MATÌÙT 2:2 - Ala Ane Wene Ket Mene Warogo Wo'ninapike Wene

² Wagaukwasik, it en he, mel isukwa: “Apùnì Yahurì mene inoe kain Etagepogot ta'lagasik werek a'naga, o kì ta'lagasik werek. Nit o mo yegelogo lagai wagarek a'loma were'ma, ap kain atì ta'lagama ìlùk, hesagal aike weinam agama re, at atì ninetaùken oba hìpìrethìlìk hogorasuogolùk hesagal atì nineileken nen wolok hinok wani wago,” ilùk isukwa.

MATÌÙT 2:2 ပူးပေါင်းရင်းမြစ်များ

MATÌÙT 2:3

Isukwama re, at kain Herotet atì asuk holhìkesik he, at mel, apùnì o Yerusalem welagaukwa mene mel, ina'maken apik lagaike.

MATÌÙT 21:5

“Apùnì o Sion mene yogoisìkì logolìk he, Hinoe Etagepogot hinoba wìrì'logo o. Oabùt enago logolìk, wam keledai mene apot oba hurek logolìk wagìk, keledai eak mene apot oba hùrek logolìk wagìk, wìrì'logo, ìlùk yogoisan o,” ìlùk isike atì eperak higit hogo haga'lasuagalùk, at Yesùt en atì'nogo laksasike atì.

MATÌÙT 27:11

At Yesùt ap Pilatùt Gubernur kain mene a'nogo oba wolok wagaukwama elokoma mel asi lagaikomo re, at an hinok oba wokhìkì logolìk mel yogosike: “Apùnì Yahurì mene inoe etagepogot a'nogo hat meneat ega?” ìlùk yogosikomo, at Yesùt en he: “Hat egen atìat o,” ìlùk yogosike meneat he,

LUKAT 19:38

A'mìt sup hogo pìkì logolìk mel isukwa: “Ala nen ninoe kain Etagepogot lakhagei wagama wagen yì, at enat hanothabuak o! lt pogot oba welagaikarek mene atoma inetaùken hapuk hogo logouak o. Nen, Ala esin pogot oba welagarek mene hogoratì logouok o,” ìlùk atì'nogo ìlìk-ìlìk pisukwa.

LUKAT 2:11

Yogotak telhinabigin mene kain Etagepogot Karìsùt a'nogo o ap Taùt awì sili welagaike ba a'nogo ta'lagasik werek o.

LUKAT 23:3

Atì'nogo yogosukwama, at Pilatut en Yesùt oba hinok wokhìkì logolìk he, mel yogosike: “Ap Yahuri mene inoe etagepogot a'nogo hat meneat ega a?” ìlùk yogosikomo, at Yesùt en he, “Hat egen atìat o,” ìlùk yogosikomo,

LUKAT 23:38

Nen, it en he, “Apùnì Yahuri mene inoe etagepogot he, ebe yìat o,” ìlùk helal waganogo e Yesùt menhesukwa a'nogo ba hesukwa.

YOHANET 1:49

at Nataniel en he, mel yogosike: “Noe. Ala aput nit Isirael mene ninoe kain Hetagepogot harat hììgì o,” ìlùk yogosike.

YOHANET 12:13

wùrama hake mene eka palhìgìk wolok he, Yesùt elokoma a'mìt sup hogo wùlìpì logolìk, mel isukwa: “Wa! Wa! Wa!” ìlùk u hak, “Hosana! Ninopase Ala Etagepogot en nit apùnì Isirael mene ninoe kain lakhagei wagama wagen yì, at enat hanothabuak o,” ìlùk etawì warìk warìk wùlìbi wagaukwa.

YOHANET 18:37

at Pilatùt en he, “Halok he, hat eberogoat kain hetagepogot he a,” ìlùk ìkì lagaikomo, at Yesùt en he, mel yogosike: “An nebe kain netagepogot hat egen atìat o. Atì hesigat an nen ebe wene abok pak hogo yogoisìkì logoigìlùk nebe kweangma yoma ta'lasi pi wagagi o. Apùnì wene ebe wene atì werekwe asi lagaika mene hùgì inebe lopok an nane inasuk holì'lùgì o,” ìlùk yogotì lagaikomo,

YOHANET 19:19

Atì'nogo menhisasukwama re, at Pilatùt en he, helal mel ìlùk wanhìke: “Yesùt awì o Nasaret mene apùnì Yahuri mene inoe etagepogot,” ìlùk helal waganogo wogisasikomo re, e Yesùt menhesukwa a'nogo oba te'mek hogo hesukwa.

YOHANET 20:28

Atì'nogo yogosikomo, at Tomat en he, “Egi! Noe, hebe Hetagepogot Ala at hììgì o,” ìlùk yogosikomo,

YOHANET 9:38

at en he mel yogosike: “Yogotak arat hùthagalìk netaùken hoba hìpìrethìgì, noe,” ìùk eitep awì yagasogo re, Yesùt hogorasike.

IBERANI 1:6

Atì nen he, Ala nen aput omakeat tago kweangma yoma pelakhei wagaike atì sat he, it malaikat yì'nogo yogoisasike: “Hit an nagoromì malaikat obogat he, at enek oba hìpìrìk logolìk hogorati logoino o,” ìlùk yogoisasike.

ABÌKAKAN 22:16

Aìi'nogo yogonetesik, at Yesùt enat hobuk yogonetì logolìk he, “Yì wene tì wene yì abok, an nagot malaikat en hit nagainapùrì o yì awì tì awì atogotesep mene obogat yogohisoagalùk hinoba lakhei wagì atì re, an Yesùt enat o. Nen, e aku hulelherek atì hak, ap Taùt en tagokwe mene a'nogo re, an nebeat o. Nen, hesagal wap o mo yegelogo lagai wagarek higit en, lìabi wagarek mene apopok apik a'nogo re, anat o,” ìlùk yogonete.