MATÌÙT 2:23 - Ala Ane Wene Ket Mene Warogo Wo'ninapike Wene

²³ Wagaikesik he, o kota etage Nasaret atì ki wagaikesik, atomaat kamo isike. Atì'nogo hagasike atì re, it ap Ala ane yogoisìkì lagaukwa mene nen ìkì logolìk, “At ap a'nogo awì Nasaret mene ugun o,” ìlùk isukwa higit hogoat haga'lagaike atì.

MATÌÙT 2:23 ပူးပေါင်းရင်းမြစ်များ

MATÌÙT 1:22

Atì'nogo hagasugun ìlùk he, ninopase Ala Etagepogot en he, ap aike hageat ayoko hesikomo wene yogoisìkì logolìk he, helal waganogo hesike mene higit hogoat haga'lasuagalùk isike atì.

MATÌÙT 21:11

it apùnì logolek amanogo nen he, “Yì Yesùt Ala ane yogoisikerek mene, awì o Kalilea tokwe kota Nasaret mene a'nogo waga yì o,” ìlùk, yogoisasukwa.

MATÌÙT 26:71

kwe hùko ape pale'ma wùlùparek oba wùlìbi wesigìlùk ikenem he, at helekerek aike inatitigeke hùnogoat mene eileken lakhìlìk, apùnì apik amanogo mel yogoisasike: “Ap yì Yesùt Nasaret mene a'nogo inom negarek meneat o,” ìlùk yogoisasikomo,

MAREKÙT 1:24

“Yesùt aua Nasaret mene yì! Hat en nìkì'nogo haga'ninabigìlùk wagen. Nit weaga'ninabigìlùk wagen a? Hat hebe re, Ala okawerek hesik menhagaikesik lakhagei wagama wagen atì, an nen hùthagagì o,” ìlùk ane hùkorogoat yogosike.

MAREKÙT 1:9

At Yohanet en wene atì'nogo yogoisikenem he, Yesùt o Kalilea tokwe etage Nasaret en oba pisikomo re, i Yoretan ima pelapike.

LUKAT 1:26

He Elisabet a'nogo omalik a'ma werek kolek, tugi 6 en holelhikomo re, Ala nen malaikat pogot oba yoko pelaksa wagarek mene aike Kapiriel a'nogo Kalilea tokwe, o kota etage Nasaret, atoma helekerek etage Maria, ap Yùsùp Taùt en tagokwe mene atì eperak lopolek were'ma oba lakhei wagaike.

LUKAT 18:37

Hinok wanhikomo, it en he, mel yogosukwa: “Yesùt awì Nasaret mene a'nogo kwe yìkwe wìrì'logo nen ìlì'lùgì o,” ìlùk yogosukwama,

LUKAT 2:39

Ninopase Etagepogot en ninasuk wasike mene helal wanhukwa a'nogo higit hogo atì'nogo arat hagasukwasik he, at Yesùt agosa opase inaua i Kalilea ima o kota etage Nasaret a'nogo lagai wagaukwa.

YOHANET 18:5

it en he: “Yesùt awì Nasaret mene a'naga herarìk wago o,” ìlùk yogosukwama, at Yesùt en he, “Atì nebe anat o,” ìlùk yogoisasike. Atì'nogo iko kolek, at Yùrat Yesùt wasuagalùk yoko lagaike mene a'nogo inera'lu metek welagaike.

YOHANET 18:7

Atì'nogo lago kolek, at Yesùt en hobuk aike inom mel yogoisasike: “Hit sa herarìk wagep,” ìlùk yogoisasikomo, it en he, “Yesùt awì Nasaret mene a'naga herarìk wago o,” ìlùk yogosukwama,

YOHANET 19:19

Atì'nogo menhisasukwama re, at Pilatùt en he, helal mel ìlùk wanhìke: “Yesùt awì o Nasaret mene apùnì Yahuri mene inoe etagepogot,” ìlùk helal waganogo wogisasikomo re, e Yesùt menhesukwa a'nogo oba te'mek hogo hesukwa.

LAKSASIKE 2:22

Mene re, hit Isirael mene nerùgì nagaiya'lak. An nane igin yì holini. Yesùt aua Nasaret mene a'nogo Ala nen ayoko hesikomo, ninom logolìk, wane hùthoagalùk hagasusak lek mane Ala nen eki omamerogo elalinat hagatì lagaike atì re, ebe Yesùt enat hagatì lagaike. Halok he, Yesùt Ala nen lakhei wagaikomo, ìlùk enagat agaike atì hinelu.

LAKSASIKE 24:5

Ap yì nen he, apùnì weagarinabìk nikenem, oabùt palho. It apùnì ap Nasaret mene a'nogo opolik lìlì'lùgì mene inoe kain logolìk he, apùnì Yahuri mene o yì awì tì awì welagaikarek mene obogat ina'la menerìk niko.