MATÌÙT 2:13 - Ala Ane Wene Ket Mene Warogo Wo'ninapike Wene

¹³ It ap hesagal ineileken nen wolok wagaukwa mene amanogo arat lagaukwama re, hùako at Yùsùp nogo ikenem malaikat pogot oba nen wagaikesik he, abì ba mel yogosike: “Yùsùp. Hat he, omalik tago arì agosa eperagat wogisek, o Mesit atoma hese lan o. Lìlìk he, atomaat logoino. Were'ma, an nen yogohetì halogat we'no. At kain Herotet a'nogo nen omalik tago arì wasigìlùk ìlì'logo o,” ìlùk yogosikomo abì hasike.

MATÌÙT 2:13 ပူးပေါင်းရင်းမြစ်များ

LAKSASIKE 12:11

Nalagaikomo, at Peterùt oabùt hebelarìk he, a'la mel akasike: “Ì. At Herotet omame ba ha'narek were'ma, it apùnì Yahuri mene obogat en he, Tì'nogo hagasugun, ìlùk nabok palho kolegat, malaikat ninoe Etagepogot en eberogoat yoko pelakhei wagama hele hikalnape hìgì,” ìlùk hùthasike.

LAKSASIKE 10:7

Arat yogo'lùk he, malaikat Ala nen yoko pelaksa wagarek mene a'nogo wùlìpikesik lagasikomo re, at Korenelìùt en, atitigeke mene aua welagaikarek mene inebe pìre mel, ap aike ebe tentara, ekaragùn mene Ala ebe hogoratì logolìk Korenelìùt wolok nìkì lagaike mene atì mel, waisasike.

LAKSASIKE 5:19

Hisasukwama, were'ma re, malaikat ninoe Etagepogot en yoko pelaksa wagarek mene amanogo aike hùako pi wagaikesik he, o apùnì ineki hele warek hisagarek oba, kwe yagarek mene hua'lapuk hìlìk inebe wogisek wùlìbi wagaike.

MATÌÙT 2:12

Wogosukwasik nogo ikenem at Ala nen he, “Hit hobuk hinapotkwe Herotet oba lagùp,” ìlùk hùsipi negen yogoisasikomo inabì halùk he, kwe hùnogokwe nen inaua lagaukwa.

MATÌÙT 1:20

Atì'nogo akìkì logolìk, hùako nogo ikenem he, at malaikat Ala nen pogot oba nen yoko pelaksa wagarek mene aike oba wagaikesik he, mel yogosike: “Yùsùp Taùt opa yì. Hat he, He Marìa atì wanu nabìt, ìlùk ha'la akagùn o. Omalik atì Ala Areagùn nenat a'mathikomo. Halok he, wanino.

MATÌÙT 2:16

At kain Herotet a'nogo nen it ap wene warìsasike mene a'nogo, “Wesugun a? Lek a,” ìlùk, yerìsek welagaike welagaike re, inebe legat en he, “Lalnapama hìgì,” ìlùk a'mage apik lagasike. A'mage apik lagasikesik he, “Omalik ketago mene o Pe'lehem atoma mene mel, o era'lukwe atoma mene mel, hùlì ap hesagal ineileken nen wolok wagaikasik, Ti hùlì ba nen hogo, ìlùk sekek hogo yogoneta hùlì nen, umur 2 tahun mene mel, hobuk ta'larìk wagaika mene mel, ap hùgì obogat motok inoa'no,” ìlùk, agoromì laksasike.

ABÌKAKAN 12:14

Atì'nogo niko atì nen, at agaserogo o apùnì le'ma logouagalùk, Ala nen obùlùk tegelogo hisasike ba atì purogo loagalùk, sùe pìm hùko mene ogolabì mene wogotomo purogo atoma lagasik, Ala nen serogo werek kolek, o mo lagagìk, pìgìk, iko kolek, 3 tahun setengah welaga hìgì.

LAKSASIKE 16:36

Atì'nogo laksasukwama lagaukwasik ap hele werek hagisek welagaike mene a'nogo yogosukwama, at en he, Paùlùt mel yogosike: “It ap kaintek amanogo nen he, hit hele hikalogo wulakhikoagalùk yoko laksa wagaikama yì o. Halok he, hinebe wùlìbìk he, hina'la hanorogo lano o,” ìlùk yogosike.

LAKSASIKE 10:22

Atì'nogo yogoisasikomo, it en he, “Ap tentara mene esa logolharek mene inoe kain etage Korenelìùt, atì nen lakhina wagama wago. At atì oabùt higit hogo hagatìk, Ala ebe ayùk hogo welagìk, ikenem, it apùnì Yahuri mene obogat en oabùt palharesik he, atì'nogoat abok hano egarek. At ati atì'nogo hagatenem, malaikat Ala nen yoko pelaksa wagarek mene amanogo aike nen he, Peterùt atì nen wene hat hasuk holusak mene yogohesigin werek o, ìlùk hat hayoko lakhina wesuagalùk yogotomo, at en lakhina wagama hoba wago o,” ìlùk yogosukwa.

LAKSASIKE 7:19

Logolìk he, apùnì nit mene ninopalak amanogo lalinaìik, yì aik tì aik hagarinapìik, ìkì lagaike. Atì'nogo ìkì logolìk inagainapùrì ketago mene ineluk logoinogo ìlùk, Wa'lasuak en eta'ma wulaksani, ìlùk ane ning hogo yogoisìkì lagaike.

MATÌÙT 10:23

O sili aike nen weagathinabuogolùk iko halok he, hese o sili aike lano. It apùnì Isirael mene inawi sili he'nakìt oan wene yogoisìgì'lek werek kolegat he, an abat ta'lasi wagagi a'nogo hobuk wesigin o, ìlùk, nane eberogoat yogohisìgì.

ABÌKAKAN 12:6

Atì'nogo wolok laga kolek, at he a'nogo o leimo apùnì le'ma logousak oba, Ala nen obùlùk aike tegelogo hisasike ba atoma hese lagasik were'ma serogo werek kolek, eki 1.260 nen welaga lakhìgì o.

ABÌKAKAN 12:4

Atì'nogo logolìk, agakùm oba hesagal pogot oba mene 3 mìkìlogo hìlìk, pìre herakhìlìk, aike lisogo kweangma pelaksa wagasik, he a'nogo eak takikenem haum hogo nagalùk elokoma kagalek welaga.

MATÌÙT 2:22

Wagaikomo re, it apùnì nen he, “O propinsi Yurea amanogo hobuk ap kain he, etage Arikilaùt atì opase Herotet obùlù'mo menhagama werek o,” ìlùk isukwama, Yùsùp asuk holhìkesik he, o atoma lasak ayùk agaikesik were'ma, at Ala nen, “O Yurea atoma lagùn o,” ìlùk, abì ba hùsipi yogosikomo, o Kalilea atomaat wagaike.

MATÌÙT 2:14

Abì halùk eluk agaikesik he, hùakoat omalik ketago a'nogo agosa eperak wogisek o Mesit lagaike.

LAKSASIKE 12:7

Atì'nogo were'ma re, malaikat ninoe Etagepogot en yoko pelaksa wagarek mene amanogo aike ka nen heat atoma mel aganem he, o hùlù sekele'ma a'nogo motok lìa agaike. Atì'nogo lìa agaikomo, at malaikat a'nogo nen he, Peterùt eluk asuagalùk abeleken oba eki nen temùgùthìkì logolìk, mel yogosike: “Hepok melame,” ìlùk yogosikomo melaganem he, posie omaken a'nogo eki ba nen kopok hogo pisike.