MATÌÙT 2:15 - Ala Ane Wene Ket Mene Warogo Wo'ninapike Wene

¹⁵ Lagaikesik, o atoma motok welagaike. Were'ma, at kain Herotet a'nogo ebe wa'lagaikomo nen wagaike. Atì hagasike atì re, it ap Ala ane yogoisìkì lagaukwa mene aike nen he, “An naput o Mesit atoma nen wesuagalùk waesìgìn o,” ìlùk Ala nen isikomo helal waganogo hesike atì higit hogoat haga'lasuagalùk hagasike atì.

MATÌÙT 2:15 ပူးပေါင်းရင်းမြစ်များ

LUKAT 24:44

Nìlìk he, it amanogo mel yogoisasike: “An hit ninom logolìk yogohisìkì logolìk he, An haga'nabugun mene helal Musa nen wanhìk, ap Ala ane yogoisìkì lagaukwa mene amanogo nen wanhìk, it aike nen buku Masimùt oba wanhìk, waganogo hesukwa atì higit hogo, an arat haga'nabugun, ìlùk yogohisìkì lagì a'nogo ebe arat haga'laga yì o,” ìlùk,

MATÌÙT 1:22

Atì'nogo hagasugun ìlùk he, ninopase Ala Etagepogot en he, ap aike hageat ayoko hesikomo wene yogoisìkì logolìk he, helal waganogo hesike mene higit hogoat haga'lasuagalùk isike atì.

MATÌÙT 26:54

Telnabi wesusak elok meneat he, telnabilepma re, Ala nen, Atì'nogo haga'lasigin, ìlùk isikomo helal waganek werek a'nogo re, nìkì'nogo eperak higit a'lep akegen. Lek o. Higit asuagalùk atì'nogo yogotì'lek kamo ìgì atì,” ìlùk, yogosikesik he,

MATÌÙT 21:4

Atì'nogo laksasike atì re, at ap Ala ane yogoisìkì lagaike mene aike nen he:

MATÌÙT 8:17

Atì'nogo hagasike atì re, at Yesaya Ala ane yogoisìkì lagaike mene a'nogo nen helal wanhì logolìk he: “Nit yì ou tì ou wanhorek mene atì at en wanìk legetsìgìk, ninomame li'-lek arìk maben agorek mene atì haga'ninapìk, ike o,” ìlùk isike atì higit hogoat hagasike atì.

MATÌÙT 2:23

Wagaikesik he, o kota etage Nasaret atì ki wagaikesik, atomaat kamo isike. Atì'nogo hagasike atì re, it ap Ala ane yogoisìkì lagaukwa mene nen ìkì logolìk, “At ap a'nogo awì Nasaret mene ugun o,” ìlùk isukwa higit hogoat haga'lagaike atì.

MATÌÙT 2:19

At kain Herotet a'nogo arat wa'lagaikomo re, malaikat Ala nen lakhei wagaikomo wagaikesik he, Yùsùp o Mesit atoma logolìk nogo ikenem hùako abì ba re, mel yogosike:

MATÌÙT 2:17

Atì'nogo haga'lagaike atì re, at Yeremia Ala ane yogoisìkì lagaike mene nen ìkì logolìk he:

YOHANET 19:36

Wene atì'nogo haga'lagaike atì re, Ala ane ba helal mel ìlùk waganogo hesukwama werek: “At oak hukalhogoin motok lek o,” ìlùk isukwa.

YOHANET 19:28

Atì'nogo arat haga'lùk oba nen, at Yesùt a'la nen he, “Yì wene tì wene obogat arat elùgùn warogo hagatì,” ìlùk elu nogo nen he, Ala ane helal waganogo hesukwa mene ebe asuagalùk, “An i nele,” isike.

MATÌÙT 26:56

it ap Ala ane yogoisìkì lagaukwa mene nen helal wanhukwa a'nogo eperak higit asuagalùk haga'napep o,” ìlùk, yogoisasikomo re, it ap at ane wanhì lagaukwa mene amanogo, at ebe hebùlùk hese motok pùgùlhukwa.

LAKSASIKE 1:16

“Nerùgì nagaiya'lak. At Yùrat a'nogo re, nit ninom yabu hano hagatì logouagalùk Yesùt en ayoko hìlìk menhesikomo, nit ninom hano welagosik meneat he, holoat wene Ala Areagùn nen at Yùrat hesik isikomo, at Taùt en helal waganogo hesike mene were'ma, at Yùrat en ap en Yesùt ebe hakhouagalùk wogisek waga atì, haga'lasusak obaat haga'laga o,” ìlùk yogoisasike.

MATÌÙT 27:35

Atì'nogo hagasukwasik he, at ebe e ba menhìlìk asu nokolek amanogo, “Sanì hak asugun,” ìlùk, oageke lakhìgìk, wakhìgìk, isukwasik he, oageke inoba agaike mene hùgì sùpùrogo helasukwa.

MATÌÙT 2:14

Abì halùk eluk agaikesik he, hùakoat omalik ketago a'nogo agosa eperak wogisek o Mesit lagaike.