinapikesik he, at agoromì ane wanhì lagaukwa mene amanogo mel yogoisasike: “Eken ugu apik werek meneat he, apùnì eken ebe palusak mene inebe hamùlùgat o.


At Yesùt en hobuk mel yogoisasike: “Ala nen awe a'ma hisikere'ma atoma eperak higit he, mel hake. Ap kweang esewerek mene aike eyabu anggur yabumo hagasuagalùk ap heraginabìk ohealegat yoko wùlìpike.


Laksìlìk he, o mo yegelogo lagai wagaikomo lagaike hak he, it ap aike hùnogoat mene pasar atoma welegat were'ma eileken isasike.


at Yesùt en, “Inane lagak hogo yogoneta,” ìlùk inoabùt enagat palhikesik he, mel yogoisasike: “An noabùt paluogolùk egep atì nenahalok. Uang perak yabu ineki omake hesik hagatenem ineki oko wogisagarek a'nogo mene aike neileken hak en he, wani lani o,” ìlùk yogoisasikomo,


“Uang perak yabu ineki omake hesik hagatenem ineki oko wogisagarek a'nogo mene aike ìnù'neani,” ìlùk yogoisasikomo ìnùkhasukwama re, “Yì sa ebe hagarek oba etage helal waganek werek akegep,” ìlùk yogoisasikomo, it en he, “Arì Kaisat at o,” ìlùk yogosukwa.


Atì'nogo yogosikomo, it hobuk jam 5 ba hagasi lagaukwa mene amanogo tak wagaukwama re, oko uang yabu ineki omake hesik hagatenem wogisagarek a'nogo mene omakìtek omakìtek wogisasike.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