MATÌÙT 19:29 - Ala Ane Wene Ket Mene Warogo Wo'ninapike Wene

²⁹ Halok, an netage hùko asuagalùk sa nen awì wùrìk mel, oe agot mel, erùgì mel, opase agosa mel, againapùrì mel, eyabu siok mel, heraksalùk waga halok he, obùlù'mo Ala nen oko ebe mene motok apik wogotìk, nabùlal-habùlal wogotìk, ìgìn o.

MATÌÙT 19:29 ပူးပေါင်းရင်းမြစ်များ

PILIPI 3:8

Atì'nogo huthìkì lagì atì nek hùk. Noe Etagepogot Yesùt Karìsùt nelu agagi atì hano motogat o. Yì mene tì mene hùnogo mene hagatì lagagi atì, nong asigin mene hagatì lagagimo ìlùk, hùthìkì lagìat o. At ebe helìlìk he, neperak hutik motok logouogolùk, yabu aleke tegelogo wulaksagarek hak, yì mene tì mene alep hagatì lagagi mene atì, “We meneat,” ìlùk heraksasigi atì. Wene Ala nen ninasuk wasike wene atì ba, nokawerek en higit hagatì lagì hùk. It apùnì aike inetaùken Karìsùt oba hìpìrethikenem, ùkùm inoba mene korogo wokhìlìk hobuk Ala inom hùnogo hisikerek hak, an atì'nogoat netaùken at oba hìpìrethesìgìmo, ùkùm noba welagaike mene korogo wokhasike atì.

LUKAT 14:26

“Hit hinopasa hinagosalak mel, hinagagwì hinagainapùrì mel, hinogogì hinagoromì mel, hinebe hinokawerek atì mel, obogat, Motok nabìt o, ìlùk, akìgì'lek logolìk, an nagoromì asuogolùk nawe a'ma ki wesusak mea o.

MATÌÙT 16:25

Nen, sa nen okawerek en, An nebe neluk logousak walok, ìlùk ebe elele helegein halok he, wa'larìk nong akegein o. Mene re, sa nen ebe elele helìgì'lek an hesik wa'laga halok he, ebe elele helegein o.

MATÌÙT 6:33

Halok he, hinopase Ala nen awe a'ma logolìk hagatì logousak atì hesik mel, nen, at en, Yì'nogo tì'nogo haga'no, ìlùk yogohisikenem hagatì logousak atì hesik mel, esinethìkì logogun halok, yì mene tì mene atì oba louk hogo wokhisegeinat o.

1 PETERÙT 4:14

Apùnì aike nen at Karìsùt hesik wenakhisiko halok he, hina'la nen he, “Ala Areagùn hogoratarek mene a'nogo ninoba louk ikomo welago,” ìlùk hina'la hai hakìkì logoino o.

MATÌÙT 10:22

Nen, apùnì obogat en an netage ìlìk, Hit he, at agoromì, ìlùk inabìt motok hikogoin o. Meneat he, sa nen epe morogo logogin halok he, o wùrep oba Ala nen teligin o.

YOHANET 15:19

Hit hinebe apùnì kweangma mene logoilepma re, it apùnì kweangma mene nen he, It he, nit ninagoromì, ìlùk inetaùken hutik hagathinabilep meneat he, hit hinebe it apùnì kweangma mene were'ma wenakhinapigisik wokhinapigisi'mo re, hinebe it mene welagep hùk. Atì nen he, inabìt motok hagathinabì'lùgì o.

LUKAT 6:22

Nen, it ap yoma inapulak en, it ap alep Ala ane yogoisìkì lagaukwa mene hagarinapì lagaukwa hagat, hit yogotak an abat ta'lasi wagagi a'nogo nane wanhep atì nen ina'mapsìrì wathikìkì logolìk, hit enek kogologo hikìgìk, inane pùk weak wenakhisìgìk. Ap yì weak, ìlùk hinetage ìkì logolìk hinabok weak palhìk, atì'nogo hagathinapo halok, oko wokhisegein mene pogot oba apik werek atì nen he, hina'la hai hakìkì logolìk huleken etawì watì logoino.

