MATÌÙT 2:4 - Ala Ane Wene Ket Mene Warogo Wo'ninapike Wene

⁴ Ina'maken apik lagaikesik he, at kain Herotet a'nogo nen he, it ap Ala esewerek inogogì kaintek mel, Ala ane helal waganek esewerek mene mel, omakìma atogorogo hisasikesik he, “At Karìsut atì, hit en he, o koma ta'lasigin ìlùk ìkì lagep nogo,” ìlùk hinok wanhike.

MATÌÙT 2:4 ပူးပေါင်းရင်းမြစ်များ

MATÌÙT 13:52

Atì'nogo yogosukwama, at Yesùt en he, “Halok he, it ap Ala ane helal waganek esewerek mene amanogo nen, Ala nen awe a'ma hisikerek a'nogo wene yakùlho halok he, atì mel hake usak. Ap kain mene agarok etaùken hutìk mene hakikerek oba nen, ket mene wulabi wagìk, hageat mene wulabi wagìk, hobugalep wulabi wagarek hagat o,” ìlùk yogoisasike.

MATÌÙT 2:3

Isukwama re, at kain Herotet atì asuk holhìkesik he, at mel, apùnì o Yerusalem welagaukwa mene mel, ina'maken apik lagaike.

MATÌÙT 2:5

Hinok wanhikomo re, it en he, “O Pe'lehem propinsi Yurea a'lomaat o. A'loma ta'lasigin, ìlùk, it ap Ala ane yogoisìkì lagaukwa mene aike nen ìkì logolìk he,

MATÌÙT 21:15

Atì'nogo hagarinapikomo re, it ap Ala esewerek mene inogogi kaintek amanogo mel, Ala ane helal waganek esewerek mene amanogo mel, inom en he, Yesùt en hagasusak lek mene elalinat hagatenem ineileken hìgìk, nen, yekerùgì magatek mene nen, “Noe wa!” ìlùk u hak, “Hosana! Taùt tagokwe mene noe,” ìlùk Ala awì wùrì'mo inane hùkorogo Yesùt eloko wanhenem inasuk holhìk, isukwasik ina'mage nen

MATÌÙT 21:23

At Yesùt en wene atì'nogo yogoisalùk he, at ebe Ala awì wùrì'mo kisikesik logolìk wene yakùlisikenem he, it ap Ala esewerek mene inogogì kaintek mel, it ap inalùgetek mel, Yesùt oba wagaukwasik he, mel yogosukwa: “Hat he, nena mene esewerek agatik yì hagatìk, tì hagatìk, ìkì lagen. Nen, ap sa nen esewerek logouagalùk, menhageikomo hagatì lagen,” ìlùk yogosukwama,

MATÌÙT 26:3

Atì sat he, it ap Ala esewerek mene inogogì kaintek mene mel, inalùgetek amanogo mel, at ap Ala esewerek mene inoe kain etage Kayapat a'nogo aua atogothìlìk he,

MATÌÙT 26:47

Yesùt en, “Horogat waga arì,” ìlùk iko kolek aremnogoat he, at Yùrat, ebe Yesùt agoromì inebe 12 amanogo mene yoko lagaikomo, it ap Ala esewerek mene inogogì kaintek amanogo mel, inalùgetek amanogo mel en, it ap inebe esa logolek inayoko hìlìk laksa wagaukwama, karok mel, payùk mel, wolok inebe motok holhùlùk inom wagaukwa.

MATÌÙT 27:1

Atì'nogo hagasukwasik were'ma, o arat we isikomo ohealek it ap Ala esewerek mene inogogì kaintek mene amanogo mel, inalùgetek amanogo mel, obogat en he, Yesùt wasuogolùk weim abok isukwasik he,

MAREKÙT 8:31

At Yesùt en atì'nogo inasuk wasikesik he, wene hobuk aike mel yogoisasike: “An abat ta'lasi wagagi a'nogo re, it ap inalùgetek mel, Ala esewerek mene inogogì kaintek mel, Ala ane helal waganek esewerek mene mel, inom en an nebe inabìt arik yì aik tì aik apigat haga'nabìk, nebe noasugùn o. Noasumo nebe neki pìre warek logopik he, aike nen, neluk asigin o,” ìlùk

LUKAT 20:19

At Yesùt en wene atì'nogo yogoisasikomo re, it ap Ala ane helal waganek esewerek mene mel, Ala esewerek inogogì kaintek amanogo mel, inasuk holhukwasik he, “Wene atì nit hesik oba lìrogo yogonisike hìgì,” ìlùk huthasukwasik he, atì sat, at Yesùt ebe hakhouogohik isukwa meneat he, apùnì amanogo inayùk en he, kamo isukwa.

LUKAT 23:10

Oko yogotì'lek kamo isikomo re, it ap Ala esewerek mene inogogì kaintek mel, it ap Ala ane helal waganek esewerek mene mel, amanogo horok hogo hobotha kìlìk he, inane kei-karogo ùkùm oba hìkì lagaukwa.

YOHANET 18:3

Atì'nogo elu nogo nen he, it ap Ala esewerek inogogì kaintek mel, it Parisi mene mel en he, inagoromì Ala awì serogo welagaikarek mene inayoko hìlìk laksasukwama, at Yùrat en tentara mene esa logolek aike inom wogisek, sike mel, sìge mel, yì esage tì esage mel, wolok atoma lagaukwa.

YOHANET 3:10

at Yesùt en he, mel yogosike: “Noe. Hat hebe re, apùnì Yahuri mene wene yakùlisegetek meneat he, an nen wene yogohetì atì hùthegen le'ma hìgì. Ì a?

YOHANET 7:32

Atì'nogo ìkì logolìk, it apùnì apik amanogo inane samisamok Yesùt abok ikenem, it ap Parisi mene inasuk holhukwasik he, it ap Ala esewerek inogogì kaintek inom en ap Ala awì wùrìk serogo welagaikarek mene aike nen Yesùt ebe hakhouagalùk wene warisasukwa.

YOHANET 8:3

Wene yakùlisiko were'ma, it ap Ala ane esewerek mene mel, Parisi mene mel en, he aike pailak hagatonem ineileken hasukwasik, Yesùt oba wolok wagaukwasik, he a'nogo ebe tùlem menhìlìk he,

LAKSASIKE 23:9

Inane atì'nogo hilkoat sagalhì logolìk he, it ap Parisi mene Ala ane halal waganek inelu mene amanogo o'moko melarìk inane pùk weak, it Saluki mene amanogo wenagisìkì logolìk he, mel yogoisasukwa: “Nit nina'la nen he, ap yì wene oba le'maat akìkì lago. At amokareke nen yogotomo ìlì'logo he a? At he, malaikat Ala nen yoko pelaksa wagarek mene amanogo aike nen yogotomo ìlì'logo he a. Atì'nogo eberogoat yogotenem ìlì'logo meneat logousak,” ìlùk,

LAKSASIKE 4:5

Atì'nogo hagasukwasik, ohealek it ap kaintek amanogo mel, inalùgetek amanogo mel, Ala ane helal waganek esewerek mene amanogo mel, atogorogo re, it Ala esewerek mene inoe kain Hanat ho, Kayapat ho, Yohanet ho, Aleksatat ho, Ala esewerek inoe kain mene againapùrì aike ho inom, o Yerusalem atogosukwa.

LAKSASIKE 6:12

Atì'nogo ina'la kagalhukwama, it en apùnì aike ina'la menetik, ap inalùgetek amanogo ina'la menetìk, ap Ala ane helal waganek inelu mene amanogo ina'la menetìk, isukwama, it obogat melagaukwasik, at Sitepanùt ebe hakhìlìk, it ap wene ero pìlìngìtì lagaukwa mene amanogo inoba wolok lagaukwa.