MATÌÙT 5:11

Hit oan werek kolek, hageat it ap Ala ane yogoisìkì lagaukwa mene weagarinapì lagaukwa hagat, hit an nebe hesik, it apùnì aike nen wenakhisìgìk, weagathinapìk, inapeliak enat hinabok ìkì logolìk, yì weak tì weak hinoba hìgìk, iko halok he, hina'la hai hakìkì logousak o. Hobuk ninopase pogot oba mene nen hùko mene wo'nisegein ìlùk, hina'la hano agìk, hai hakìgìk, hùkorogo ìkì logoino,” ìlùk yogoisasike.

1 KORÌTÙT 2:9

Wene atì hesik he, Ala ane yì'nogo helal waganek werek: “At Ala nen he, yì mene tì mene apùnì nen ineileken hìgì'lek. Inasuk holhì'lek. Ina'la nen kagalhì'lek. Mene, obogat nit apùnì at ebe ninetawì welagorek mene hùgì hinikomo werek o,” ìlùk helal waganogo hesukwama werek.

LAKSASIKE 9:16

Atì'nogo ayoko hìgìrì'mo re, at en netage atì'nogo yogoisìlìk nikenem, at yì aik tì aik hìkì logousak obaat hìkì logogin mene, an nen yogosigin werek o,” ìlùk yogosike.

MATÌÙT 25:34

Atì'nogo tegelogo hisìlìk he, an nebe Netagepogorat nogo nen he, it neki ebekwe hisegein mene atì, wene mel yogoisegein: An nopase nen hanothinapomo welagep. Halok, we'ni o. An sùpùrùk nele were'ma hit en mela'netìk, i nele were'ma hit en wo'netìk, an ap pogat were'ma hit en wo'napìk, nasu labere'lek were'ma hit en labethanìk, ou warek were'ma hit en nea wagìk, neki hele warek were'ma nea wagìk, isigip atì nen he, an nopase nen pogot kweang oan elalhì'lek logolìk, hit kain hinetage pogot logouageip ìlùk, wenagasogo hikasike mene yì hela we'ni o, ìlùk yogoisikenem,

MATÌÙT 19:16

At Yesùt atì'nogo lagaikesik were'ma, ap aike oba wagaikesik he, mel yogosike: “Guru, noe. An nabùlal-habùlal haga'nabuak en he, an noabùt hagatì logousak he, hano ki hake hagatì logousak akegen,” ìlùk yogosikomo,

MATÌÙT 13:23

Nen, awì heik aike kweang hanoma heik lakhesike atì ebe re, it apùnì aike Ala ane atì inasuk holharesik he, ebe tùkùm hogo hùthikenem, wene atì eken ìterek o. Ero aike nen eken 100 ìtìk, ero aike nen eken 60 ìtìk, ero aike nen eken 30 ìtìk, ìterek atìat o,” ìlùk yogoisasike.

2 KORÌTÙT 5:16

Atì nen he, nit en hùlì yogotak ya hùlì nen he, apùnì nen inoabùt palharek hak, it apùnì aike inoabùt atì'nogo palhì lago lek o. Nen, alep he, Karìsùt oabùt atì'nogo palhugu hak, hobuk atì'nogo palhì lago legat o.

MATÌÙT 25:46

it apùnì atì yì aik tì aik hìkì logogun oba motok logouagalùk laksegein o. Meneat he, it Ala ane hologo hagatì logogun mene atì ineluk motok logogunmo atoma hisegein o,” ìlùk, yogoisasike.

MATÌÙT 13:8

Nen, eken aike re, kweang hanoma pìlìk lagaike mene re, hulelhikesik ebe hùko agaikesik eken apik isike. Ero aike eken 100 nen isike. Ero aike eken 60 nen isike. Nen, ero aike eken 30 nen isike.

LUKAT 5:11

Atì'nogo isikomo re, so a'nogo i aik oba hei wìrìk he, yì mene tì mene obogat heraksalùk Yesùt opolik lagaukwa.

YOHANET 4:36

Ebe arat palho halok he, ap aike awì yaterek mene mel, nen, aike eken palherek mene mel, eperak ina'la hai hakoagalùk, yogotak at aike eken palì'logo mene atì oko helìlì'logoat o. Oko helìlì'logo atì ebe re, eken palogo atogorogo hagarek atì hak, apùnì ineluk motok logouagalùk atogorogo hisìlì'logo atìat o.